Matius 16:16 - Allah Wene Hurumbik Keron

¹⁶ at Simon Petrus etnowen yig ituk wilil, “Hat hebe Kristus, Allah iluk werehon Amloho-at-o,” ulug yig epag.

Matius 16:16 ပူးပေါင်းရင်းမြစ်များ

Matius 1:16

Eke at Yakub etnowen amloho Yusuf etno endepag. At Yusuf etno Maria oho welapag. Oho weregma at Maria etnowen Yesus, inuk misig Kristus etno endepag.

Matius 14:33

Eleg atuk apagma, eke At Yesus omini epmanowen obam sembahyang uruk wilil, “Hat hebe Allah Amloho demat welahen heyehe-o,” ulug yig epag.

Matius 16:15

Yig ituk apagma, At etnowen yig isaruk wilil, “Eke hiren An sa ulug uruk ahep-o?” ulug yig isaruk apagma,

Matius 26:63

At Yesus etno une ilik eleg-at bok apag. Bok apareg weregma, eke fobik at ap Allah unde inowe suon etnowen yig ituk wilil, “Hat hebe Kristus Allah Amloho welahen ano ulug hinog yig hirihi ari, At Allah ilukon etno inuk fam demat yig nisawag ulug yig hirihi-o,” ulug yig ituk apagma,

Matius 27:54

Nin eke at sehen senehon inowe etno inim, it osi sehen senehon epmano inim At Yesus ebe inilanggen yaharoho aso welapahon epmano o yugul inim, eke yiroho diroho obog-at surukmu inilanggen haruk apareg, inakolen uruk wilil, “Ap du Allah Amloho demat hehe-o,” ulug ebag.

Matius 4:3

Orom obok hebareg weregma, At indi kahal­tukon iblis etno ambeg waharuk apareg, yig ituk wilil, “Hat Allah Amlo­ho-at wela­hen halug, helep du orom amagsoho hune yig imin-o,” ulug yig epag.

Markus 14:61

ulug yig epahon oke, At Yesus etno une ilik eleg-at bok apag. Bok atuk apagma, at ap Allah unde inowe suon etnowen yig ituk wilil, “Niren At Allah alon faltuk aheon Amloho Kristus uruk etno Hat At ano?” ulug hinog webag.

Lukas 2:11

Ari kidia dia At hinili wahuon etno o Daud welapag ambeg epmano endag aha-o. At Ninowe inuk Kristus at-o.

Yohanes 1:49

Yig ituk apagma, eke at Natanael etnowen yig ituk wilil, “Ninowe yanggul nisarukon wai, Hat At Allah Amloho-at welahen hiyihi-o. Ari fam nit Israel ap Ninowe suon-at welahen hiyihi-o,” ulug yig epag.

Yohanes 11:27

Yig ituk apagma, at hwe etnowen yig ituk wilil, “Nowe-o, Haren wene yig nirehenon an demat ulug eberoko waruk ahi-o. Eke Hat hebe At Allah Amloho Kristus o kweanma duma waruhu ulug hurumbik yig nisebahon etno ebe du-at ulug hobam ebetuk ahi-o,” ulug yig epag.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Yohanes 6:57

Eke At An Nikni iluk werehon etnowen lahap nabik waharisireg fam, An At ninim niluk-at welahi-o. Ari ilitoho, it aphe An nebe neken narukon epmano ninim niniluk-at welamuhuk-o.

Yohanes 6:68

Yig isaruk apagma, at Simon Petrus etnowen yig ituk wilil, “Ninowe-o. Nit sa ambeg lul-o? Hat wene niniluk welamon etno unde wilil, yig nisaruk ahen-o.

Yohanes 6:69

Wene etno nit ninindimu eberoko warukukseg, At Allah iluk mondog werehon Amloho Kristus etno Hat demat welahen ulug niniluk-o,” ulug yig epag.

Kisah Para Rasul 14:15

“Nit ninebe aphe-at oke, hit keroho ulug yi angge di angge uson epmano nininuksoho og nisuog ulug suruk ahep-o? Ariroho suruk ahebon oke, ebe uson etno hiren elegsoho umbukag ulug wene fano wene etno yig hisa wahe ari, At Allah iluk mondog werehon etnowen bohol inim, kwean inim, ik inim, eke yi angge di angge inim obog-at wal hebahon epmano inuk wahuben ulug yig hisa wahe-o.

Kisah Para Rasul 8:36

Yig ituk apagma, it etano kwalema laruk wilil, ik namut misig kwalema yenggelegma inilanggen haruk apareg, at ap suon etnowen Filipus yig ituk wilil, “Ik du hilanggen himin-o. Eke ik du fam an ikma belap nabuk dag buruk ahen ano?” ulug yig ituk apagma,

Kisah Para Rasul 8:37

at Filipus etnowen yig ituk wilil, “Eleg-o, hat hindimu demat ulug ebetuk ahen halug, ikma belap habuk fano at-o,” ulug yig ituk apagma, at ap etnowen yig ituk wilil, “An At Yesus Kristus Allah Amloho etno demat ulug nindi ebetuk ahi-o,” ulug yig epag.

