Matius 11:5 - Allah Wene Hurumbik Keron

⁵ ‘Inilanggen buhon fenggen atukon inim, eke ap inoag elehon fano atukon inim, eke it hon­anggore­hon elehap inaptu­kon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isaru­kon inim obog-at fano suruk hehe-o,’ ulug at Yohanes yig irik lali­hip-o.

Matius 11:5 ပူးပေါင်းရင်းမြစ်များ

Matius 10:8

Yig isaruk wilil, eke it uk warehon fano inabe­heg, it warehon minduhup iseheg, eke it honanggorohon fano in­abeheg, eke it setan inindimu werehon wilip iseheg sil nuruk amuk-o. Eke hit Anden onggo eleg yuhun-at og hisarikikon etno fam, hiren uang anggen onggo dot og nisimiek-o ulug kino eheg eleg-at sil nuruk amuk-o.

Matius 11:4

Yig ituk apag­ma, eke At Yesu­sen yig isaruk wilil, “Hit suhuluk lali­hipseg, hinilanggen hehe­bon inim, eke hinesang­go holehebon inim at Yohanes yig irik lalihipseg,

Matius 12:13

Yig isaruk apareg, eke fobik ap etno yig ituk wilil, “Hinggik bung himin-o,” ulug yig ituk apagma, bung haruk apareg, inggik misig fanowon etno ilitoho fano apag.

Matius 21:14

Yig isaruk apagma, it inilanggen buhon etano inim, eke it iniog dahon epmano inim, obog At ebe Allah ibam epmano weregma ambeg wapag. Waharuk apagma, At etnowen fano inapag.

Matius 5:3

“Hit hinindi sebero­hon halug, wa. Boholma At Allah weregma hiren angge ulug og hisahu-o.

Matius 9:30

Inilanggen fenggen atuk apagma, At Yesus etnowen, “Hit aphe yig isa fug-o,” ulug inesanggo watuk apahon oke,

Markus 7:37

Yig isarukmu it aphe nin inesanggo holtuk apareg, uruk wilil, “Wi, yi angge di angge fano surukon duen inesanggo dohuon husip iseheg, inune elehon werehap iseheg suruk du wi,” ulug inakol haruk wilil, fog suruk apag.

Markus 9:25

Yig ituk apagma, it aphe obog horog-at wonggalik waharukmu, At Yesus ilanggen isaruk apareg, setan etno winimug yig ituk wilil, “Hat setan hune eleg wilil hesanggo dohuon du wilip amin-o. Wilip atuk apmihinteg, fobik kik wam fug-o,” ulug winimug yig epag.

Lukas 4:18

“An Allah Ahurangge ninim welahe-o. Ninim wilil, Aren aphe inaharek elehon epmano wene fano wene etno yig isawag ulug minduhup naharuk wilil, ambusu amben fanowon etno nobam deltisi-o.

Yohanes 10:25

Yig ituk apagma, eke At Yesusen yig isaruk wilil, “An arat yig hisarikikon oke, hit hag nobam ebetuk ahep fug-o. Eke Anden yi yabuk di yabuk Nikni inuk fam suruk nealug, ari fam An nawene selegma atuk-o.

Yohanes 10:38

Eke An At Niknien suruk etno hag ilitoho suruk nealug, hiren An nobam eberoko wao sohorep isalug, Anden yabuk suruk ahion epmano eberoko waruk amuk-o. Ariroho waruk amuk ulug yig hisihi ari, hiren At Amloho Ikni inim inebe misig-at wereg-o, eke At Ikni Amloho inim inebe misig-at wereg-o, ulug hinahla buruk wilil, hit hinindi demat ebebuhuben ulug waruk amuk yig hisihi-o,” ulug yig isebag.

Yohanes 2:23

Eke fobik it Yahudi aben esoho inuk Paskah etno esetuk iseheg, At Yesus etno o Yerusalem wilil, sukfuganggeroho suruk apagma, it aphe obohen inilanggen haruk apareg, wi ulug At obam ebetuk apag.

Yohanes 3:2

o misihim hubanggo At Yesus ambeg wapareg, yig ituk wilil, “Ninowe yanggul nisarukon wai, Haren yanggul nisawag ulug At Allahen lahap habik waharisi etno nit niniluk-o. Eke at ap misig Allah inim welatlep fugmen, Haren sukfugangge suruk ahenon epmano suruk atlep fug-o,” ulug yig epag.

Yohanes 5:36

Ariroho hinahien haruk hiseheg, at Yohanes etnowen An nawene-at yig hisaruk atision oke, alem suon An nawene yig hisarukon misig du wereg-o, alem ari, An yi yabuk di yabuk sukag ulug An Niknien nobam imbirisireg fam, suruk ahi ari fam An nawene etno selegmaroho yig hisaruk-o. Ariroho yig hisaruk ari, An nebe etno iknien-at lahabik waharisi-o ulug selegma-at yig hisaruk-o.

Yohanes 9:7

yig ituk wilil, “Hat hebe ik Siloam ikma kume watuk ambeg epmano holohore ho sik lag-o,” ulug yig ituk apagma, at ap etno ik Siloam ikma, ari nit ninune fam Lahapfebahon ulug soalfahon etno lebag. Laruk apareg, olohore ho sebag. Ho suruk apareg, ilanggen etno fenggen atlug wapag.

Kisah Para Rasul 2:22

Hit hinesanggo fanoroho holiek-o. Bilin At Yesus Nazaret ap etno hinim weregma, At Allahen Yesus inggik fam yanggul itukmu, sukfugangge seheg, eke elalintoho seheg, eke inakol hawon seheg surukmu, At Allahen lahabik waharision etno du-at ulug hit obog hiniluk atisi-o. Ari At ebe hinim wilil surukmu, hiniluk atisi-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.