Matius 17:3 - Allah Wene Hurumbik Keron

³ Hulu atuk apagma, it Musa, Elia etano At Yesus inim wene baltukmu, it omini henahan etanowen inilanggen isebag.

Matius 17:3 ပူးပေါင်းရင်းမြစ်များ

Matius 17:2

Laharuk apareg, epmano inim wilil, At olohore akeleg neken seg apag. Akeleg neken seg atuk apareg, At asum obog apinag suruk wilil, At olohore etno mo yatukon etno ilitoho hulu apag.

Matius 17:4

Isaruk apareg, at Petrusen Yesus yig ituk wilil, “Ninowe-o, nit duma fa­no-at wela­he du, Haren fano uruk healug, o henahan falimihin-o, misig Hat hibam, misig Musa ibam, misig at Elia ibam, o ebe eta-at falimihin-o,”

Markus 9:4

it Elia, Musa etano At Yesus inim wene baltukmu, it omini henahan etanowen inilanggen isebag. Inilanggen isaruk apareg, at Petrus etnowen Yesus yig ituk wilil, “Ninowe-o, nit duma fano-at welahe du, o henahan faluk-o.

Lukas 1:17

Waharuk aruhureg, bilin at nabi Elia etnowen oag weregsoho yig isil lebag etno ilitoho, at Yohanes etno ariroho-at Allah wene yig isil nuruk aruhu-o. Ariroho sil nuruk wilil, iniknisi, inudaki inim dambul inabeheg, eke it aphe inesanggo holtuk elehon epmano At Allahen ebahon epmano ilitoho sukag ulug yig iseheg, eke At Ninowe wamon etno udaki neken wilil aso welamag ulug yig iseheg suruk aruhu-o,” ulug at malaikat etnowen Zakharia yig epag.

Lukas 16:16

Eke at Yohanes ikma belap inaptukon etno awan waharuk eleg heheg, at Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inim, du-at senebuk ulug hinahla birikip-o. Eke at etno waharuk atisireg, At Allah weregma welamon wene fano wene etno yig hisaruk atisimu, it aphe obohen inasineroho kuk ulug uruk-o.

Lukas 24:27

Yig isaruk apareg, eke fobik At Yesus etnowen at Musaen wene embebahon etno inim, eke it nabi ap obohen wene embebahon epmano inim, At Yesus ahurumbik Alkitab fam weregma obog dindiloko yig isebag.

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Lukas 9:33

at Petrus etnowen Yesus yig ituk wilil, “Ninowe-o, nit duma fano-at welahe-du, o henahan faluk-o, misig Hat hibam, misig at Musa ibam, misig at Elia ibam, o ebe eta-at faltul-o,” ulug yig epag. Ariroho yig epag ari, at Petrus etno wene ariroho ik ulug apeleg heheg, we yuhun-at yig epag.

Yohanes 1:17

Eke at Musaen wene duroho suruk amuk eke duroho suruk am fug ulug ebahon etno yig nisawag ulug At Allahen yig epahon oke, At Yesus Kristus etnowen ninabua nisawon wene etno inim, eke demat urukon wene etno inim yanggul nisawag ulug At Allahen yig epag-o.