Matius 17:12 - Allah Wene Hurumbik Keron

¹² eke misig du An demat yig hisamin-o, at Elia etno arat waharisireg ninim weregma it apheyen at obam ebereheg eleg-at wilil, inindien-at obam dag seko umburusa-o. Eke at etno dahon obam umburusa etno hag, An Allahen minduhup naharision etno dahon nobam umbuhup-o,” ulug yig isaruk apagma,

Matius 17:12 ပူးပေါင်းရင်းမြစ်များ

Matius 11:2

Laruk apareg weregma, at Yohanes aphe ikma belap inaptukon etno hele waroko it aphe dag suru­kon kolap isaruk ambeg wilil, At Kristusen sebahon etno esanggo holtuk apareg, omini nin At Yesus ambeg lahap isebag.

Matius 16:21

Eke fobik At Yesusen omini epmano wene yanggul isaruk wilil, “An fobik o Yerusalem laruk aruhukmu, it inowesi suon epmano inim, eke it Allah unde suon etno inim, it wene holal baleg unde epmano inimen dahon neken nowabuhup-o. Nowatuk amuhupmu, ninggik henahanam welaruhukseg fam, niluksoho minduhup nahaku-o,” ulug yig isebag.

Matius 17:11

eke At Yesusen yig isaruk wilil, “Ariroho yig hisaruk ari, at Elia etno bilin waharuk aruhureg, aren yi angge di angge epmano dig dug seko umburuk aruhu ulug yig hisaruk ari, demat yig hisaruk oke,

Matius 17:13

eke At omini etnowen wi uruk apareg, Yohanes aphe ikma belap inaptukon etno farim wene yig nisehek-o, ulug inahla bebag.

Matius 17:22

Eke fobik it omini epmano obog o Galilea wonggalik waharuk apagma, At Yesus etnowen yig isaruk wilil, “Horog kidia-at An Allahen minduhup naharision etno senoko og naplug laruk amuhupmu, nowabuhup-o.

Matius 17:9

Ini­langgen halug, fobik bunumu epmanowen ambik waharuk apareg, At Yesusen yig isaruk wilil, “An hinilanggen neyehebon etno aphe yig isa fug-o. An Allahen minduhup naharision etno fobik aphe warehon wereg ambeg epmanowen niluk atlug waharuk nealug yig isahuben-o,” ulug inesanggo wapag.

Matius 21:32

Eke at Yohanes aphe ikma belap inaptukon etno hinambeg waharuk apareg, kwalem moron etno lawag ulug yig hisebahon oke, hiren demat yig nisehek ulug hinindi ebetikip fug-o. It ap uang onggo kino urukon etno inim, eke it hweap yuhun-at wanggik surukon etno inim hag, demat yig nisaruk ulug inindi ebetusa-o. Ariroho ebetuson etno hit hinilanggen isaruk atikibon oke, hiren fobik demat yig nisaruk ulug hinindi ebebuk sohorep isalug, we yuhun-at welatikip-o,” ulug yig isebag.

Matius 8:20

Yig ituk apagma, eke At Yesusen yig ituk wilil, “Bak halug, inibam e elma wereg-o. Eke sue boholma sil nurukon halug, inibam wereg-o. Eke An Allahen minduhup naharision etno kel siog ulug nunggul hopsoho ying am ambeg ari eleg-o,” ulug yig epag.

Lukas 7:33

Eke at Yohanes ikma belap inaptukon etno waharisireg, orom inim, ik anggur etno inim nenggeg eleg weregma, hiren, ‘At ebe ap nenekon at-o,’ ulug uruk atikip-o.

Yohanes 1:11

Inahla beheg eleg weregma, At ibam endag apag ambeg epmano yig isa lebahon oke, it aphe At ibam welapahon epmanowen At obam ebetuk apag fug-o.

Kisah Para Rasul 2:23

Eke At Allahen indi ebetuk wilil, At Yesus senebukagsoho og isahuk ulug ahla buruk apareg og hisarisimu, hiren it ap selemon dahon epmanowen e fam lenggaloko paku waroko umbukag ulug og isarikipseg, hinim watikip-o.

Kisah Para Rasul 4:10

hit inim it Israel ap inim hit obog hiniluk amag ulug yig hisamin-o. At ap iog oag elehon fano atisireg wereg du, At Yesus Kristus Nazaret ap etno inuk fam oag weregsoho fano atisi-o. Eke At Yesus etno bilin hiren e fam lenggaloko watikibon oke, At Allahen it aphe warehon wereg ambeg epmanowen iluksoho minduhupfirisi-o.

Kisah Para Rasul 7:52

Eke it nabi ap epmano hit hinetamuki Allah wene yig isa waharuk apagma, iren muko wilip iseheg, inebe warep iseheg sebag-o. Eke it nabi ap epmano bilin, ‘Allah anggimbu fanowon waruhu,’ ulug hurumbik yig isaruk heheg oke, dahon etno-at inobam embebag. Eke fobik At hinili warukon ari Allah anggimbu fanowon etno hiren senoko watikip-o.