Kisah Para Rasul 9:20

it o Allah wene uruk ambeg epmano kuruk apareg, At Yesus awene etno yig isebag. Yig isaruk wilil, “At Yesus etno Allah Amloho at-o,” ulug yig isebag.

Roma 1:4

eke At indi Allah inim welapareg fam, it aphe warehon wereg ambeg epmanowen iluksoho minduhupfebag halug, At Allahen une oag weregsoho yig nisaruk wilil, “Du An Namloho-at-o,” ulug yig nisebag.

2 Korintus 1:19

Eke ariroho At Allah Amloho Yesus Kristus awene etno nit an, Silwanus Timotius ninimen yig hisarukukon etno enggal inim demat inim uruk eleg-o. Eke At Yesus inuk fam At Allahen demat ulug yig nisaruk-o.

2 Korintus 3:3

Eke hinebe ninaholal baleg neken welahebon ari, At Kristusen baloko belap nisa waharisi-o. Eke ninaholal balehon ari helep fam ambusu watuk etno hag imbirisi fug-o. We ninaholal ari At Allah ilukon Roh Kudus etnowen aphe inindimu holal baleg etno imbirisi-o.

2 Korintus 6:16

Eke At Allah ibam etno kwanangge umbuk ari hai-o. Eke nit hag, At Allah ilukon etno ibam neken welahe-o. Eke At Allahen bilin yig isaruk wilil, “It wereg ambeg epma nibam falsaruk aruhukseg, inanggelegma ninim welamuhuk-o. Eke iren Ninikni Allah yig nituk isalug, it inebe An nudaki-at welamuhup-o,” ulug yig isaruk apareg, eke fobik yig isaruk wilil,

1 Tesalonika 1:9

Eke nit hit bik hisa waharukmu, heahi war ninaptuk atikibon epmano inim, eke At Allah ilukon awene etno demat ulug ebetuk wilil, anggimbu welamuog ulug hinongganangge epmano obog sohorep isalug At Allah obam ebetikibon etno inim,

1 Timotius 3:15

At Allah iluk werehon udaki etno ari wene demat urukon etno waruk wilil, o wut oag helep neken aplohok uruk elehon belabeg etno ilitoho wereg-o.

1 Timotius 4:10

Eke At Allah iluk werehon etnowen it aphe obog inim, eke nit At udaki inim ninili warukon etnowen fanowon etno og nisahu-o, ulug At obam ninindi ebetuk wilil, sat anggolo neken yabuk suruk ahe-o.

Ibrani 10:31

Ariroho ebareg fam, At Allah iluk werehon etno inggiken war hinabuk ari hinakol haruk amuk-o.

Ibrani 12:22

Eke hit hag dom Sinai alma epmano laruk atikip fuhon oke, dom Sion ari At Allah iluk mondog werehon etno ibam, o Yerusalem boholmon, it malaikat inebe anggolo beribu-ribu wereg ambeg epmano hag horogsoho waharikip-o.

Ibrani 3:12

Ari halug, hit hinindi dahon wilil, wene eberoko walug eleg-at At Allah iluk werehon etno sohorep isehe ha nowen ulug hinonggarehen hinindi aso fanoroho welamuk-o.

Ibrani 9:14

Eke At Kristus etno At ahut itog mondog werehon etno fam At ebe Allah ake warariog ulug imig sebag-o. Ari halug, niren usaroho suruk atukukon epmano sohorep isalug, At Allah iluk werehon etno anggimbu wilil At eyabuk-at suruk amag ulug, At Yesus amep fam ninindi horoho ninobabut keron neken ninombisaharuk-o.

1 Yohanes 4:15

Eke it apheyen At Yesus ari Allah Amloho at-o, ulug eberoko urukon halug, Allah inindimu-at wilil, inim wereg-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

1 Yohanes 5:5

Eke kweanmen sukon etno sen apmarepfuruk-o? Ari it At Yesus ari Allah Amloho at-o ulug inindi ebetukon etnowen-at kweanmen sukon etno apmarepfuruk-o.

Wahyu 7:2

Seneg weregma, at malaikat misi­hen it aphe du At Allah iluk werehon etno udaki at-o, ulug fuloko imbisiog ulug waharuk atisireg, eke it malaikat inebe empat o kweanma inim, ikma inim, dahapsukag ulug At Allahen minduhup isarision etano at malaikat misig etnowen yig isaruk wilil,