Matius 17:20 - Allah Wene Hurumbik Keron

²⁰ Yig ituk apagma, At Yesus etnowen yig isaruk wilil, “Hit At Allah obam dorat ebetuk ahep famen, hiren wilipfuk hai aha-o. Eke hinindi At obam fanoroho ebetlepmen, hit bunu du yig ituk wilil, ‘Hebe hal amin-o,’ ulug yig itlepmen, bunu ebe hal atlep-o. Hiren yi angge di angge obog-at selep-o.

Matius 17:20 ပူးပေါင်းရင်းမြစ်များ

Matius 13:31

Eke fobik At Yesus etnowen wene ilitoho neken yig isaruk wilil, “At Allah weregmen sukon etno hag, e wile anggen ari mondog doron-at wereg-o.

Matius 14:29

eke At Yesusen yig ituk wilil, “Hat hebe kidia wilik ma-o,” ulug yig epag. Yig ituk apagma, at Petrus etno so fam epmanowen wilip atuk apareg, ik ahum fam iog umbulug At Yesus ambeg liog ulug horogsoho lebag.

Matius 17:17

Yig ituk apagma, At Yesusen yig isaruk wilil, “Nomini-o, hit An ninim welaheon oke, hinindi dahon wilil fikfag ebereheg eleg sil nuruk ahep du, An ninggik maren ninim welatlug nibam lahuk-o? Eke An hit ninim welam ari nambit-o. Eke An nebe ninggik maren ninim welatlug lahuk-o?” ulug yig isaruk apareg, ap etno yig ituk wilil, “Udag ari walug nambeg dia ma-o,” ulug yig ituk apareg, setan etno winimug yig ituk apagma, wilip apag.

Matius 17:19

Fano atuk apagma, At Yesus etno uma weregma, omini inim inakeleg-at wene uruk wilil, “Setan wilip amag ulug seheon oke, niren ehema wilip aheg eleg-at bok welaha ari, keroho ulug sehek-o?” ulug yig epag.

Matius 17:9

Ini­langgen halug, fobik bunumu epmanowen ambik waharuk apareg, At Yesusen yig isaruk wilil, “An hinilanggen neyehebon etno aphe yig isa fug-o. An Allahen minduhup naharision etno fobik aphe warehon wereg ambeg epmanowen niluk atlug waharuk nealug yig isahuben-o,” ulug inesanggo wapag.

Matius 21:21

At Yesusen yig isaruk wilil, “Hit An yig hisaminon etno-at hinindi ebetuk amuk-o. Hit hinindi biren neken welam sohorep isalug, hiren demat ulug ebetuk amuhup halug, Anden e du yig irihimu bug aha etno hag, hiren ariroho sukon etno hai aruhu fug-o. Eke misig, hit hinindi fanoroho ebetuk wilil, bunu suon du leko lahalug ik yenggeleg epma sebesik ambik ma-o, ulug yig ituk hisalug, ambik waruhu at-o.

Matius 8:26

At Yesusen yig isaruk wilil, “Hit Allah une fanoroho ebetuk ahep fug etno, keroho ulug hinakolen uruk ahep-o?” ulug yig isebag. Yig isaruk apareg, minatlug hiahne etno inim, ik etno inim winimug yig isaruk apagma, aplohok eleg apag.

Markus 11:22

Yig ituk apagma, eke At Yesus etnowen yig ituk wilil, “Ari halug, Anden yig hisaminon etno-at hinindi ebetuk amiek-o.

Markus 11:23

Hit hinindi biren welahebon etno imbisalug, At Allah obam-at hinindi ebetuk wilil, bunu suon du leko lahalug ik yenggeleg du sebesik ambik ma-o, ulug uruk wilil, hinindi demat ebetuk hisalug, hiren uruk ahebon etno demat seg atukmu hinilanggen hahup-o, ulug yig hisihi ari demat yig hisihi-o.

Markus 4:31

“E wile anggen ari, o kweanma dumen mondog doron-at wereg-o. Anggen doron-at oke, ap misihen i yatuk halug, anggen etno dulum-at unggum lahaluhen ebe mondog su atuk-o.

Markus 9:23

Yig ituk apagma, At Yesus etnowen yig ituk wilil, “Fano suruk hiluk halug ehen ari, keroho ulug ehen-o? It yi aphe di aphe obohen At Allah obam ebetuk isalug, iren kino urukon etno ilitoho-at suruk-o,” ulug yig epag.

Lukas 1:37

Eke At Allah yi angge di angge surukon etno obog iluk-o,” ulug at malaikaren yig epag.

Lukas 17:6

Yig ituk apagma, At Ninowe etnowen yig isaruk wilil, “Hit hag dorat hinindi ebetlepmen, e suon du yig ituk wilil, ‘Homanggen bal saruk apmihinteg, ik laut ikma yaho welaruhunen lag-o,’ ulug yig itlepma, holtep-o,” ulug yig isebag.

Lukas 18:27

Yig ituk apagma, At Yesus etnowen yig isaruk wilil, “It apheyen ari suk hai-o. At Allahen-at inili og inabuk fano-o,” ulug yig isebag.

Yohanes 11:40

Yig ituk apagma, At Yesusen yig ituk wilil, “Anden bilin hat hindimu demat ulug ebetuk healug, At Allahen sukfuganggeroho surukmu hamihin-o, ulug yig hirihi etno hat hapeleg ahenteg uruk ahen ano?” ulug yig epag.

1 Korintus 12:9

Eke ariroho suruk ari at misig etno Roh Kudus indimu wilil, Allah obam ebetuk amag ulug og ituk-o. Eke at misig Roh Kudus indimu wilil it aphe uk warehon fano inaptuk amag ulug og ituk-o.

1 Korintus 13:2

Eke an Allah wene nindimuen walug yig iseheg, eke yi angge di angge herahowon epmano obog niluk aheg, eke At Allah inuk mondog ebetuk wilil bunu etno walug o ninmu imbik laheg suruk wilil, nindi hunduhuk eleg welatlemen, an nebe napeleg neken-at welatle-o.

Ibrani 3:19

Ariroho ebag ari, it etno inindimuen demat ulug eberoko webag fug etno fam o kelsaruk ambeg epma kuk hai apag hehe-o.