Matius 13:43 - Allah Wene Hurumbik Keron

⁴³ Epma imbisaruk amuhupmu, eke it Allah udaki etno inolohore mo neken yatuk wilil, Inikni wereg ambeg epma inim wilil initog mondog welamuhup-o. Eke hit hinesanggo wereg halug, wene ari fanoroho holtuk amiek-o,” ulug At Yesusen yig isebag.

Matius 13:43 ပူးပေါင်းရင်းမြစ်များ

Matius 11:15

Eke hinesanggo wereg halug, wene du fanoroho holtuk amiek-o.

Matius 25:34

An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Matius 25:36

Eke An nasum eleg nealug, hiren wantep naharuk atikip-o. Eke An uk wareg nealug, fanoroho naso welatikip-o. Eke An nebe hele waroko wereg nealug, nabua nearuk wilil, bik nea waharikip-o,’ ulug yig isahuk-o.

Matius 26:29

Eke An ik e anggur anggen ambusu etno o duma wilil nahuk fug-o. Fobik At Allah weregma arat laharuk aruhukseg, etlemen e anggen ambusu keron-at hit ninim nahuk-o,” ulug yig isaruk apagma,

Markus 4:23

Ariroho yig isahup ari, hit hinesanggo wereg halug, fanoroho holtuk amiek-o,” ulug yig isaruk apareg, eke fobik yig isaruk wilil,

Lukas 12:32

At Yesusen yig isaruk wilil, “Hit udag doron dia, hinakol ha fug-o. At Hinikni etnowen fobik ahientoho At wereg ambeg hinombisahaku-o.

Lukas 22:29

Eke fobik An Niknien it aphe obog Inowe suon welamag ulug minduhup nahaku etno hag, hit suon welamag ulug minduhup hisahakukmu,

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.