Matius 13:3 - Allah Wene Hurumbik Keron

³ Yig isaruk wilil, “At ap misig etno i angge kililiog ulug arat lebag-o.

Matius 13:3 ပူးပေါင်းရင်းမြစ်များ

Matius 13:4

Kililtil larukmu, i misig kwalema belapfebahon etno sue waharuk wilil, nil nil lebag-o.

Matius 13:53

Eke fobik At Yesus etnowen wene ilitoho neken obog yig isaruk apareg, o epmano sohorep isalug, At isina welapag ambeg wapag.

Matius 22:1

Eke fobik At Yesus etnowen it aphe epmano wene yig isiug ulug ilitoho neken yig isaruk wilil,

Matius 24:32

Yig isaruk apareg, eke fobik yig isaruk wilil, “At helaken surukon etno fam wene misig hiniluk aruhu-o. Helak fot endetuk halug, hiren mo mimkipfulug ambirision etno, ebe yihiruk-o ulug uruk ahep etno hag,

Markus 12:1

Yig isaruk apareg, eke fobik wene ilitoho neken yig isaruk wilil, “Ap misihen e anggur i yatil lebag-o. I yatil laruk apareg, lehet falepfeheg, ambusu bisaloko umburukon kwean hulileheg suruk, eke horieg welam ambeg ulug kayo bela seheg suruk apareg, at eyabuk suruk heheg, o yatma epmano lebag-o.

Markus 12:12

Yig isaruk apagma, it Yahudi ap inowesi epmanowen wene ilitoho neken yig nisehek du nit farim-at yig nisehek-o, ulug inahla buruk apareg, ebe senebuog ulug sebareg oke, aphe anggolo atuk apagma, inakolen sohorep isalug lebag.

Markus 3:23

Yig ituk apagma, At Yesus etnowen it aphe obog At ambeg wonggalik wamag ulug wol isaruk apareg, wene ilitoho neken yig isaruk wilil, “At iblis misihen iblis misig inindimu kurukon etno lisoko wilipfuk ari hai-o,” ulug uruk apareg, eke fobik yig isaruk wilil,

Markus 4:13

Yig isaruk apareg, eke fobik yig isaruk wilil, “Hit wene ilitoho neken yig hisihion etno ebe du farim ehek ulug hinindi ebetuk eleg wilil, uruk ahep ano? Ari halug, fobik yig hisaruk aruhukon etno keroho waruk amuhup-o?” ulug yig isebag.

Markus 4:33

Ariroho wene ilitoho neken anggolo-at yig isaruk wilil, wene fano wene etno yanggul isebag. Ariroho yanggul isebag ari, iren fanoroho-at inindi bukon ulug ahla buruk apareg yanggul isebag. Eke wene misig iren fanoroho ebebukon fug ulug ahla bebahon etno yanggul isebag fug.

Lukas 12:41

Yig isaruk apagma, at Petrusen yig ituk wilil, “Ninowe-o, wene ilitoho neken yig nisaruk ahenon ari, nit-at yig nisaruk ahen ano, it aphe obog ninim-at yig nisaruk ahen ano?” ulug hinog waruk apagma,

Lukas 8:10

At Yesusen yig isaruk wilil, “At Allah weregmen sukon wene etno hit unde wilil hiniluk amag ulug yangguloko yig hisaminon oke, it werlekon hag ilitoho neken-at yig isaruk ahi-o. Ariroho yig isaruk ahi ari fam, it epma inilanggen wereg oke, haruk eleg-o; eke inesanggo wereg oke, holtuk eleg-o,” ulug yig isebag.

Yohanes 16:25

Eke fobik At Yesusen yig isaruk wilil, “Anden yi wene di wene epmano nin ilitoho neken-at yig hisaruk atikikon oke, fobik wene ilitoho yig hisawon epmano sohorep isalug, An Nikni awene etno ebe demat surukon yig hisaruk aruhuk-o.