Matius 13:47 - Allah Wene Hurumbik Keron

⁴⁷ At Yesusen yig isaruk wilil, “At Allah weregmen sukon etno hag, it ap ikan watukon etnowen inawerul ikma belapfuruk apagma, ikan olohore yion dion obog-at yonggat apag-o.

Matius 13:47 ပူးပေါင်းရင်းမြစ်များ

Matius 13:44

At Yesus etnowen yig isaruk wilil, “At Allah weregmen sukon etno hag, ebe yaha suon misig kweanma heraho welapag-o. Weregma, ap misihen sega fam yuloko heaharuk apareg, dahagsoho kweanma epmano herahapfebag-o. Herahapfuruk apareg, at etno indi ahien suruk wilil, aharek yi angge di angge werehon epmano obog onggo og isebag-o. Og isaruk apareg, uang anggen og isebahon etno fam wen ari onggo balfag-o,” ulug At Yesusen yig isebag.

Matius 13:46

Ariroho wilil, eke fobik sulanggen olohore mondog fanowon misig ilanggen haruk apareg, aharek yi angge di angge werehon etno obog-at onggo og isebag-o. Og isaruk apareg, uang anggen og isebahon etno fam sulanggen olohore fanowon etno onggo balfag-o,” ulug At Yesusen yig isebag.

Matius 13:48

Ikan epmano kelegsoho yonggat atuk apagma, it ikan watukon etnowen inawerul ik lealeg ambeg lisoko lahapfuruk apareg, ikan mapahon epmano ful inapag-o. Ful inaptuk wilil, ikan fanowon halug, hele yaho etno fam kolap iseheg, eke ikan dahon halug, hik iseheg suruk apag-o.

Matius 4:19

It ikan watukon etno yet isaruk apareg, yig isaruk wilil, “An nombolim maniek-o. Ikan watuk ahep etno ilitoho, aphe sen inabil nurukon welamuhuben ulug minduhup hisahakuk-o,”

Markus 1:17

Ariroho watuk ilanggen isaruk apareg, yig isaruk wilil, “Hit ikan watuk ahep etno hag, aphe og inabil lahuben hiren sukon yanggul hisaminen maniek-o,” ulug yig isebag.

Lukas 5:10

Fog suruk apagma, At Yesusen Simon etno yig ituk wilil, “Hat hakol ha fug-o. Hiren ikan anggolo warehen epmano hag aphe sen inabil lahup-o,” ulug yig epag,

Yohanes 15:2

Eke An e alem etno wereg neyeheg, e inggik anggen yihiruk elehon halug, dokoroho wilipfeheg, eke e inggik misig anggen yihirukon etno fobik anggoloroho yihiruk amag ulug engga buhon inim, il inim kisiloko wilip isaruk-o.

Yohanes 15:6

Eke at misig An ninim hunduhuk welamuhuk fug halug, e inggik anggen yihiruk elehon baloko hik isarukmu bug atuk etno hag, baloko hik isahu-o. Hik isaruk aruhureg, e inggik balehon epmano nandoloko balurepfulug, hondok nawag ulug yalepfuruk-o.

Kisah Para Rasul 20:30

Inindi kahalik wamuhupmu, it ap nin hiron-at waharuk amuhupseg, it Allah udaki epmano inindi kahalukag ulug inenggal wene yig hisa wamuhup-o.

1 Korintus 11:19

Eke it hinim welahebon arien fano surukon epmano selegma amag ulug, hinim healeg welahep etno alem ari-at-o.

2 Korintus 11:26

Eke o ahik ya da larukmu, iken og nabiog ulug seheg, eke it kwalema dil dil angge surukon epmanowen war nabuog ulug seheg, eke it Yahudi ap inim, it Allah wene inapelehon etno inimen nowabuog ulug seheg, eke o ahik sumu aphe anggolo wereg ambeg epmen nowabuog ulug seheg, eke o limu aphe eleg ambeg epmen wamen libil nabiog ulug seheg, eke ik suon laut etnowen sebel nabiog ulug seheg, eke it ninen nit hat homini welahe inenggal-at yig nereheg, suruk iseheg sil nuruk atikik-o.

Galatia 2:4

Eke it ninen inenggal-at iyunggul ambilik balukag ulug uruson epmanowen nit Allah wene waruk aheon at-o, ulug it Allah udaki epmano inim herako neken dambuk atusa-o. Eke it dambuk atuson epmano inilanggen yenal wuog ulug kik waharusareg, it ap du Kristus wene waruk wilil, it Yahudi aben ariroho siuk ulug wene ebahon etno ilitoho suruk eleg ari keroho ulug suruk-o, ulug ninebe it inanggimburep nisahuog ulug waharusa-o.

Wahyu 3:1

Eke fobik an yig nituk wilil, “At it jemaat o Sardis aphe inaso werehon etno og emag ulug holal duroho imbimihin-o: At Allah weregma Allah ahurangge inebe sabiren angge epmano inim, eke soholoal inebe sabiren angge epmano inim senetukon etnowen yig hisaruk wilil, hiren suruk ahebon epmano An niluk-o. Eke misig, hit hinebe wareg wilil oke, nit niniluk-at welahe-o, ulug uruk ahebon etno An niluk-o.