Matius 12:46 - Allah Wene Hurumbik Keron

⁴⁶ At Yesusen it aphe epmano awan yig isaruk weregma, at isina osi inim waharuk apareg, olma welapag. Olma epmano wilil, nit Yesus ninim wene ulen-o, ulug uruk apag.

Matius 12:46 ပူးပေါင်းရင်းမြစ်များ

Matius 1:18

At Yesus Kristus endag apag etno ariroho endag apag. At isina Maria Yusuf wene watukon etno inim dambuksoho awan heheg, Roh Kudus etno fam ahumla apag.

Matius 12:47

Uruk apagma, at ap o etno werehon misihen Yesus yig ituk wilil, “Ninowe-o, hisina hosi selema minduhuk wilil, ninim wene ulen ulug wol haptuk-o,” ulug yig ituk apagma,

Matius 13:55

Ari halug, At ebe at ap o faltukon etno amloho ano? Eke At isina Maria, At osi Yakobus, Yusuf, Simon, Yudas etno eleg buruk ahep ano?

Matius 2:11

Inahien anggolo haruk apareg, uma etno kebag. Kuruk apareg, udag etno isina Maria inim we­regma, haruk apa­reg, heahi watuk wilil kunuk ulug obam sem­ba­hyang ebag. Sembahy­ang uruk apareg, emas, mur, kemenyan amben fanowon walug wapahon epmano honang­goko og epag.

Matius 2:20

At malaikat etnowen yig ituk wilil, “Hat hebe minatlug Udag du isina inim og inaplug o kwean Israel fam lalihip-o. It ap Udag du wabuhuk ulug ebetuson etno inebe arat waratu­sa-o,” ulug at Yusuf etno yig epag.

Markus 2:21

eke fobik yig isaruk wilil, “Sum amukon etno dag atuk halug, keron inim seleben suk ari hai-o. Ariroho suhup halug, ket yihik ambeg etano wereg heheg, amukon yihikon etano delep atuk aruhureg, fobik mondog suon-at delep aruhu-o,” ulug yig isaruk apareg,

Markus 6:3

Ari halug, At ebe at Maria amloho ap o faltukon etno-at ano? Eke At osi Yakobus, Yoses, Yudas, Simon etano eleg buruk ahep ano? Eke At aholani o duma ninim welahe epmano hinapeleg ano?

Lukas 1:43

Yig ituk apareg, nin eke fobik yig ituk wilil, “An hweap doron-at oke, hat Ninowe isina du, keroho ulug nea wahen-o?

Lukas 2:33

ulug at Simeonen Udag etno farim ebahon etno it ikni Yusuf isina etnowen wi ulug fog sebag.

Lukas 2:34

Fog suruk apagma, at Simeon etno ahien inobam umburuk apareg, at isina Maria etno yig ituk wilil, “It Israel aphe epmano nin bule ambeheg, nin minaheg sukag ulug At Allahen udag du minduhupfirisireg fam, it apheyen herako inahla burukon epmano selegma amag ulug At Allahen udag du belabik waharision oke, it aphe ninen ninambit ulug uruk amuhup-o.

Lukas 2:48

Fog surukmu, At ikni isina etano inilanggen haruk apareg, inakol hebag. Inakol haruk apareg, At isina etnowen yig ituk wilil, “Namloho-o, Hat keroho ulug ariroho suruk ahen-o? Nit hikni hisina kema aha ulug ninindi angginen heag habil lahereg wahe-o,” ulug yig ituk apagma,

Lukas 2:51

Ariroho weregma, fobik At Yesus etno inim o Nazaret suhuluk waharuk apareg, ikni isina etanowen inune yig itukmu esanggo holtuk apag. Esanggo holtukmu yi angge di angge sebahon epmano obog-at isinen indimu ebetuk apag.

Lukas 8:10

At Yesusen yig isaruk wilil, “At Allah weregmen sukon wene etno hit unde wilil hiniluk amag ulug yangguloko yig hisaminon oke, it werlekon hag ilitoho neken-at yig isaruk ahi-o. Ariroho yig isaruk ahi ari fam, it epma inilanggen wereg oke, haruk eleg-o; eke inesanggo wereg oke, holtuk eleg-o,” ulug yig isebag.

Yohanes 19:25

Sebareg weregma, e At Yesus lenggaloko embebahon etno horogsoho etano At isina inim, eke at anditohe Klopas uhwe Maria etno inim, eke hwe Maria Magdalena etno inim, minduhuk welapag.

Yohanes 2:1

Eke fobik ininggik biren welapareg, o Kana Galilea epmano ap misihen hwe misig onggo wiog ulug sebag. Onggo wiog ulug sebareg weregma, At Yesus isina inim,

Yohanes 2:12

Ariroho At obam ebetuk apagma, eke At omini epmano inim, o Kapernaum waharuk apareg, inggik biren henahan neken welapag.

Yohanes 2:5

Yig ituk apagma, At isina etnowen it uma yabuk surukon epmano yig isaruk wilil, “Hit At Yesusen yig hisikonon etno ilitoho silihip-o,” ulug yig isebag.

Yohanes 7:10

Eke it At owe not etno esoho esebuog ulug arat lebareg fam, At Yesus etno fobik inombolim lebag. Fobik laruk wilil, At ebe selegmaroho lebag fug, mondog herag herag lebag.

Yohanes 7:3

At Yesus owe not epmanowen yig ituk wilil, “It hat homini epmanowen haren suruk ahenon inilanggen hawagsoho o duma sohorep isalug, o Yudea epma alu-o.

Yohanes 7:5

ulug ariroho yig epag ari, it At owe not etnowen obam ebetuk eleg wilil ariroho yig epag.

Kisah Para Rasul 1:14

It obog epmano inuhwesi inim, eke At Yesus isina Maria etno inim, At Yesus owe not epmano inim it obog inindi misig-at wilil, nintul nantul sembahyang uruk apag.

1 Korintus 9:5

Eke it nin wene yig isil nuruk amag ulug mondep isebahon epmano inim, eke At Ninowe osi epmano inim, eke at Kefas etno inimen inuhwesi Allah wene warukon holalug sil nuruk epmano ilitoho anden ariroho holalug sil laruk am hai buruk ahep ano?

Galatia 1:19

Eke ariroho wilil, it mondep isebahon nin epmano nilanggen isarikik fug-o. We at ninowe omin Yakobus etno-at nilanggen harikik-o, ulug ariroho holal bal hisaruk ahi ari demat yig hisaruk ahi-o.