Matius 16:20 - Allah Wene Hurumbik Keron

²⁰ Yig isaruk apareg, eke fobik at omini epmano yig isaruk wilil, “Hiren nit Ninowe ari Kristus-at ulug aphe yig isa fug-o,” ulug it epmano inesanggo wapag.

Matius 16:20 ပူးပေါင်းရင်းမြစ်များ

Matius 1:16

Eke at Yakub etnowen amloho Yusuf etno endepag. At Yusuf etno Maria oho welapag. Oho weregma at Maria etnowen Yesus, inuk misig Kristus etno endepag.

Matius 16:16

at Simon Petrus etnowen yig ituk wilil, “Hat hebe Kristus, Allah iluk werehon Amloho-at-o,” ulug yig epag.

Matius 17:9

Ini­langgen halug, fobik bunumu epmanowen ambik waharuk apareg, At Yesusen yig isaruk wilil, “An hinilanggen neyehebon etno aphe yig isa fug-o. An Allahen minduhup naharision etno fobik aphe warehon wereg ambeg epmanowen niluk atlug waharuk nealug yig isahuben-o,” ulug inesanggo wapag.

Matius 8:4

Eleg atuk apagma, At Yesusen yig ituk wilil, “Aphe nin yig isa fug-o. At Allah unde misig etnowen-at heawag ulug lag-o. Eke at Musaen ebag etno ilitoho, it aphe epma inahla bukag ulug, hat fano ahe­non arien At Allah ake imbik lag-o,” ulug yig epag.

Markus 8:30

Yig ituk apagma, eke At etnowen yig isaruk wilil, “Hat ariroho ehen ari, aphe obog yig isa fug-o,” ulug inesanggo wapag.

Markus 9:9

fobik bunumu epmanowen ambik waharuk apareg, At Yesusen yig isaruk wilil, “An hinilanggen neyehebon etno aphe yig isa fug-o, An Allahen minduhup naharision fobik aphe warehon wereg ambeg epmanowen niluk atlug waharuk nealug, yig isahuben-o,” ulug inesanggo wapag.

Lukas 2:11

Ari kidia dia At hinili wahuon etno o Daud welapag ambeg epmano endag aha-o. At Ninowe inuk Kristus at-o.

Lukas 9:21

Yig ituk apagma, eke At etnowen yig isaruk wilil, “Hat ehen ari aphe yig isa fug-o,” ulug inesanggo watuk apareg,

Lukas 9:36

ulug une etno ebareg fam, At Yesus akeleg-at weregma, inilanggen hebag. Inilanggen hebahon oke, it omini epmanowen aphe werlekon inune yig isao sohorep isebareg, eke inilanggenen hebahon epmano ap misig yig epag fug.

Yohanes 1:41

Ariroho wilil, at Andreas etnowen ot Simon etno haruk apareg, yig ituk wilil, “Nit At Kristus ahurumbik yig nisebahon ebe ari At hehe-o,” ulug yig ituk apareg, at Simon etno Yesus ambeg imbik lebag.

Yohanes 1:45

Yig ituk apagma, at Filipus etnowen at Natanael weregma ilanggen hebag. Ilanggen haruk apareg, yig ituk wilil, “At Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inimen ap misig ahurumbik ebahon etno ebe kidia ninil hehe-o. Ninil heheon ari, At Yesus, Yusuf amloho ibam Nazareton etno ninilanggen hehe-o,” ulug yig epag.

Yohanes 11:27

Yig ituk apagma, at hwe etnowen yig ituk wilil, “Nowe-o, Haren wene yig nirehenon an demat ulug eberoko waruk ahi-o. Eke Hat hebe At Allah Amloho Kristus o kweanma duma waruhu ulug hurumbik yig nisebahon etno ebe du-at ulug hobam ebetuk ahi-o,” ulug yig epag.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Kisah Para Rasul 2:36

Eke At Yesus ebe ari hiren e fam lenggaloko watikip-o. Hiren watikibon oke, At Allahen nit Ninowe Kristus suon ulug minduhupfirisi-o,” ulug at Petrusen yig isebag.

1 Yohanes 2:22

Ari halug, ap sen enggal-at uruk ano? It, At Yesus Kristus ebe eleg-o, ulug ariroho urukon etnowen-at inenggal uruk-o. Eke At Allah etno, Amloho inim inawene inenggal neken uruk, ulug ariroho urukon halug, ininuk antikristus at-o.

1 Yohanes 5:1

Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.