Matius 12:41 - Allah Wene Hurumbik Keron

⁴¹ Eke fobik At Allahen aphe inaren baluhu ari sambit it Niniwe aphe etno minatuk amuhupseg, hit aphe kidia welahebon epma hinenggali war hinabuhup-o. It Niniwe aphe etno at Yunusen wene yig isarukmu, dag suruk apahon etno sohorep isalug, inindi wereg apahon oke, hit kidia an Yunus owe nune etno-at holtuk ahep-o, ulug yig hisihi ari An demat yig hisihi-o.

Matius 12:41 ပူးပေါင်းရင်းမြစ်များ

Matius 12:39

At Yesusen yig isaruk wilil, “It aphe kidia werehon duma Allah wene inapeleg wilil, inobabut dahon-at isihi-o. Eke hiren sukfugangge misig sin-o, ulug yig nituk ahep oke, eke at Yunusen sukfugangge sebahon etno-at hinilanggen hahup-o.

Matius 12:42

Eke misig, fobik At Allah aphe inaren baluhu ari sambit at hwe suon misig o apma filen wapahon etno minatuk aruhureg, hit aphe kidia welahebon epma hinenggali war hinabuhu-o. At hwe suon etno at Salomo indi ilukon etnowen yanggul isebahon epmano esanggo holiog ulug kwalem yatmen wapahon oke, eke hit kidia An Salomo owe nune etno-at hinesanggo holtuk ahep-o,” ulug yig isebag.

Matius 12:45

Ilanggen haruk atlug, at omini setan inebe sabiren angge mondog dahon epmano og inaplug wariog ulug inayonggo laruk-o. Larukmu, it obog watlug ap etno indimu welatuk-o. Eke ap etno bilin setan indimu misig-at werehon oke, fobik anggolo kuruk atlug, mondog dag atuk-o. Eke at ap ari dag atuk etno hag, it kidia dag surukon ari ariroho-at dag amuhup-o,” ulug yig isebag.

Matius 12:6

Eke o Allah ibam etno suon-at weregma, An napma-at wereg-o ulug Anden yig hisaruk ahi-o.

Matius 16:4

Yig isaruk apareg, eke fobik yig isaruk wilil, “Eke hiren sukfugangge misig sin-o, ulug yig nituk ahep ari, Anden suk nambit-o. Eke at Yunus etno elalintoho welapag etno hag, elalintoho suruk neahup-o,” ulug yig isaruk apareg, it epmano imbisalug lebag.

Matius 17:17

Yig ituk apagma, At Yesusen yig isaruk wilil, “Nomini-o, hit An ninim welaheon oke, hinindi dahon wilil fikfag ebereheg eleg sil nuruk ahep du, An ninggik maren ninim welatlug nibam lahuk-o? Eke An hit ninim welam ari nambit-o. Eke An nebe ninggik maren ninim welatlug lahuk-o?” ulug yig isaruk apareg, ap etno yig ituk wilil, “Udag ari walug nambeg dia ma-o,” ulug yig ituk apareg, setan etno winimug yig ituk apagma, wilip apag.

Matius 23:36

Eke hit kidia welahebon epmano it inonggo war hinabuhu ari, An demat yig hisihi-o,” ulug yig isebag.

Lukas 11:32

Eke fobik At Allahen aphe inaren baluhu ari sambit it Niniwe aphe epmano minatuk amuhupseg, hit aphe kidia welahebon epma hinenggali war hinabuhup-o. It Niniwe aphe epmano at Yunusen wene yig isarukmu, dag suruk apahon epmano sohorep isalug, inindi wereg apahon oke, hit kidia An Yunus owe nune etno-at holtuk ahep-o, ulug yig hisihi ari An demat yig hisihi-o,” ulug yig isebag.

Yohanes 3:31

At Yohanesen yig isaruk wilil, “It aphe kweanmon epmano doron-at-o. At ebe boholmen ambik waharukon etno hag suon-at wereg-o. Eke it aphe kweanmon epmano hag, inebe kweanmon etnowen iren yi angge di angge kweanmon epmano-at uruk-o. It ariroho urukon epmano inebe doron-at wereg iseheg, At boholmen ambik waharukon etno hag suon-at wereg-o.

Yohanes 4:12

Eke amuk at ninetamu Yakub etnowen ik du hulilip nisahabareg, at ebe inim, udaki inim, anggom inim ik du-at nebag-o. Ariroho nebahon oke, eke Haren at Yakub doron, An suon ulug uruk ahen ano?” ulug yig epag.

Roma 2:27

Eke hit Yahudi ap it ap Allah wene inapelehon epmanowen-at oag del hinabuhup-o. Ariroho suhup ari, hit hag wene duroho suruk amuk eke duroho suruk am fug ebahon etno wene holal embeheg, eke hiniyunggul ambilik bal seheg, suruk wilil oke, wene ebe hag seberoko imbisaruk ahep-o. Eke it hag inebe iniyunggul ambilik baleg eleg wilil oke, wene ebe-at inesanggo holtug ilitoho suruk-o.

Ibrani 11:7

Eke at Nuh etno hag, indi demat ulug ebetuk wilil, At Allahen fobik war inabuhuk-o ulug ebahon etno ilanggen hebag fuhon oke, esanggo holfag-o. At Allahen ebahon etno esanggo holtuk apareg, aren so etno o ilitoho falfag. Falepfuruk apareg, at uhwe udaki inim so fam epmano kebareg weregma, inili webag-o. Inili webareg fam, aren it aphe kweanma obog inili oko imbisebag-o. Eke at indi demat ulug ebepag etno fam, At Allahen ap du obabut fano hihi ulug ahien obam embebag-o.