Matius 11:6 - Allah Wene Hurumbik Keron

⁶ Eke at misig An nobam demat ulug ebetuk halug, fobik at etno ili wa­hu-o,” ulug yig isebag.

Matius 11:6 ပူးပေါင်းရင်းမြစ်များ

Matius 13:21

Ariroho waruk wilil oke, fobik inindimu demat ebetuk eleg wilil, ebe seberepfuruk atlug, nit wene waruk aheon du fam ninusuhup ulug inahla beheg, eke narlog harlog suruk wilil, wene ari ninambit-o ulug sohorep iseheg suruk-o.

Matius 18:7

Yi angge di angge epmano fam it aphe dag sukag ulug wereg ari, it o kweanma duma inabua-o. Eke it aphe ninen eke it nin dag sukag ulug inindi kahalik wamuhubon oke, it ariroho suhubon ari inabua-o.

Matius 24:10

Eke o ari sambit it aphe nin inindi demat ulug ebebuhubon epmano sohorep isahup-o. Sohorep isaruk amuhupseg, irit at misihen at misig hele wabukag ulug abug baleheg, eke at misihen at misig hele wabukag ulug abug baleheg, eke irit nambit hambit eheg suruk amuhup-o.

Matius 26:31

Eke fobik At Yesus etnowen yig isaruk wilil, “Alkitab wene baleg fam hurumbik duroho yig nisaruk-o, ‘Anden at wam domba inaso werehon etno waruhuk halug, it domba inim sil nurukon epmano hite wilip amuhup-o,’ ulug yig nisebahon etno ilitoho, hit obog o yoho hupmu nebe sohorep nahalug wilip muhubon oke

Matius 5:29

Eke hinilanggen bikit filen dag suruk ahebon halug, huliloko im­biek-o. Hulilo­ko umbulug At Allah weregma kuk ari fano-o; eke hinilanggen femag femag wereg halug hondok olokma hinombisa­haku.

Markus 6:3

Ari halug, At ebe at Maria amloho ap o faltukon etno-at ano? Eke At osi Yakobus, Yoses, Yudas, Simon etano eleg buruk ahep ano? Eke At aholani o duma ninim welahe epmano hinapeleg ano?

Lukas 2:34

Fog suruk apagma, at Simeon etno ahien inobam umburuk apareg, at isina Maria etno yig ituk wilil, “It Israel aphe epmano nin bule ambeheg, nin minaheg sukag ulug At Allahen udag du minduhupfirisireg fam, it apheyen herako inahla burukon epmano selegma amag ulug At Allahen udag du belabik waharision oke, it aphe ninen ninambit ulug uruk amuhup-o.

Lukas 7:23

Eke at misig An nobam demat ulug ebetuk halug, fobik at etno ili wahu-o,” ulug yig isebag.

Yohanes 16:1

Eke An yi wene di wene obog-at yig hisihi ari, hit fobik hinindi oag eleg am nowen ulug yig hisihi-o.

Yohanes 6:66

Ariroho yig isaruk apagma, it nin At mutlug wapahon epmano ninim lao ninambit-o ulug sohorep isalug iniog suhuluk lebag.

1 Korintus 2:14

Eke at ap misig Roh Kudus indimu eleg wilil, alem amukon ebetukon halug, At Roh Kudusen yig nisarukon etno demat ulug eberoko wao ari hai-o. Eke nit At Roh Kudus etnowen yig nisarukmu waon oke, at ap etno urunanggeroho neken ahla buruk wilil, wene etno alem heahuk hai atuken weheg eleg wereg-o.

Galatia 5:11

Ari halug, nomini-o. Anden hit hiniyunggul ambilik balukag ulug wene yig iselemen, dahon etno keroho nobam embelep-o? Eke anden ariroho yig iselemen, At Yesus e fam lenggaloko embebagma warapahon wene etno iren ninambit ulug elep fug-o.

1 Petrus 2:8

Eke ariroho ebahon etno wereg heheg, eke misig du wereg-o, “It o wut oag ari ninambit ulug uruson etno fam, bule ambulug watahup-o,” ulug holal embebahon etno hiniluk-o. Eke it aphe At Yesus o wut oag neken werehon etno obam ebetuk eleg isalug, At Allahen ebahon etno ilitoho bule amburusareg, watarusa-o.