Matius 14:19 - Allah Wene Hurumbik Keron

¹⁹ it aphe obog isinggama epmano horie ukag ulug yig isebag. Yig isaruk apareg, At Yesus etnowen orom roti fuaben angge eke ikan biren etano inim waruk apareg seneg wilil, ilanggen boholma lahap haruk apareg, heahi watuk wilil Allah wa ulug sembahyang ebag. Sembahyang uruk apareg, orom roti etano kuroko omini og isaruk apagma, At omini etnowen it aphe sumbut isebag.

Matius 14:19 ပူးပေါင်းရင်းမြစ်များ

Matius 14:18

Yig ituk apagma, At Yesusen yig isaruk wilil, “Ari halug, An og nirik maniek-o,” ulug yig isaruk apareg,

Markus 6:39

Yig ituk apagma, At etnowen yig isaruk wilil, “Ari halug, it ap epma inosi inim dombog heheg, isinggama epma horiep isiek-o,”

Markus 6:41

Horiep isaruk apagma, At Yesus etno orom roti fuaben angge inim, ikan biren inim seneg wilil, ilanggen boholma lahap haruk apareg, heahi watuk wilil, Nikni Allah wa ulug sembahyang ebag. Sembahyang uruk apareg, orom roti etano kut kut At omini epmano og isebag. Og isaruk apagma, iren sumburuko nawag ulug inapma belabil lebag. Belabil laruk apagma, eke fobik ikan biren etano ariroho-at belap isawag ulug og isebag.

Markus 7:34

Sen haruk apareg, ilanggen boholma lahaboho wilil, ae ulug abua haruk apareg, it inune fam yig ituk wilil, “Efata,” ulug ebag ari, nit ninune fam ‘Hesanggo huramin,’ ulug yig ituk apagma,

Lukas 22:17

sohorluk ik honanggo etno inggikmu seneg wilil, Nikni Allah wa, ulug At Allah heahi watuk apareg, yig isaruk wilil, “Ik du hinonggarehen seneg wilil, dot dot amiek-o.

Lukas 22:19

Yig isaruk apareg, orom roti inggikmu webag. Waruk apareg, seneg wilil, Nikni Allah wa ulug sembahyang uruk apareg, it epmano kut kut og isaruk wilil, “Orom roti du An nebe ilitoho at-o. Eke orom roti du An nebe hit hinake og hisawon etno-at wereg-o. Ari halug, hiren An nebe etno hinindimu ebetuk amuhuben amiek-o,” ulug yig isebag.

Lukas 24:30

Kuruk apareg, inim e belareg etno fam horieg wilil, orom roti etno inggikmu waruk apareg seneg wilil sembahyang ebag. Sembahyang uruk apareg, kuroko og isebag.

Lukas 9:14

Ariroho yig epag ari, it ap obog inebe lima ribu wereg isalug ariroho yig epag. Yig ituk apagma, At Yesusen omini epmano yig isaruk wilil, “Ari halug, it ap epma inosi inim dombog heheg, inebe lima puluh dambuksoho horiep iseheg suruk amuk-o,” ulug yig isaruk apagma,

Lukas 9:16

Horiep isaruk apagma, At Yesus etnowen orom roti fuaben angge etano inim, ikan biren etano inim seneg wilil, ilanggen boholma lahap haruk apareg, heahi watuk wilil, Allah wa ulug sembahyang ebag. Sembahyang uruk apareg, At omini epmanowen it aphe sumbut isawag ulug kut kut og isebag.

Yohanes 11:41

Yig ituk apagma, it epmanowen helep sok larehon etno husoko wilipfebag. Wilipfuruk apagma, At Yesus etno ilanggen kolap haruk apareg, uruk wilil, “Nikni wa, An nune yig hituk nealug, Hat hesanggo holtuk ahen-o.

Yohanes 6:23

Inahla buruk apareg weregma, bilin At Ninowe etnowen sembahyang uruk apareg it aphe obog-at orom roti nebag ambeg ik ayegma etano so nin o Tiberias etnowen walug, bok arik lebag.

Kisah Para Rasul 27:35

ulug yig isaruk atisireg, at Paulus etno orom roti inggikmu waruk atisireg, it obog inil fam Allah wa ulug sembahyang uruk atisireg kuroko naruk atisimu,

Roma 14:6

Eke at ap misig o du fam yi angge di angge suk usa-o, ulug ahla buruk wilil, At Ninowe inuk suontepfiog ulug suruk-o, eke at ap yi angge di angge obog-at narukon etno hag naruk angge epmano fam Allah wa ulug yig ituk halug, At Allah inuk-at suontepfiog ulug suruk-o. Eke at ap yi angge di angge obog yuhun-at naruk elehon etno At Ninowe etno inuk suontepfiog ulug wilil, Allah wa ulug yig ituk-o.

1 Korintus 10:16

Eke ambusu honanggowon nit At Allah wa yig itlug naruk aheon etno ari, At Kristus amep etno ninim hunduhuk welahe ano, eleg ano? Eke orom roti nit kuroko naruk aheon ari At Kristus ebe ninim hunduhuk welahe ano, eleg ano?

1 Korintus 10:31

Eke ari halug, hinaharom nenggeg, hinahik nenggeg, yi angge di angge suruk wilil, At Allah inuk-at suontepfuog ulug suruk amiek-o.

1 Korintus 11:24

Allah Nikni wa ulug sembahyang uruk apareg, kutuk wilil, “An nebe hit hinake og hisawon etno du at-o. Eke hit An nobam ebetuk amuhuben ulug, duroho-at suruk amuhup-o,” ulug yig isaruk apareg nebag.

Kolose 3:17

Eke yi wene eheg, di wene eheg, eke yi angge seheg, di angge seheg suruk wilil, At Ninowe Kristus inuk fam Ninikni Allah wa ulug suruk amuk-o.