Matius 15:3 - Allah Wene Hurumbik Keron

³ Yig ituk apagma, eke At Yesusen yig isaruk wilil, “Eke hit hag, At Allahen wene duroho suruk amuk eke duroho suruk am fug ulug yig hisebahon etno hinapeleg neken sohorep isalug, hinonggarehen hinahla buruk ahebon etno-at suruk ahep ari, keroho ulug suruk ahep-o?

Matius 15:3 ပူးပေါင်းရင်းမြစ်များ

Matius 15:2

“It ninetamukien wene duroho suruk amuk eke duroho suruk am fug ulug yig nisebahon etno wereg heheg, eke it Hat homini du weheg eleg wilil, orom nuog ulug ininggik sabele fanoroho ho suruk eleg ari, keroho ulug suruk-o?” ulug yig epag.

Matius 15:4

Hit ariroho suruk ahep ari At Allahen, hiniknisi hinisasi ininuk-at suontepfuruk amuk-o, ulug yig hisebareg oke, eke fobik, iniknisi inisasi inobam denggeltuk ari, it hag waramag-o, ulug yig hise­bahon etno oke,

Markus 7:13

Eke hit hinetamukien wene duroho suruk amuk eke duroho suruk am fug ulug yig hisebahon etno waruk wilil, yanggul isaruk ahep ari, Allah wene etno seberoho umbuog ulug-at suruk ahep hisihi-o. Eke hit ariroho suruk ahep etno ilitoho nin anggolo-at suruk ahep hisihi-o,” ulug yig isebag.

Kolose 2:23

Usa ulug urukon ari, we demat neken uruk oke, eke it urunangge neken uruk-o. Eke iren it malaikat ininuk fam sembahyang iuk-o. Eke misig du na fug-o, eke misig an doron nune du-at hinesanggo holtuk amiek-o, ulug inenggal-at uruk-o. Yi angge di angge na fug-o urukon ari fam inoag eleg atuk-o.

Kolose 2:8

Eke ap misihen hinindi kahaltuk wilil, hiren angge wene etno diloko wak waharukim ulug hinindi yaharoho welamiek-o. Eke it apheyen yi angge di angge inahla burukon epmano inim, eke ari walhan ulug urukon etno inim obog-at yig hisaruk wilil, hinindi kahaluk nowen ulug At Kristus obam ebetuk wilil, awene etno-at waruk amuhup-o.

Titus 1:14

Eke it Yahudi aben suit dindilabug urukon etno inim, eke it ap wene demat urukon etno inambit haruk wilil, inongga­rehen ariroho siek ulug yig isarukon etno inim, obog-at sohorep isawag ulug yig isahun-o.