Matius 16:27 - Allah Wene Hurumbik Keron

²⁷ Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Matius 16:27 ပူးပေါင်းရင်းမြစ်များ

Matius 13:41

fobik At Allah Amloho etno waharuk aruhureg, Aren at omalaikat belabik waruhu-o. Belabik waharuk aruhumu, it etnowen o kweanma duma it dag surukon epmano inim, it apheyen dag suruk amag ulug yig isarukon etno inim obog-at baluroho og inaplug,

Matius 13:49

Iren ariroho suruk apag etno hag, fobik o atog huli fam it malaikat etnowen suhup-o. It etno kweanma ambik wamuhupseg, aphe inobabut fano surukon halug, inakeleg-at fuloko imbisaruk amuhupseg,

Matius 24:30

Ariroho suruk heheg, An Allahen minduhup naharision etno waharuk ulug inahla bukag ulug boholmen sukfugangge misig etno suhu-o. Suruk aruhumu, it yi aphe di aphe kweanmon inungguluag obog-at ioba yatuk wilil, An Allahen minduhup naharision etno boholmen ambik waharukmu inilanggen neahup-o. Ariroho inilanggen neahup ari, An nebe suon nalon werehon-at hena famen ambik waharukmu inilanggen neahup-o.

Matius 25:31

Eke fobik At Yesusen yig isaruk wilil, “An Allahen minduhup naharision etno fobik Inowe suon wilil, nomalaikat obog og inaplug waharuk aruhukseg, An nebe e horie urukon e daleg fanowon etno fam horie uhuk-o.

Matius 26:64

eke At Yesus etnowen yig ituk wilil, “Hat ehen ari, demat ehen-o. Eke misig du yig hisamin-o. O yoho du famen An Allahen minduhup naharision etno fobik At oag mondog werehon etno inggik bikit fil horieg welaruhukseg, hena famen ambik waharukmu hinilanggen yet neahup-o,” ulug yig isebag.

Matius 8:20

Yig ituk apagma, eke At Yesusen yig ituk wilil, “Bak halug, inibam e elma wereg-o. Eke sue boholma sil nurukon halug, inibam wereg-o. Eke An Allahen minduhup naharision etno kel siog ulug nunggul hopsoho ying am ambeg ari eleg-o,” ulug yig epag.

Markus 14:62

Hinog waruk apagma, At Yesus etnowen yig ituk wilil, “An nebe du at-o. Eke An Allahen minduhup naharision etno fobik At oag mondog werehon etno inggik bikit fil horieg welaruhukseg, hena famen ambik waharukmu hinilanggen yet neahup-o,” ulug yig isebag.

Markus 8:38

Eke fobik it aphe duma narlog harlog seheg, yi dag di dag seheg suruk iseheg, hit hinim-at wilil An nawene etno yig isao hinenggalien sohorep isaruk amuhup halug, fobik An Allahen minduhup naharision etno it boholma malaikat epmano ninim At An Nikni etnowen ninalontoho lahap nisa waharuk aruhumu, Anden hinili wao sohorep hisahakuk-o,” ulug yig isebag.

Lukas 21:27

Ariroho suruk amuhupmu, An Allahen minduhup naharision etno hena famen ambik waharuk wilil, suon nalon werehon-at ambik waharukmu inilanggen neahup-o.

Lukas 22:69

ulug yig isaruk wilil, eke kidia An Allahen minduhup naharision etno Nikni inuk suon etno inggik bikit fil ambeg horie uhuk-o,” ulug yig isebag.

Lukas 9:26

Eke hit An ninuk inim, An nawene etno inim yig isao hinenggalien sohorep isaruk amuhup halug, fobik An Allahen minduhup naharision etno An Nikni inim, it boholma malaikat epmano inim ininuk suon wereg etno hag ninuk suontep naharuk amuhupmu, Anden hinili wao sohorep hisahakuk-o,” ulug yig isaruk apareg, eke fobik yig isaruk wilil,

Yohanes 21:22

Yig ituk apagma, At Yesusen yig ituk wilil, “Anden ap du An awan waharuk eleg neyeheg iluk-at welamag-o ulug nahla belemen, haren elen fug-o. An nakelehen-at nahla bele-o. Ari halug, kidia hat hebe etno An mug naplug ma-o,” ulug yig epag.

Yohanes 21:23

Ariroho yig epahon etno it ap At Yesus awene warukon epmanowen iniluk atuk apareg uruk wilil, “Ap At Yesus omin misig du wararuhu fug-o,” ulug inahla bebahon oke, At Yesusen ap ari mondog wararuhu fug ulug ebag fug-o. We ap du An awan waharuk eleg neyeheg iluk-at welamag-o, ulug nahla belemen, haren elen fug-o, we nakelehen-at nahla bele-o, ulug wene ebe eta-at yig epag-o.

Kisah Para Rasul 1:11

yig isaruk wilil, “Hit o Galilea ap du, keroho ulug hinilanggen boholma lahaboho welahep-o? At Yesus boholma walug lahakek etno ilitoho, fobik boholmen ambik waharuk hinilanggen hahup-o,” ulug yig isebag.

