Matius 13:21 - Allah Wene Hurumbik Keron

²¹ Ariroho waruk wilil oke, fobik inindimu demat ebetuk eleg wilil, ebe seberepfuruk atlug, nit wene waruk aheon du fam ninusuhup ulug inahla beheg, eke narlog harlog suruk wilil, wene ari ninambit-o ulug sohorep iseheg suruk-o.

Matius 13:21 ပူးပေါင်းရင်းမြစ်များ

Matius 10:22

Eke An ninuk waruk hisalug, it obohen inambit hisahup-o. Inambit hisahubon oke, eke hiren hinindi bugsoho welamuhup halug, fobik hinili og hinabu­hu-o.

Matius 11:6

Eke at misig An nobam demat ulug ebetuk halug, fobik at etno ili wa­hu-o,” ulug yig isebag.

Matius 13:20

Eke i angge helep apma daleg heheg kililtil lebag etno hag ari, it nin wene etno holtuk atlug, inindi inahientoho waruk-o.

Matius 13:57

eke At Yesus etnowen yig isaruk wilil, “Ap nabi ap Allah wene hurumbik yig isarukon etno o ahik ya daen suontepfurukon oke, eke o at endag atuk ambeg omini inim, owe not inimen suontepfuruk eleg hihi-o,” ulug yig isebag.

Matius 13:6

helep famen omanggen dalfareg, mo oloken bug apag-o.

Matius 24:13

Eke it fikfag seneg welamuhubon epmano o fobik atog arat atuk halug, inili wahu-o.

Matius 26:31

Eke fobik At Yesus etnowen yig isaruk wilil, “Alkitab wene baleg fam hurumbik duroho yig nisaruk-o, ‘Anden at wam domba inaso werehon etno waruhuk halug, it domba inim sil nurukon epmano hite wilip amuhup-o,’ ulug yig nisebahon etno ilitoho, hit obog o yoho hupmu nebe sohorep nahalug wilip muhubon oke

Matius 26:33

Yig isaruk apagma, eke at Petrus etnowen yig ituk wilil, “Eleg-o, it obog wilip amuhup oke, an hag hombahalug lahuk fug-o,” ulug yig ituk apagma,

Markus 4:17

Ariroho waruk wilil oke, fobik inindimu omanggen yatuk eleg wilil, ebe seberepfuruk atlug, nit wene waruk aheon du fam ninusuhup ulug inahla beheg, eke narlog harlog suruk wilil, wene ari ninambit-o, ulug sohorep iseheg suruk-o.

Lukas 8:13

Eke i angge helep dalegma kililtil lebag etno hag ari it apheyen wene etno inesanggo holtug inindi inahientoho waruk oke, eke wene etno inindimu mondog welamag ulug eberoko weheg eleg elamna-at waruk wilil, fobik inindi kahalik waharukmu, sohorep isaruk-o.

Yohanes 6:26

Yig ituk apagma, At Yesusen yig isaruk wilil, “Ari halug, An wene demat uruk amon etno yig hisamin-o. An noag weregsoho surukmu nearikibon epmano fam heag nabil wahep fug-o. We orom roti hinahumsoho narikibon epmano fam nebe heag nabil wahep-o.

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

Galatia 6:12

Eke it ap ninen nit-at suon welamuhuken ulug yi angge di angge eleg atukon etno farim, hiren suruk amag ulug hit hiniyunggul ambilik baliek ulug inenggal neken yig hisaruk-o. Eke ariroho yig hisaruk ari, At Kristus e fam lenggaloko embebagma, warapahon wene etno farim it Yahudi aben dahon etno ninobam umbuk nowen ulug wene ariroho yig hisaruk-o.

Galatia 6:15

Eke iniyunggul ambilik balukon alem etno At Yesus Kristus waharuk wilil elehepfebareg fam, kidia ninebe inim, ninindi inim ketoho ninombisahukon etno alem suon neken wereg-o.

Efesus 3:17

eke At Kristus obam ebetuk hisalug, At ebe hinindimu welaheg suruk amag ulug an sembahyang uruk ahi-o.

Filipi 1:6

Eke At Allahen bilin hinindi yabuk fanowon etno atog suruk atisireg, eke fobik At Kristus Yesus waruhu etno fam atog suhu-o ulug, an demat yig hisaruk ahi-o.

2 Timotius 1:15

Eke it obog o Asia werehon epmano inim, eke it Figelus, Hermogenes etno inimen sohorep naharusa etno hat hiluk-o.

2 Timotius 4:10

Eke at Demas etno hag kweanmen surukon etno indi ebetuk atisireg, sohorep naharisi-o. Sohorep naharuk atisireg, o Tesalonika larisi-o. Eke at Kreskes o Galatia etno larisi-o. Eke at Titus o Dalmatia etno larisi-o.

Yakobus 3:2

Eke at ap misig nintul nantul dahan fahan uruk elehon halug ari, fano mondog motoho suruk-o.

1 Petrus 1:5

Eke hit Allah wene warukmu, hinindi oag weregsoho wahubon etno fobik At udaki fanoma imbisiog ulug weregma, fanowon og hisawon epmano dugsoho hinombisaharuk-o.

Wahyu 2:13

hit at iblis wereg ambeg welahep etno An niluk-o. Eke bilin at Antipas An nawene fanoroho yig isarukon etno at iblis wereg ambeg epmanowen watuson oke, eke hit An nawene etno sohorep iseheg eleg fanoroho waruk wilil nobam ebetuk atikip-o.