Matius 16:4 - Allah Wene Hurumbik Keron

⁴ Yig isaruk apareg, eke fobik yig isaruk wilil, “Eke hiren sukfugangge misig sin-o, ulug yig nituk ahep ari, Anden suk nambit-o. Eke at Yunus etno elalintoho welapag etno hag, elalintoho suruk neahup-o,” ulug yig isaruk apareg, it epmano imbisalug lebag.

Matius 16:4 ပူးပေါင်းရင်းမြစ်များ

Matius 15:14

Eke it Farisi ap etno farim hinindi ebebuk fug-o. It etno inilanggen buhon wilil, inomini inilanggen buhon etno ininggik senoko og inaplug laruk oke, obog-at yombanma bule ambuhup-o,” ulug yig isebag.

Matius 16:5

Eke fobik it omini epmano ik le femag laruk apareg, orom roti etno wao inapeleg atlug lebag.

Markus 8:12

Yig ituk apagma, At Yesus etno amberak atuk apareg, yig isaruk wilil, “Hit aphe dumen fog habulen sin-o, ulug yig nituk ahep ari, keroho ulug yig nituk ahep-o?

Markus 8:38

Eke fobik it aphe duma narlog harlog seheg, yi dag di dag seheg suruk iseheg, hit hinim-at wilil An nawene etno yig isao hinenggalien sohorep isaruk amuhup halug, fobik An Allahen minduhup naharision etno it boholma malaikat epmano ninim At An Nikni etnowen ninalontoho lahap nisa waharuk aruhumu, Anden hinili wao sohorep hisahakuk-o,” ulug yig isebag.

Kisah Para Rasul 18:6

Yig isaruk atisimu, it Yahudi ap inamberaken wene dahon etno obam umburuk atusama, at etnowen asum sabele hosaruk atisireg, yig isaruk wilil, “Hit hinobam dombog-at suruk ahep-o. Hit hinebe o dagma welamon etno hinonggarehen-at imig saruk ahep-o. Hiren an nobam yig num fug-o. An kidia it aphe Allah wene inapelehon epmano yig isa lamin-o,” ulug yig isaruk atisireg,

Kisah Para Rasul 2:40

Yig isaruk apareg, inesanggo watuk wilil, “It dag surukon du fobik dagma imbisahu-o. Eke hit ariroho hinombisahuk nowen ulug hinahap wendat saruk amiek-o,” ulug yig isebag.