Roma 14:12

nit obohen ninobabut suruk aheon epmano At Allah yig ituk amuhuk-o.

Roma 2:6

Eke At Allahen it yi aphe di aphe inobam dombog surukon epmano fam onggo ilitoho-at og isahu-o.

1 Korintus 15:23

Eke ari halug, alem misig misig yig hisaruk ahi-o. At Kristus ari orom iyarlo neken sega faho wereg-o. Eke fobik At waruhu halug, At udaki obog-at iniluk amuhup-o. Iniluk atuk isalug, yi angge di angge inoag elegsoho imbisawon epmano arat fanggog uhu-o.

1 Korintus 3:13

ulug inakeleg inakeleg surukon epmano fobik At Yesus waruhu etno fam o ari keroho faltusa ulug obog selegma aruhu-o. Selegma atuk aruhumu eke o ari sambit alem selegma aruhu-o. Ariroho selegma aruhu ari yabuk alem keroho surusa ulug hondok fam selegma aruhu-o.

1 Korintus 8:8

Eke nit naruk aheon epmano fam Allah ninim dambultuk ahe fug-o. Eke yi angge di angge nao sohorep isahuk epmano fam ninaharek eleg aruhu fug-o. Eke nahuk etno fam ninaharek anggolo aruhu fug-o.

2 Korintus 5:10

Eke nit obog At Kristusen ninoag del ninabukag ulug At wereg ambeg minarik lahukmu, nit ninebe o kweanma duma wilil suruk atukukon epmano onggo ilitoho-at og nisahu-o. Ariroho og nisaruk wilil, fano suruk atukukon halug, o fanowon etno heag niseheg, eke dag suruk atukukon halug, o dahon etno heag niseheg suhu-o.

Efesus 6:8

Eke At Allahen it inanggimbu inim eke it iniknisi inim yabuk fanoroho suruk isalug, onggo fanowon og isahu-o.

Kolose 3:25

Eke it yabuk inahlahiroho wilil yuhun-at surukon halug, At Allahen onggo og isahu fug-o. Eke it yabuk dagsoho suruk amuhubon halug, At Allahen it suon inim, eke it doron inim obog-at inabua isalug eleg-at o dagma imbisahu-o.

1 Tesalonika 1:10

eke At Amloho Yesus aphe waratuk ambeg epmanowen iluksoho minduhupfuruk apagma, At Allah asineyen yig nisarukmu, dil ninapahon etno boholmen waharukim aso welahebon etno inim, it aphe obog iniluk wilil yig nisaruk-o.

1 Tesalonika 4:16

Eke aren duroho suhu-o, at malaikat inowe etnowen une suon uruk aruhumu, eke Allah ambinggon etno une uruk heheg, At Ninowe etno ambik waruhu-o. Ambik waharuk aruhureg, it At Kristus obam ebetuk wilil waratuson etno bilin iniluksoho minduhup isahu-o.

Yakobus 5:7

Ari halug, nomini-o, At Ninowe wamon etno aso welamiek-o. Eke at ap misig eyabukmu aharom yahapatalug, osit nenggeg, mo waheg suruk wilil, wirik amag ulug aso wereg etno hag,

1 Petrus 1:17

Eke hit At Allah obam sembahyang uruk wilil, Ninikni-o ulug yig ituk ahep-o. Ariroho yig ituk ahep ari, At Allahen aphe obog ninaren baltuk weregma, At apma wilil o kweanmen hiniluk wilil dia, At Ninikni une-at holtuk amuk-o, ulug hinindi ebetuk amiek-o.

1 Yohanes 2:28

At Yesus-at inim welam fano. Eke At fobik waruhumu, ninenggali elegsoho unda yatuk wilil, Ninowe-o, ulug heahi wabuhuk-o.

Yudas 1:14

It ap epmano inawene at Adam etamu Henokh etnowen uruk wilil, “At Allah omalaikat beribi-ribu epmano inim aphe oag del inabuog ulug og inaplug inim wamuhup-o.

Wahyu 1:7

Eke fobik At ebe hena famen ambik waharukmu, it aphe obog inim, eke it ebe wapahon etno inim inilanggen haruk amuhupseg, it aphe o kweanma obohen ioba yabuhup-o, ulug ihi ari, an demat yig hisaruk ahi-o. Amin.

Wahyu 2:23

Ariroho suruk wilil at udaki inim-at war inaptuk aruhukmu, it aphe jemaat obohen At Kristus it aphe inindien inahla bulug surukon epmano iluk at-o, ulug inahla bu­hup-o. Eke hiren suruk atikibon epmano onggo ilitoho-at og hisahuk-o.

Wahyu 20:12

Haruk atikikseg weregma, eke it bilin war apahon inim, kidia waratukon inim, inanggohon inim, udag doron inim At Allah olo­hotma minduhuk weregma isarikik-o. Minduhuk weregma inaholal baleg etno bukal atisi-o. It aphe iniluk welamuhubon inaholal baleg etno inim-at bukal atisi-o. Eke it warapahon epmanowen yi angge di angge sebahon epmano inaholal baleg ilanggen kolap heheg oag del inaptukmu nilanggen harikik-o.