Matius 13:11 - Allah Wene Hurumbik Keron

¹¹ eke aren yig isaruk wilil, “At Allah weregmen sukon wene herahowon etno hit unde wilil hiniluk amag ulug yangguloko yig hisaruk ahion oke, it etno hag selegmaroho yig isaruk ahi fug-o.

Matius 13:11 ပူးပေါင်းရင်းမြစ်များ

Matius 13:10

Yig isaruk apagma, At Yesus omini epmano ambeg waharuk apareg, hinog waruk wilil, “Hat wene yig isaruk wilil, keroho ulug ilitoho neken yig isaruk ahen-o,” ulug yig ituk apagma,

Matius 16:17

Yig ituk apagma, At Yesusen yig ituk wilil, “Simon Yunus amloho wai, At Allah ahien hobam umburuk hihi-o, haren demat ariroho ehen ari, ap misihen yanggul hitukmu ehen fug-o. An Nikni boholma werehon etnowen hat hakeleg yig hitukmu ehen-o.

Matius 19:11

Yig ituk apagma, eke At Yesusen yig isaruk wilil, “Wene du it ap obohen inindi ebebuhup fug-o. It At Allahen og isarukon etnowen-at inindi ebebuhup-o.

Matius 20:23

Yig ituk apagma, eke At Yesusen yig isaruk wilil, “An nahik honanggo nahukon etno, hit ninim-at nahuk oke, eke hit hinebe etno hag Anden ninggik femag femag minduhup hisahuk ari eleg-o. It An Niknien ahla bebahon etno-at ariroho minduhup isaruk aruhureg, welamuhup-o,” ulug yig isebag.

Markus 10:40

eke hit hinebe etano hag Anden ninggik femag femag minduhup hisahuk ari eleg-o. At Allahen ahla bebahon etno-at ariroho minduhup isahu-o,” ulug yig isebag.

Markus 4:11

Yig ituk apagma, At etnowen yig isaruk wilil, “Wene herahowon At Allah weregmen sukon etno-at yig hisihi-o. Ariroho yig hisihi ari, hit hag wene etno selegmaroho-at yig hisaruk ahion oke, eke it werlekon epmano hag wene ilitoho neken-at yig isaruk ahi-o.

Lukas 8:10

At Yesusen yig isaruk wilil, “At Allah weregmen sukon wene etno hit unde wilil hiniluk amag ulug yangguloko yig hisaminon oke, it werlekon hag ilitoho neken-at yig isaruk ahi-o. Ariroho yig isaruk ahi ari fam, it epma inilanggen wereg oke, haruk eleg-o; eke inesanggo wereg oke, holtuk eleg-o,” ulug yig isebag.

Yohanes 6:65

Ariroho iluk wilil, nin duroho yig isaruk apag, “Ari halug, Anden bilin yig hisaruk wilil, ‘Hit An nambeg wamon etno bilin Niknien og hisaruk eleg halug, hit hinonggarehen-at An nambeg wam ari hai-o,’ ulug yig hisarikik etno alem ari fam-at yig hisarikik-o,” ulug yig isebag.

Yohanes 7:17

Eke ap misig At Allah ahla burukon etno ilitoho siog ulug suruk halug, An wene yanggul hisaruk ahion etno, At Allahen yig itukmu suruk ano, onggareg ahla bulug-at suruk ano, ulug iluk arikon-o.

Kisah Para Rasul 16:14

Ninim wene urukukon etno at misig inuk Lidia, ibam Tiatiraon etno at ebe sum huluon fanowon at ambeg onggo baltukon welatisi. Eke at hwe etno Allah wene warukon oke, At Allahen fikfag esanggo warepfirisimu, at Paulusen irision etno indimu eberoko warisi.

Roma 11:25

Nomini-o, hit wene herahowon misig du hinapeleg welam ari haien yig hisamin-o. Ariroho yig hisamin ari hiren nit-at ninindi enggaron welahe-o, ulug hinahla buruk am nowen ulug yig hisamin-o. Ari halug, wene ebe yig hisaminon du at-o, it Israel ap inindi arikepataruson ari mondog mondog-at inindi arikepatarusa fug-o. Eke fobik it aphe bilin Allah wene inapeleg welatuson epmano demat ulug eberoko waruk amuhupmu, it Israel aphe obog-at inili wahu-o.

