Matius 12:26 - Allah Wene Hurumbik Keron

²⁶ Ari hag, eke setan owe ot inim irit aptuk isalug, it epmano minggiro­ko wilil horog kidia-at mondog healeg welamuhup-o.

Matius 12:26 ပူးပေါင်းရင်းမြစ်များ

Matius 13:19

I angge kwalema kililtil lebag etno hag, it ap At Allah weregmen sukon wene etno inesanggo holtukon oke, eberoko weheg eleg-at weregma, at iblis dahon etno waharuk wilil, wene inindimu werehon lisoko waruk-o.

Matius 4:10

ulug yig ituk apagma, eke At Yesusen yig ituk wilil, “Hat iblis hebe lag-o. Ninikni Allah-at sembahy­ang obam uruk am fano-o. Nit At akeleg-at andu­ananggeroho welam ari fano-o, ulug wene baleg ari wereg-o,” ulug yig ituk apag­ma,

Matius 9:34

it Farisi ap epmanowen uruk wilil, “At setan inowe etnowen oag werehon etno og ituk ahama wilipfehek-o,” ulug uruk apag.

Yohanes 12:31

Eke kidia it aphe kweanmon oag deloko imbisawon etno arat fanggog uruk-o. Ariroho fanggog uruk wilil, at iblis o kweanma duma inikni suon neken welapahon etno oag elehepfukon etno inim arat fanggog uruk-o.

Yohanes 14:30

Eke kidia hag, wene atog inim yig hisamin fug-o. At iblis, o kweanma duma inikni suon neken werehon etno arat waharuk-o. At ebe etno arat waharuk ari, aren An seberep nahaku fug-o.

Yohanes 16:11

Eke alem At Allahen inoag deloko imbisawon etno yanggul isahu ari, at iblis o kweanma inikni suon neken welatision etno arat oag deloko imbirisi-o ulug yanggul isahu-o.

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

Kolose 1:13

Eke o hik oag weregsoho wereg ambeg epmanowen wilip nisahik wapareg, At Amloho wereg ambeg epmano ninili oko kolap ninaptisi-o.

1 Yohanes 5:19

Yi angge di angge kweanmon at setan etnowen sen inaptukon-at oke, eke nit halug, ninebe Allahen angge-at welahe ari, demat ulug niniluk atuk-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 16:10

At inuk suontepfeheg eleg-at weregma, eke fobik at malaikat misig larisireg, ahik oag fam honanggowon etno at walo suon etno horie uruk ambeg deloko belabik waharisi-o. Belabik waha­ruk atisimu, at walo suon horie uruk ambeg epmano obog hik atisi-o. Hik atuk atisimu, it aphe epmano ukmu oloken suruk wilil, inambilik anggen inayehen siroho ketereg wilil inele areg welatusa-o.

Wahyu 9:11

Bal inaptuk heheg, at kwean kahaleg ambeg unde werehon etno inowe welatisi-o. Inowe werehon etno inuk it Ibrani inune fam Abadon, ari it Yunani inune fam Apoli­on, ari nit ninune fam Mialtukon ulug soaleg welatisi-o.