Matius 12:10 - Allah Wene Hurumbik Keron

¹⁰ Kuruk apagma, it aphe epmanowen At Yesusen dag suruk halug, ninune obam denggeltulen-o ulug inahla buruk apareg, hinog yig ituk wilil, “Nit wene duroho suruk amuk eke duroho suruk am fug ulug yig nisebahon etno wereg heheg, o hari Sabat fam aphe uk warehon fano inabuk ari fano ano dag ano?” ulug yig ituk apagma,

Matius 12:10 ပူးပေါင်းရင်းမြစ်များ

Matius 12:2

Narukmu it Farisi ap epmanowen inilanggen isaruk apareg, At Yesus etno yig ituk wilil, “Hat hilanggen wenag isimin-o. Nit wene duroho suruk amuk eke duroho suruk am fug ulug ebahon etno niniluk wilil, o hari Sabat fam sembahyang uog ulug bok wilil, ariroho suk fug-o ulug yig nisebahon etno wereg heheg, it Hat homini ari keroho ulug suruk-o?” ulug yig epag.

Matius 19:3

Fano inaptukmu, it Farisi ap nin At ambeg waharuk apareg, Aren baluog ulug hinog waruk wilil, “Wene duroho suruk amuk eke duroho suruk am fug ulug ebahon etno wereg heheg, ap misig alem yi angge di angge farim uhwe amberaken sohorep isao ari fano ano dag ano?” ulug yig ituk apagma,

Markus 3:2

Kuruk apagma, it aphe epmano inahla buruk wilil, o hari Sabat sembahyang uog ulug bok wereg niseheg oke, ap du fano sikon ano, eleg ano? Fano suruk halug, At o hari Sabat fam yabuk sehek ulug niren ninune obam denggeltulen-o, ulug inilanggen fikfag wenaharuk apag.

Lukas 11:54

Yig ituk apareg, eke fobik Aren une dahan fahan urukim enggali wabulen ulug hinog anggolo webag.

Lukas 13:14

Suontepfuruk apagma, ap misig o Allah wene uruk ambeg aso werehon etno At Yesus o hari Sabat fam fano sebag etno ambit haruk apareg, it aphe obog yig isaruk wilil, “Nit nineyabuk holawon etno nininggik enggalimen angge wereg halug, o werleken fano hinabukag ulug waharuk am ari fano. Eke o hari Sabat fam waharuk ahep ari hai-o,” ulug yig isebag.

Lukas 20:22

Ari halug, at Kaisar inowe inuk suon etnowen uang anggen og nimiek-o ulug uruk halug, og imuk ano, sohorep isuk ano, Haren yig nisimin-o,” ulug yig ituk apagma,

Lukas 23:14

“At ap duen aphe inindi kahaltuk ulug senoko nambeg walug wahepma, anden hit hinil fam aren balihireg oke, Aren alem dag sirisi ulug obam denggelehebon etno eleg atuk hihi-o.

Lukas 23:2

Imbik laruk apareg, inune dahon epmano obam denggeltuk wilil uruk apag, “At ap duen Kaisar ahauang anggen etno og um fug-o, An nakeleg-at Hinowe suon Kristus welahi-o, ulug it aphe duma enggal neken yig isarukmu ebe senetukuk-o,” ulug yig ituk apagma, eke at Pilatus etnowen hinog waruk wilil, “It Yahudi ap Inowe suon etno Hat-at ano?”

Yohanes 5:10

Lebag etno o hari Sabat fam laruk apagma, it Yahudi ap epmanowen at ap fano sebahon etno yig ituk wilil, “O yoho hari Sabat ari fam laruk ahen du, wene duroho suruk amuk eke duroho suruk am fug ulug yig nisebahon etno wereg heheg, hesabul nohorukon etno yinggiloko holalug lao ari hai-o,” ulug yig epag.

Yohanes 5:3

Ariroho faleg weregma, it aphe uk warehon epmano inil buhon inim, iniog dahon inim, ininggik iniog hunduhukon inim obog-at o baharik anggolo faleg ambeg epmano yinggig welapag. Yinggig welapag ari, At Allah malaikat etnowen nintul nantul ambik waharuk wilil, ik namut kume watukon aplohok sukon etno aso welapag.

Yohanes 7:23

Eke ari halug, hiren at Musaen wene duroho suruk amuk eke duroho suruk am fug ulug ebahon etno sohorep isehe ha nowen ulug, o hari Sabat fam hinudaki iniyunggul ambilik bal inaptuk ahebon oke, eke Anden ap misig o hari Sabat fam ebe obog-at fano sirikikon etno farim nulug winimug nituk ahep-o?

Yohanes 8:6

Ariroho yig epag ari, At obam denggeluhuken ulug inahla buruk wilil, indi kahaluog ulug yig epag. Ariroho yig ituk apagma, At Yesus etno olohore wanduk uruk apareg, inggik dum fam kweanma holal balfag.

Yohanes 9:16

Yig isaruk apagma, it Farisi ap nin etnowen uruk wilil, “At ap fano sehekon du o hari Sabat fam yabuk suk fug uruk iseheg, fano sehek ari At ebe Allah une etno esanggo holtuk eleg hehe-o,” ulug uruk apagma, eke it ninen uruk wilil, “Ap dag surukon hahen sukfugangge ariroho selep fug hehe-o,” ulug ariroho uruk apareg, it inebe healeg welapag.