Matius 14:36 - Allah Wene Hurumbik Keron

³⁶ Imbisa waharuk apareg, yig ituk wilil, “It aphe uk warehon dumen Hat hasum atog ininggik senebuk fano ano?” ulug ambeg hinog waruk apagma, it At asum ininggik senepahon epmano obog-at fano apag.

Matius 14:36 ပူးပေါင်းရင်းမြစ်များ

Matius 14:35

it aphe epmanowen At Yesus enggag hebag. Enggag haruk apareg, o aliluke epmanowen it aphe uk warehon epmano og inaplug wamag ulug inayonggo umburuk apareg, At Yesus ambeg imbisa wapag.

Matius 23:5

It epmano hag apheyen inilanggen nisawag ulug-at suruk-o. Eke inungguluag fam inim, eke ininggik so fam inim Allah wene obog-at wene baleg wereg oke, inilahoagma hele angge­on fam homahakeg, eke inasum atog yaron wanteheg suruk-o.

Markus 3:10

Yig isaruk apareg, eke Aren it aphe nin arat fano inaptuk apagma, it uk warehon nin epmanowen Yesus ininggik sen huog ulug aphe nin heal iseheg horogsoho lebag.

Markus 6:56

At Yesus etno it inibam epmano inim, eke o sili su ambeg inim, eke o inakeleg sik wereg ambeg epmano inim obog-at sil nurukmu, haruk apareg, inahla buruk wilil, “It aphe uk warehon dumen Hat hasum atog ininggik senebuk fano ano?” ulug ambeg hinog wulen ulug orom onggo hundutuk ambeg epmano imbisa wapag. Imbisa waharuk apagma, it aphe epmanowen At asum ininggik senetukmu fano apag.

Markus 8:22

Yig isaruk apareg, eke fobik o Betsaida lebag. Laruk apagma, it aphe epmanowen ap ilanggen buhon misig walug, At ambeg imbik waharuk apareg, kino yig ituk wilil, “Ap du obam hinggik sen himin-o,” ulug yig epag.

Lukas 6:19

Fano inaptuk apareg weregma, it aphe obohen At Yesus oag werehon etnowen obog fano ninaptuk-o, ulug iren ebe sen huog ulug suruk apag.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Yohanes 7:23

Eke ari halug, hiren at Musaen wene duroho suruk amuk eke duroho suruk am fug ulug ebahon etno sohorep isehe ha nowen ulug, o hari Sabat fam hinudaki iniyunggul ambilik bal inaptuk ahebon oke, eke Anden ap misig o hari Sabat fam ebe obog-at fano sirikikon etno farim nulug winimug nituk ahep-o?

Kisah Para Rasul 3:16

Eke At Yesus inuk fam ap iog oag elehon etno oag wereg aha-o. Oag wereg ahama, hehep ari At Yesus obam ebetuk wilil, inuk warukmu, hit hinil fam fano sehek-o.