Matius 13:30 - Allah Wene Hurumbik Keron

³⁰ Gandum inim, hohol inim ilitoho suon-at wilip amag-o. Eke fobik anggen baluhuk etno sambit weregma, it baltukon etno yig isahuk-o, hiren gandum etno anggen baluog ulug bilin hohol du dag lisoko waruk amuhupseg, hondok yalukag ulug hele keraloko umburuk amuhup-o. Keraloko umburuk amuhupseg, gandum anggen fanowon etno baloko an weregma anggen umburuk ambeg epmano umbuhup-o,’ ulug at ap yabuk unde wereg etnowen anggimbu epmano yig isebahon etno,” At Yesusen yanggul isebag.

Matius 13:30 ပူးပေါင်းရင်းမြစ်များ

Matius 13:25

Yatil laruk apagma, o misihim hubanggo it obog nohoruk iseheg, ap misig at yapahon inim healeg werehon etno waharuk apareg, gandum wiyagfut hahon i yaho ambeg epmano hohol i dahon etno yahapfuruk apareg, fobik sohorep isalug herako lebag-o.

Matius 13:29

eke at etnowen, ‘Eleg-o, hiren hohol ari suruk wilil, gandum wiyagfut hahon i fanowon yaho etno henerehep ha nowen ulug hohol suk fug-o.

Matius 25:32

Horieg weregma, it yi aphe di aphe kweanmon obog-at An nolohotma wonggaloko imbisahup-o. Ariroho imbisaruk amuhupmu, ap misig wam inaso werehon etnowen inebe domba akeleg kambing akeleg fuloko imbisaruk epmano hag, Anden it aphe obog fuloko imbisaruk wilil,

Matius 25:41

Ariroho yig isaruk aruhukseg, eke fobik it aphe ninggik harebag fil werehon epmano yig isaruk wilil, ‘Hit aphe wene homali neken hinobam werehon du, hinebe An wereg ambeg dumen wilip amiek-o. Wilip atuk atlihipseg, o hondok olokma at iblis ebe inim eke it at anggimbu epmano inim welamag ulug embebag ambeg epmano-at hinim welamuhuben aliek-o.

Matius 3:12

Eke At etno waruhureg, anggen baltu­kon ing­gikmu walug waruhu-o. Walug waruhureg, asin watuk ambeg epmanowen ho suhu-o. Ebe fanowon halug, Aren ang­gema umbu­hu-o, eke asin ahap halug hondok nangguk atuk eleg ambeg epmano imbisa­hu-o,” ulug yig isaruk apag.

Lukas 3:17

At etno anggen baltukon inggikmu walug waruhureg, asin watuk ambeg epmanowen ho suhu-o. Ebe fanowon halug, Aren anggema umbuhu-o, asin, ahap halug, hondok nangguk atuk eleg ambeg epmano imbisahu-o,” ulug yig isaruk apareg,

Yohanes 15:6

Eke at misig An ninim hunduhuk welamuhuk fug halug, e inggik anggen yihiruk elehon baloko hik isarukmu bug atuk etno hag, baloko hik isahu-o. Hik isaruk aruhureg, e inggik balehon epmano nandoloko balurepfulug, hondok nawag ulug yalepfuruk-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

1 Timotius 5:24

Eke it ap ninen dag surukon epmano bilin bukal atuk halug, oag delukon etno arat wereg-o. Eke it ap ninen dag surukon epmano fobik-at bukal aruhu-o.