Roma 16:25

Ari fam, nit obohen At Allah inuk-at suontepfuruk amuk-o. Eke wene fano wene yig hisaruk ahion etno inim, eke At Yesus Kristus awene etno inim, eke wene o amuk herako neken welapahon oke, kidia selegma bukaloko yig nisarukon etno inim obog-at hiren demat-o ulug hinindi ebebukag ulug At Allahen hinindi oag werehon etno og hisiog ulug oag weregsoho suruk-o.

1 Korintus 13:2

Eke an Allah wene nindimuen walug yig iseheg, eke yi angge di angge herahowon epmano obog niluk aheg, eke At Allah inuk mondog ebetuk wilil bunu etno walug o ninmu imbik laheg suruk wilil, nindi hunduhuk eleg welatlemen, an nebe napeleg neken-at welatle-o.

1 Korintus 15:51

Eke ari halug, wene herahowon misig yig hisamin-o, nomini. Nit aphe obogsoho waramuhuk fug oke, nit obog-at ninolohore ninon og nisahu-o.

1 Korintus 2:14

Eke at ap misig Roh Kudus indimu eleg wilil, alem amukon ebetukon halug, At Roh Kudusen yig nisarukon etno demat ulug eberoko wao ari hai-o. Eke nit At Roh Kudus etnowen yig nisarukmu waon oke, at ap etno urunanggeroho neken ahla buruk wilil, wene etno alem heahuk hai atuken weheg eleg wereg-o.

1 Korintus 2:7

Eke wene iniluk amon yig isaruk ahion ari, it aphe inilanggen ha nowen ulug bilin At Allahen herako embebag-o. Eke wene ari o kweanma awan wal heheg eleg wilil At Allahen nit suontep nisahiog ulug fuloko embebag-o.

1 Korintus 4:1

Eke it aphe epmanowen nit farim uruk wilil, “At Kristus anggimbu wilil, wene At Allah indimu heraho welapahon etno bukaloko yig nisarukon inebe du at-o,” ulug it apheyen ariroho nisawag-o.

1 Korintus 4:7

Eke hat hag ap sen hakeleg-at suon ulug ilanggen hearuk-o? Eke nongge hag og hitisi fug-o? Eke At Allahen obog og hitision oke, og hitisi fugmu neken, keroho ulug hat hinuk-at suontepataruk ahen-o?

Efesus 1:18

Eke hit fanoroho hinindi ebetuk hisalug, fano hinabiog ulug wol hisarision etno inim, eke At udaki ahien inobam umburuk wilil, og hisahuk ulug abug yig hisarision etno inim,

Efesus 1:9

Eke ariroho suruk apareg fam, At Kristus eyabuk suruk etno fam an nahla buruk ahion etno suhuk-o, ulug bilin herako neken ahla bebahon oke, fobik nit niniluk amag ulug dindiloko yig nisebag-o.

Efesus 5:32

demat ulug yig nisaruk-o. Eke Alkitab fam yig nisarukon ari At Kristus udaki inim dambuksoho welamon etno farim yig nisaruk buruk ahi-o.

Efesus 6:19

Eke anden wene yig isiog ulug suruk wilil, nakol elegsoho wene fano wene heraho welapahon etno yig isawag ulug At Allahen wene yanggul nemagsoho hit nake sembahyang uruk amuk-o.

Kolose 2:2

Allah wene etno hiniluk wilil, hinindi demat ulug ebetuk amuhupseg, hit hinoag weregsoho welamuhuben ulug hit hinake yabuk suruk ahi-o. Eke ari halug, At Kristus bilin heraho neken welapahon etno ebe iniluk atlug,

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

1 Timotius 3:9

Eke wene heraho welapahon etno demat ulug ninindi ebetuk aheon etno ilitoho obabut fano mondog wilil, demat ulug ahla buruk amag-o.

Yakobus 1:5

Eke at misig indi fanoroho ebetuk elehon hinim wereg hisalug, At Allah obam sembahyang uruk wilil, “Nindi fanoroho ebebukon etno-at og nimin-o,” ulug sembahyang urukmu, At Allah yi angge di angge anggolo og nisarukon etnowen og hiruhu-o.

1 Yohanes 2:20

Hit halug, Roh Kudus hinobam imbirisimu, yi angge di angge epmano obog hiniluk-o.

1 Yohanes 2:27

Eke hit hag, Roh Kudusen hinobam imbirisimu, ap misihen yanggul hisa ari hai. At Roh Kudus yanggul hisarukon halug, yi angge di angge demat werehon etno-at yanggul hisaruk-o, Aren enggal neken uruk eleg-o. Eke At Roh Kudus etnowen yanggul hisarukon etno fikfag hinindimu ebetuk hisalug, At Yesus hinim hunduhuk welamuhup-o.