Matius 11:26 - Allah Wene Hurumbik Keron

²⁶ Haren hahien isaruk wilil, fuloko imbisaruk atikinteg yig isa­rikin-o.

Matius 11:26 ပူးပေါင်းရင်းမြစ်များ

Lukas 10:21

Eke fobik At Yesus etno Roh Kudus etno indimu kuruk apagma, ahien anggolo haruk apareg, uruk wilil, “Nikni-o, Hat hebe boholma kweanma Inowe suon welahen-o. Ariroho wilil, Haren it ap An niluk ulug inahla burukon epmano yig isao sohorep isalug, it inapelehon epmano yanggul isarikin ari famen wa ulug yig hituk ahi-o, Nikni. Haren hahien isaruk wilil, fuloko imbisarikinteg yig isarikin-o.

Lukas 22:42

“Nikni-o, An ik sihon sohorluk fam honanggoma niog ulug suruk ahion du Hat hahla bulug elehepfin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Lukas 23:34

Imbisaruk apagma, At Yesus etnowen uruk wilil, “Nikni-o, it ap An dag seko nombahakeson duma keroho suruk ahe ulug inindi ebereheg eleg yuhun-at suruk du, Haren inobam inapelegsoho hapma imbisin-o,” ulug ebag. Uruk apagma, it epmanowen At asum etno fuloko huluog ulug helep esag esag suruk apareg, fuloko holebag.

Yohanes 11:41

Yig ituk apagma, it epmanowen helep sok larehon etno husoko wilipfebag. Wilipfuruk apagma, At Yesus etno ilanggen kolap haruk apareg, uruk wilil, “Nikni wa, An nune yig hituk nealug, Hat hesanggo holtuk ahen-o.

Yohanes 12:27

Eke fobik At Yesus etnowen uruk wilil, “Kidia nindi dag aha ari, keroho ik-o? Ari halug, Anden Nikni-o, An nowabukon etno Haren elehapsin-o, ulug ariroho yig irik ano? Ari eleg-o. An nebe etno nowabukag ulug-at o kweanma duma ambik waharikik-o.

Yohanes 12:28

Ariroho ambik waharikikseg fam, Hat hinuk-at suontepfukag ulug sin-o Nikni,” ulug ebag. Uruk apagma, boholmen une misig yig ituk wilil, “Bilin An ninuk suontepfukag ulug suruk atikik etno hag, suontepfukag ulug suruk aruhuk-o,” ulug ebag.

Roma 9:18

Eke ari halug, At Allahen it aphe du inabua isahuk-o, ulug ahla buruk atlug inabua isaruk-o. Eke it nin du hag inindi arikep isahuk-o ulug ahla buruk atlug inindi arikep isaruk-o.

Efesus 1:11

Eke At Allahen yi angge di angge ariroho seg aruhu ulug ahla bebahon etno ilitoho-at seg aruhu-o. Eke At Allah bilin ahla buruk apareg, ariroho suhuk ulug ahla buruk wilil, it inebe dia Inowe At Kristus welaruhu-o, ulug At Allah udaki welamag ulug Aren fuloko ninombisahabag-o.

Efesus 1:9

Eke ariroho suruk apareg fam, At Kristus eyabuk suruk etno fam an nahla buruk ahion etno suhuk-o, ulug bilin herako neken ahla bebahon oke, fobik nit niniluk amag ulug dindiloko yig nisebag-o.

Efesus 3:11

Eke At Allahen ariroho suhuk ulug o kweanma awan wal haruk eleg wilil ahla buruk apareg, At Ninowe Kristus Yesus lahapfik wapag etno fam, At ahla bebahon epmano obog ilitoho-at sebag-o.

2 Timotius 1:9

Eke At Allahen ninili warisireg, hit an nudaki welamuhuben ulug wol ninaptisi-o. Wol ninaptisi ari, niren fano suruk nisalug, wol ninaptisi fug-o. Eke At ahla bulug-at ninabua nisaruk wilil, wol ninaptisi-o. Eke o kweanma duma awan wal haruk eleg wilil, At Yesus Kristus inuk fam ninabua nisebahon oke,