Matius 12:8 - Allah Wene Hurumbik Keron

⁸ Eke o hari Sabat etno unde wereg ari, An At Allahen minduhup naharision etno-at wela­hi-o,” ulug yig isebag.

Matius 12:8 ပူးပေါင်းရင်းမြစ်များ

Matius 12:32

Eke it ninen wene dahon An Allahen minduhup naharision etno nobam umburuk isalug, At Allahen inobam inapelegsoho sohorep isalug, apma imbisahu oke, eke it ninen wene dahon At Roh Kudus obam umburuk isalug, At Allahen kidia inim, fobik inim inobam inape­legsoho apma imbisahu fug-o,” ulug yig isebag.

Matius 12:40

Eke at Yunus etno inggik henahan ikan suon ahla yonggareg welapag etno ilitoho, An Allahen minduhup naharision etno ninggik henahan kwean undama welaruhuk-o.

Matius 8:20

Yig ituk apagma, eke At Yesusen yig ituk wilil, “Bak halug, inibam e elma wereg-o. Eke sue boholma sil nurukon halug, inibam wereg-o. Eke An Allahen minduhup naharision etno kel siog ulug nunggul hopsoho ying am ambeg ari eleg-o,” ulug yig epag.

Matius 9:6

Eke At Allah Amloho etnowen it apheyen dag suruson epmano sohorep isalug inobam inapelegsoho apma imbisawag ulug minduhupfirision etno hiniluk atlihiben, hit hinil fam misig simin-o,” ulug yig isaruk apareg, eke fobik at ap oag mondog elehon etno yig ituk wilil, “Minatuk apmihinteg, hesabul nohorukon du holalug hibam lag-o,” ulug yig epag.

Markus 2:28

Eke o hari Sabat etno unde wereg ari, An Allahen minduhup naharision etno-at welahi-o,” ulug yig isebag.

Lukas 6:5

Yig isaruk apareg, eke At Yesusen nin yig isaruk wilil, “Eke o hari Sabat etno unde wereg ari, An At Allahen minduhup naharision etno-at wela­hi-o,” ulug yig isebag.

1 Korintus 16:2

Eke hit o hari Minggu fam nintul nantul hit hinaharek werehon halug, anggoloroho embeheg, eke hit hinaharek elehon halug, dorat embeheg suruk wilil, uang epmano hit an awan waharuk eleg nealug dugsoho umburuk amuk-o.

1 Korintus 9:21

Eke it Yahudi aben wene duroho suruk amuk eke duroho suruk am fug ulug ebahon etno inapeleg werehon epmano an nilahut war inabuhuken ulug, an At Allahen wene duroho suruk amuk eke duroho suruk am fug ulug ebahon etno nesanggo holtuk wilil, At Kristus awene etno apma welahion oke, it wene inapelehon epmano ninim wilil, an nebe wene napeleg neken atisi-o.

Wahyu 1:10

Waruk aheon oke, eke o hari Minggu fam an Roh Kudusen og nitukmu, nilanggen biren barentoho yet harikik-o. Yet haruk atikikseg, an nambolmen binggon une suon neken urukmu nesanggo holtikik-o.