Matius 14:27 - Allah Wene Hurumbik Keron

²⁷ Inune uruk apagma, At etnowen yig isaruk wilil, “Hinahlahiroho-at welamiek-o. An nebe-at waharuk ahi du hinakol nea fug-o,” ulug yig isaruk apagma,

Matius 14:27 ပူးပေါင်းရင်းမြစ်များ

Matius 14:28

eke at Petrusen yig ituk wilil, “Ninowe-o, Hat hebe horog duma welahen halug, ik ahum fam hiog umbulug wilik ma ulug yig nimin-o,” ulug yig ituk apagma,

Matius 17:7

Kunuk uruk apagma, At Yesus etno inambeg waharuk apareg, kik isebag.

Matius 28:10

Sembahyang uruk apagma, eke At Yesus etnowen yig isaruk wilil, “Hit hinakol ha fug-o. Hiren it An nomini epmano o Galilea lawag ulug yig isa aliek-o. An nebe o epmen inilanggen neahup-o,” ulug yig isebag.

Matius 28:5

Nin eke fobik malaikat etnowen it hweap etano yig isaruk wi­lil, “Hinakol ha fug-o. Hit At Yesus e fam lenggaloko warepfuru­son etno ulug heaharuk ahep ari niluk oke,

Matius 9:2

Waharuk apagma, it ap ninen ap inggik iog oag mondog elehon etno e belaroho walug wapag. Walug waharuk apagma, At Yesus etnowen At obam eberepfulug walug waharuk enggag isaruk apareg, ap oag mondog elehon etno yig ituk wilil, “Namloho-o, hat hahientoho at welamin-o. Hat dag suruk atikinon epmano sohorep isalug, hobam hapelegsoho napma hombahiki-o,” ulug yig ituk apagma,

Markus 6:50

Inakol haruk apagma, At etnowen yig isaruk wilil, “An nebe-at waharuk ahi-o. Hinakol nea fug-o. Hinahlahiroho-at welamiek-o,” ulug yig isebag.

Lukas 1:13

Akol haruk apagma, eke At Allah malaikat etnowen yig ituk wilil, “Zakharia wai. Hiren sembahyang uruk atikibon epmano At Allah esanggo holtisireg fam, hat huhwe Elisabet etno hit hinahudag ap angge at enderuhu-o. Endetuk aruhumu, hiren inuk Yohanes-at soaluhup-o.

Lukas 1:30

eke at malaikat etnowen yig ituk wilil, “Maria wai, hat hakol ha fug-o. At Allahen habua haruk wilil, ahien hobam imbirisi-o.

Lukas 12:32

At Yesusen yig isaruk wilil, “Hit udag doron dia, hinakol ha fug-o. At Hinikni etnowen fobik ahientoho At wereg ambeg hinombisahaku-o.

Lukas 2:10

Inakol haruk apagma, at malaikat etnowen, “Hinakol ha fug-o. An wene fano wene ari aphe obog farim walug wahi-o. Inesanggo holuhupseg, inahien hahup-o.

Lukas 5:10

Fog suruk apagma, At Yesusen Simon etno yig ituk wilil, “Hat hakol ha fug-o. Hiren ikan anggolo warehen epmano hag aphe sen inabil lahup-o,” ulug yig epag,

Yohanes 16:33

Eke hit hinebe An ninim welamuhuk etno fam, hinindi hinahlahiroho welamag ulug yi wene di wene epmano obog-at yig hisihi-o. Eke hit hinebe aphe kweanmon epmanowen dahon etno-at hinobam umburuk amuhup-o. Ariroho umburuk isalug, hiren hinahlahiroho welamag ulug yig hisihi-o. Eke Anden it aphe o kweanma duma werehon epmano napma seberoho imbisarikik-o,” ulug yig isebag.

Yohanes 6:20

Inakol haruk apagma, At Yesusen yig isaruk wilil, “Hit hinakol ha fug-o. Hinilanggen neyehep etna, An at-o,” ulug yig isebag.

Kisah Para Rasul 23:11

Yig isaruk atisireg weregma, o hup atuk atisimu, eke At Ninowe etno at Paulus ambeg waharuk atisireg yig ituk wilil, “Hat hindi hakol elegsoho welamin-o. Eke hat hebe o Yerusalem dumen An nawene etno yig isaruk aruhunteg, fobik o Roma etnowen ariroho yig isaruk aruhun-o,” ulug yig itisi.