Matius 12:15 - Allah Wene Hurumbik Keron

¹⁵ Iren wabuhuk ulug ebahon etno At Yesus esanggo holtuk apareg, o etno sohorep isalug, o misig lebag. Laruk apagma, it aphe anggolo-at mutlug lebag. Mutlug laruk apagma, it aphe uk warehon epmano obog-at fano inapag.

Matius 12:15 ပူးပေါင်းရင်းမြစ်များ

Matius 10:23

Eke hit hinebe o misihen hinusuog ulug suruk isalug, sohorep isalug o misig hite alu-o. Eke At Allah Amloho awan waharuk eleg heheg, yabuk o Israel epma suhup-o, ulug An demat yig hisaruk ahi-o.

Matius 19:2

Larukmu, it yi aphe di aphe haruk apareg, mutlug ambeg laruk apagma, it uk warehon epmano fano inaptuk apag.

Markus 6:56

At Yesus etno it inibam epmano inim, eke o sili su ambeg inim, eke o inakeleg sik wereg ambeg epmano inim obog-at sil nurukmu, haruk apareg, inahla buruk wilil, “It aphe uk warehon dumen Hat hasum atog ininggik senebuk fano ano?” ulug ambeg hinog wulen ulug orom onggo hundutuk ambeg epmano imbisa wapag. Imbisa waharuk apagma, it aphe epmanowen At asum ininggik senetukmu fano apag.

Lukas 5:22

Ulug ariroho inahla buruk weregma, At Yesus etnowen ilanggen isaruk apareg, yig isaruk wilil, “Hit keroho ulug ariroho hinahla buruk ahep-o?

Lukas 6:12

Uruk apagma, eke At Yesus etno bunumu laharuk apareg, hubanggo arambik Allah obam sembahyang uruk apag. Uruk apareg weregma, o witebag.

Lukas 9:11

Laruk apagma, it aphe obog epmanowen At Yesus waha-o, ulug urukmu inesanggo holtuk apareg, mutlug lebag. Mutlug laruk apagma, heahi war inaptuk apareg, At Allah weregmen sukon wene etno yig isaruk wilil, it uk warehon epmano hag fano inapag.

Yohanes 11:54

Ariroho inahla buruk apagma, At Yesus etno ebe o Yudea ke laruk wilil, kwalema selegmaroho lebag fug, abitke-at herag herag laruk apareg, o etno sohorep isalug, o limu aphe eleg ambeg o doron misig inuk Efraim etno waharuk apareg, At omini dua belas epmano inim welapag.

Yohanes 7:1

Eke fobik At Yesus etno o Galilea epmano ya keheg sil wapag. Ariroho sil wapag ari, it Yahudi aben ebe wabuog ulug suruk isalug, o Yudea etno lao amberaken o Galilea wapag.

Yohanes 9:4

Eke kidia o ilingge neken wereg halug, At lahap nabik waharision etno eyabuk-at suruk amuk-o. Eke fobik o hubanggo neken atuk aruhumu, it apheyen yabuk suk mondog hai aruhu-o.

Galatia 6:9

Eke ari halug, fanoroho sukon etno orog-at suruk am fug-o. Eke nintul nantul fanoroho suruk nisalug, fobik o ari sambit anggen fanowon etno-at bal sahuk-o.

1 Petrus 2:21

Ari fam At Allahen wol hinaptisi-o. Eke At Kristus hit hinake yikangge wapahon etno hinilanggen haruk amiek. Eke At ebe ilitoho suruk amiek-o.