Matius 12:7 - Allah Wene Hurumbik Keron

⁷ Eke At Allah wene etno fam yig hisaruk wilil, ‘Yi wam di wam waroko An nake ulug umburukon etno namberaken suruk wilil oke, it inobabut fano welamon etno-at nindi welahi-o,’ ulug ebahon etno hit fanoroho hinindi ebetuk atlepmen, it nomini du dag suruk-o ulug winimug yig iselep fug-o.

Matius 12:7 ပူးပေါင်းရင်းမြစ်များ

Matius 22:29

Yig ituk apagma, eke At Yesusen yig isaruk wilil, “Hit wene baleg etno inim, eke At Allahen oag weregsoho surukon etno inim hinapeleg wilil, urunanggeroho-at uruk ahep-o.

Matius 9:13

Eke Allah wene baleg etnowen yig hisaruk wilil, “Ap misihen wam waroko At Allah ake-at umburukon halug ari An nambit haruk wilil, ap misig indi seberoho werehon etno hag nindi haruk ahi-o,” ulug At Allahen ebahon ari hit hinebe lalihipseg, ebe keroho yig nisebag-o, ulug hinindi ebetuk amuk-o. Eke An nebe etno it aphe nit fano welahe-o ulug inindi yuhun-at werehon etno wol isiog ulug waharikik eleg-o. It dag surukon epmano hag wol inaptuk ariog ulug-at waharikik-o,” ulug yig isebag.

Markus 12:33

“Eke ninindi inim, eke yiroho sik diroho sik ninahla buruk aheon epmano inim, eke ninindi ebetuk aheon epmano inim, eke ninebe etno inim obog At Allah og itlug At ninim mondog ninindi hunduhuk welamuk-o. Eke nit ninabua saruk ahe etno hag, it ninomini ninim welaheon epmano inabua isaruk am ari fano-o. Ariroho suruk wilil, At Allah ake wam waroko amben ambianma lawag ulug hondok yaluk ari hai-o,” ulug yig epag.

Kisah Para Rasul 13:27

Eke it Yerusalem aphe inim, it inowesi epmano inim, At Yesus ninili warukon ulug inapeleg wilil, it nabien wene holal embebahon nintul nantul o sembahyang fam yig nisarukon epmano inapeleg neken welatusa-o. Ariroho wilil, At Yesus dahon obam umburusa etno fam it nabien hurumbik ebahon demat surusa-o.

Yakobus 5:6

Eke it apheyen yi angge di angge dahon hinobam umburuk elehon etno hiren yuhun-at dahon inobam embeheg, eke inebe war inabeheg suruk atikibon oke, iren onggo urusa fug-o.