Matius 11:3 - Allah Wene Hurumbik Keron

³ Lahap isaruk apagma, it epmano laruk apa­reg, At Yesus ambeg hinog waruk wilil, “Yesus wai, Haren yig nisamihin-o. At Yohanes etno­wen bilin Ap suon misig waruhu ulug hurumbik yig nisebahon etna Hat-at ano, eke fobik misig waruhumu aso welahe ano?” ulug yig epag.

Matius 11:3 ပူးပေါင်းရင်းမြစ်များ

Matius 11:10

Eke at ha larikibon ari, amuk At Allahen ahu­rum­bik uruk wilil, ‘Hat lawon holohotma kwalem yatuk amag ulug, bilin Anden An Namloho misig lahapfuhuk-o,’ ulug At Allahen bilin Yohanes ahurumbik ebag etno fam,

Matius 11:4

Yig ituk apag­ma, eke At Yesu­sen yig isaruk wilil, “Hit suhuluk lali­hipseg, hinilanggen hehe­bon inim, eke hinesang­go holehebon inim at Yohanes yig irik lalihipseg,

Matius 21:5

“It aphe o Sion werehon epmano At Hinowe etno kidia hinambeg waharuk ulug yig isimuk-o. Eke At ebe indi seberoho wilil, fano mondog werehon etno wam keledai udag etno amboloag fam laruk-o, ulug hurumbik ebahon demat seg atisi-o ulug inahla bukag,” ulug ariro­ho yig isebag.

Matius 21:9

At Yesus bulmu laruk heheg, it nin bilin, it nin fobik laruk wilil, inune suon ebag. Inune suon uruk wilil, “At Daud etamu du inuk suontepfuruk amuk-o. At Ninikni inuk fam wahaon du-at suontepfuk-o. At Allah akeleg-at alon faluk-o,” ulug inune suon il lebag.

Markus 11:9

it nin bilin it nin fobik laruk wilil, “Hosana ebag, ari nit ninune fam ‘Allah inuk suontepfuk-o,’ ulug uruk apareg, At Ninikni inuk suon wahaon du-at suontepfuk-o.

Lukas 19:38

“At Ninowe Ninikni inuk fam wahaon du At Allah ahien obam umbukag-o. Eke boholmen dambuk ninaptuk etno fam At Allah inuk suontepfuruk amuk-o,” ulug heahi watuk apag.

Yohanes 11:27

Yig ituk apagma, at hwe etnowen yig ituk wilil, “Nowe-o, Haren wene yig nirehenon an demat ulug eberoko waruk ahi-o. Eke Hat hebe At Allah Amloho Kristus o kweanma duma waruhu ulug hurumbik yig nisebahon etno ebe du-at ulug hobam ebetuk ahi-o,” ulug yig epag.

Yohanes 12:13

werale engga baloko walug At Yesus inim heahi wabuog ulug olohotma laruk apareg, inune suon uruk wilil, “Niren At Allah inuk-at suontepfuk-o. Ariroho suontepfuruk wilil, At ap Ninikni etno inuk fam waharukon du At Allah ahien obam umbukag ulug ehe-o. Ariroho ehe ari, nit Israel ap Ninowe inuk suon etno At Allah ahien obam umbukag ulug ehe-o,” ulug uruk apag.

Yohanes 16:14

Eke Aren An suontep naharuk wilil, wene Anden angge etno-at indimuen eberoko walug, yig hisaruk aruhu-o.

Yohanes 4:21

Yig ituk apagma, At Yesus etnowen yig ituk wilil, “Hwe du, hat Anden yig hipminon etno hindi eberin-o. Fobik dom du famen inim, o Yerusalemen inim At Ninikni etno obam sembahyang uhup fug-o.

Yohanes 6:14

Ariroho umburuk apagma, it aphe obog epmanowen At Yesusen oag weregsoho suruk apahon epmano inilanggen haruk apareg, irit uruk wilil, “Wi, ap nabi suon misig o kweanma duma waruhu ulug hurumbik yig nisaruk apahon etno ebe du-at hehe-o,” ulug uruk apag.

Yohanes 7:31

Senebuk hai atuk apagma, it yi aphe di aphe wonggalik wapahon nin epmanowen At obam ebetuk apareg uruk wilil, “At Kristus fobik waruhureg, sukfuganggeroho suhu ulug yig nisebahon etno ap duen ilitoho-at suruk hehe-o. Ariroho suruk hehereg fam, eke Aren nintoho suhu fug-o,” ulug ebag.

Ibrani 10:37

Eke alem ari fam at Alkitab etnowen uruk wilil, “Dot welatlug fobik At waruhuk ulug urukon etno waruhu ari, At ebe orog-at waruhu fug-o.