Matius 11:25 - Allah Wene Hurumbik Keron

²⁵ Eke fobik o ari sambit At Yesusen uruk wilil, “Nikni-o, Hat hebe boholma kweanma Inikni suon at welahen-o. Ariroho wilil, Haren it ap An niluk ulug inahla burukon epma­no yig isao sohorep isalug, it inapelehon epmano yanggul isa­ri­kin ari famen wa ulug yig hituk ahi-o, Nikni.

Matius 11:25 ပူးပေါင်းရင်းမြစ်များ

Matius 16:17

Yig ituk apagma, At Yesusen yig ituk wilil, “Simon Yunus amloho wai, At Allah ahien hobam umburuk hihi-o, haren demat ariroho ehen ari, ap misihen yanggul hitukmu ehen fug-o. An Nikni boholma werehon etnowen hat hakeleg yig hitukmu ehen-o.

Matius 21:16

Inambit haruk apareg, At Yesus etnowen yig isaruk wilil, “It udag duen urukon du Hat hesanggo holtuk ahen ano?” ulug yig epag. Ariroho yig ituk apagma, At Yesus etnowen yig isaruk wilil, “An arat nesanggo holihi-o. Ariroho holihion oke, eke wene misig du, ‘It udag dot inanggohon etno inim, eke it udag fuangge etno inimen An ninuk suontepfukag ulug yanggul isarikin-o,’ ulug wene ebahon etno wane sirikip fureg uruk ahep ano?” ulug yig isebag.

Lukas 22:42

“Nikni-o, An ik sihon sohorluk fam honanggoma niog ulug suruk ahion du Hat hahla bulug elehepfin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Lukas 23:34

Imbisaruk apagma, At Yesus etnowen uruk wilil, “Nikni-o, it ap An dag seko nombahakeson duma keroho suruk ahe ulug inindi ebereheg eleg yuhun-at suruk du, Haren inobam inapelegsoho hapma imbisin-o,” ulug ebag. Uruk apagma, it epmanowen At asum etno fuloko huluog ulug helep esag esag suruk apareg, fuloko holebag.

Yohanes 11:41

Yig ituk apagma, it epmanowen helep sok larehon etno husoko wilipfebag. Wilipfuruk apagma, At Yesus etno ilanggen kolap haruk apareg, uruk wilil, “Nikni wa, An nune yig hituk nealug, Hat hesanggo holtuk ahen-o.

Yohanes 12:27

Eke fobik At Yesus etnowen uruk wilil, “Kidia nindi dag aha ari, keroho ik-o? Ari halug, Anden Nikni-o, An nowabukon etno Haren elehapsin-o, ulug ariroho yig irik ano? Ari eleg-o. An nebe etno nowabukag ulug-at o kweanma duma ambik waharikik-o.

Yohanes 12:28

Ariroho ambik waharikikseg fam, Hat hinuk-at suontepfukag ulug sin-o Nikni,” ulug ebag. Uruk apagma, boholmen une misig yig ituk wilil, “Bilin An ninuk suontepfukag ulug suruk atikik etno hag, suontepfukag ulug suruk aruhuk-o,” ulug ebag.

Kisah Para Rasul 17:24

Eke At Allahen o kweanma duma inim, eke yi angge di angge obog inim wal hebareg, At akeleg boholma kweanma Ninikni weregma, eke it apheyen o usama-at wereg ambeg ulug faltuson etno fam wereg eleg-o.

1 Korintus 2:10

Ariroho ninombisaharuk apareg, fobik At Roh Kudus etno fam yanggul nisebag. Eke At Roh Kudusen yi angge di angge obog alem heaharuk wilil, At Allah indi undamen ahla burukon etno inim-at alem heaharuk wereg-o.

2 Korintus 3:14

Ariroho suruk apareg fam, kidia it Yahudi aphe inahla burukon epmano sok lareg neken wereg-o. Eke at Musa olohore sum sambuntepatebag etno hag, it Yahudi ap kidia hurumbik amukon holal baleg etno wane suruk wilil sum sambunteg wereg etno fam inilanggen hupnig neken wereg-o. Ariroho wereg oke, At Kristus awene etno-at waruk isalug, sum sambunteg neken werehon etno eleg atuk-o.