Matius 15:16 - Allah Wene Hurumbik Keron

¹⁶ Yig ituk apagma, At Yesusen yig isaruk wilil, “An wene yig hisihion etno it nin inindi ebetuk eleg etno hag, hit ariroho-at hinindi ebetuk eleg wilil, hinahla behep fureg uruk ahep ano?

Matius 15:16 ပူးပေါင်းရင်းမြစ်များ

Matius 13:51

Yig isaruk apareg, eke fobik At Yesusen yig isaruk wilil, “An wene yig hisihion etno hit hinahla buruk ahep ano?” ulug yig isaruk apagma, it etnowen, “Yu-o, ari ninahla behe-o,” ulug yig epag.

Matius 15:10

Yig isaruk apareg, At Yesusen it aphe obog epmano At ambeg wonggalik wamag ulug wol isebag. Wol isaruk apareg, yig isaruk wilil, “Hit An nune etno hinindi ebetlihiben hinesanggo fanoroho holiek-o.

Matius 15:15

Yig isaruk apagma, eke at Petrus etnowen, “Haren ilitoho neken yig nisehenon ari, ebe undamon yanggul nisimin-o,” ulug yig epag.

Matius 15:17

Yi angge di angge aphe inelma narukon etno inindimu kuruk eleg wilil, arikon etno inal famen wilip atuk-o.

Matius 16:11

Eke kidia Anden orom roti farim yig hisihi fug ari, keroho ulug hinapeleg aha-o? Roti su amag ulug inim matuk etno ilitoho it Farisi Saduki ap inimen wene dahon etno suapsil laruk ari, hit fanoroho yaha welamiek-o, wene ebe ari-at yig hisihi-o,” ulug yig isebag.

Matius 16:9

Eke Anden suruk ahion etno hinahla buruk eleg wilil uruk ahep ano? Eke bilin Anden it ap inebe lima ribu-at orom roti kuroko og isaruk atikikmu, hele yaho maren fam elepnoroho yonggaroko umburukuk ulug hinapeleg atuk ano?

Markus 6:52

Ariroho fog sebag ari, Aren bilin orom roti kuroko og isebahon etno ebereheg eleg-at wilil, inahla ebepag fug. Inindi ebereheg eleg-at wilil, hiahne etno eleg atuk haruk apareg, wi ulug fog sebag.

Markus 7:18

Yig ituk apagma, At etnowen yig isaruk wilil, “Hit An wene yig hisihion etno hinahla behep fureg uruk ahep ano? Orom naruk ahe arien dag seko ninombisaharuk eleg-o.

Markus 9:32

ulug yanggul isaruk apagma, it epmanowen uruk wilil, “Wene duroho yig nisehek du, keroho ulug yig nisehek-o?” ulug ebareg oke, hinog wao inakolen sohorep isebag.

Lukas 18:34

Yig isebahon etno it ominien inindi ebetuk apag fug. Ebetuk eleg wilil, At Yesusen uruk ari, ebe nongge yig nisaruk-o, ulug inapeleg atuken ebe undamon yig isebahon etno inahla bebag fug-o.

Lukas 24:45

Yig isaruk apareg, eke fobik Alkitab wene embebahon epmano inindimuen demat ebebukag ulug yig isaruk wilil,

Lukas 9:45

ulug yig isaruk apagma, it epmanowen uruk wilil, “Wene duroho yig nisehek du, keroho ulug yig nisehek-o?” ulug inahla bebag fug. Inahla beheg eleg weregma, Aren yig isebahon etno herako neken yig isarukmu inahla buruk eleg wilil, alem ebahon etno hinog wao inakolen sohorep isebag.

Ibrani 5:12

Eke hit o amuk At Allah wene waruk atikipseg fam, hinebe yanggul isarukon-at welatlebon oke, at misihen Allah wene ebe alem neken-at yanggul hisahu ari fano-o. Eke hiren naruk angge arikon epmano nelebon oke, hit we ag ambusu neken-at nao ari fano-o.