Matius 11:28 - Allah Wene Hurumbik Keron

²⁸ Uruk apa­reg, eke fobik yig isaruk wilil, “Eke hit obog hinobam anggi­non epmano weregma, hinambol ele atukon halug, An nambeg waharuk amuhupseg, ninim weregma, Anden sat yal hinaptuk aru­huk-o.

Matius 11:28 ပူးပေါင်းရင်းမြစ်များ

Matius 11:29

Anden angge etno waruk amuhupmu, hinomalo fam umburuk aruhukseg, Anden hit yanggul hisahuk-o. Yang­gul hisa­hukon ari, An fanoroho nindi seberoho wilil sat yal hinaptuk aru­huk-o.

Matius 23:4

Iren angginon epmano hetsepfulug aphe inomalo fam umburuk oke, iren ninim leko walug lulen ulug yalmag inap­tuk eleg-o.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Yohanes 7:37

Eke fobik esoho ininggik sabiren angge arat esepareg, fobik atog ininggik sirehen angge fam esebukon etno suon-at esebuog ulug surukmu, At Yesus etno minatuk apareg, une suontoho yig isaruk wilil, “It yi aphe di aphe inahik obok werehon halug, An nambeg na waharuk amag-o.

Kisah Para Rasul 15:10

Ari halug, nit ninetamuki ninim komo yig nisebahon wene etno suruk atukuk fuhon oke, it nin komo yig nisebahon wene etno inobam imbisawag ulug uruk ahep du, keroho At Allah aren baltuk ahep-o?

Kisah Para Rasul 20:35

Ariroho ninggiken yabuk surukmu, it inaharek elehon epmano yi angge di angge og isaruk amuhuken ulug yig hisarikik-o. Eke ariroho yanggul hisaruk atikikseg, At Ninowe Yesusen ebahon etno nindimu ebetuk wilil, aphe inaharek holawon etno ninapma seberoho umbulug, yi angge di angge niren og isaruk wilil, ninahien haruk amuhuk-o, ulug At Yesusen ebahon epmano nindi ebetuk wilil, an nebe hit hinanggelegma welatikik-o,” ulug at Paulusen it Efesus ap inaso werehon epmano yig isarisi.

Galatia 5:1

Nit ninebe seberoho neken welamon etno sohorep isalug, arat ninili ohowon welahe-o. Eke At Kristusen ninili warisi-o. Eke ari halug, ap inili ohowon neken minduhuk welamuk-o. Ariroho wilil, nin fobik inim seberep hisahuk nowen ulug yaharoho welamuk-o.

2 Tesalonika 1:7

Eke o fanoma ninombisahiog ulug wereg heheg, At Ninowe Yesus boholmen omalaikat oag werehon epmano inim ambik wamuhup-o.

Ibrani 4:1

Ari halug, At Allah ninim kelsaruk ambeg ninim kuhuk ulug ebahon etno nit-at hurumbik yig nisaruk-o. Eke hiren ap niron misig kirisi fug ehe ha nowen ulug hinakoltoho welamuk-o.

Wahyu 22:17

Uruk atisimu, At Roh Kudus etno inim, eke At Allah udaki epmano inimen, “Hat Yesus dulum manu-o,” ulug urusa-o. Iren urusa etno hag, hit hinesanggo holtuk ahebon halug hinim-at, “Dulum manu-o,” ulug uruk amuk-o. Eke hit ik ilukon etno obok haruk ahebon halug, manu-o. Hinindi ebetlug ik ilukon etno werlek-at holao fano at-o.