Matius 11:21 - Allah Wene Hurumbik Keron

²¹ “Hit Korasim Bet­saida ap du hinabua-o. An bilin sukfugangge­roho hit hinanggelegmen suruk atikikon etno o Tirus Sidonen suruk atlemen, amuk it aphe epmen dag surukon etno sohorep isehe ulug, sum ahe dahon wanteheg, eke ul inung­gulu­agma ombateheg selep-o.

Matius 11:21 ပူးပေါင်းရင်းမြစ်များ

Matius 11:22

Eke At Allahen inaren baluhu ari sambit it Tirus Sidon aphe inabuaroho imbisaruk wilil, hit hag war hinabuhu-o, ulug yig hisihi ari hinindi ebetuk amiek-o.

Matius 15:21

Eke fobik At Yesusen o epmano sohorep isalug, o Tirus Sidon epmano lebag.

Matius 18:7

Yi angge di angge epmano fam it aphe dag sukag ulug wereg ari, it o kweanma duma inabua-o. Eke it aphe ninen eke it nin dag sukag ulug inindi kahalik wamuhubon oke, it ariroho suhubon ari inabua-o.

Matius 26:24

ulug yig isaruk apareg, eke fobik yig isaruk wilil, “An Allahen minduhup naharision etno holal amuk balfag etno ilitoho-at wararuhuk oke, eke An Allahen minduhup naharision etno nowabukag ulug yonggo laruk du abua-o, ap ari endag atlep fugmen fano-o,” ulug yig isebag.

Markus 3:8

eke o Yudeaon inim, eke o Yerusalemon inim, eke o Idumeaon inim, eke o ik Yordan ik le femag epmanowon inim, eke o Tirus Sidon o ahik ya da epmanowon inim obog-at ombolim lebag. Eke it epmano Aren fano inabil waha-o, ulug urukmu, inesanggo holtuk apareg, it obog At ambeg wonggalik lebag.

Markus 6:45

Orom roti etno arat naruk apagma, At Yesusen it aphe epmano lahap isaruk apareg, At omini epmano yig isaruk wilil, “Hit hinebe bilin ikma so fam epma kuruk atlihipseg, ik femag o Betsaida epmano laruk amiek-o,” ulug yig isebag.

Markus 7:24

Eke fobik o epmano sohorep isalug, o Tirus etno wapag. Waharuk apareg, o misig kebareg epmano wilil, “An enggag nea nowen aphe yig isa fug-o,” ulug yig isebahon oke, selegma-at weregma inilanggen enggag hebag.

Markus 7:31

Eke fobik At Yesus etno o Tirus sohorep isalug, o Sidon lebag. Laruk apareg, epmanowen o ahik misig inuk Dekapolis etno ya keheg laruk apareg, ik Galilea ayegma lebag.

Markus 8:22

Yig isaruk apareg, eke fobik o Betsaida lebag. Laruk apagma, it aphe epmanowen ap ilanggen buhon misig walug, At ambeg imbik waharuk apareg, kino yig ituk wilil, “Ap du obam hinggik sen himin-o,” ulug yig epag.

Lukas 4:26

at hwe o Sidon Sarfat hwe suhwe welapahon etno ambeg-at lahabik wapag-o.

Lukas 6:17

Eke fobik At Yesus etno omini dua belas inim bunumu epmanowen ambik waharuk apareg, omini nin anggolo inim o sili fanoroho kaho ambeg etno welapag. Weregma, it aphe obog o Yudea o ahik ya da epmanowen eke o Yerusalemen, Tirus Sidon ik laut suon ayegma werehon epmano inim,

Lukas 9:10

Eke fobik At Yesusen omini mondep isebahon epmano iniog suhuluk waharuk apareg, iren sil nuruk apahon epmano obog dindiloko At Yesus etno yig epag. Yig ituk apagma, At Yesusen og inaplug, inakeleg-at o misig inuk Betsaida etno lebag.

Yohanes 1:44

Laruk apareg, at Filipus etno ibam o Betsaida, it Andreas, Petrus inibam etno weregma ilanggen hebag. Ilanggen haruk apareg, yig ituk wilil, “Hat ninim lulen ma-o,” ulug yig epag.

Yohanes 12:21

Wamuog ulug, at Filipus ibam Betsaida Galileaon etno ambeg waharuk apareg yig ituk wilil, “Ninomin-o, nit kidia At Yesus ninilanggen huog ulug wahe-o,” ulug yig epag.

Kisah Para Rasul 12:20

Eke fobik at Herodes etno it Tirus Sidon aphe inim healeg mondog weregma, it epmano wonggaltuk apareg, at Herodes ambeg luog ulug suruk apag. Ariroho suruk apareg, at Blastus Herodes ibam aso werehon etno inim dambultuk apareg, Herodes ambeg lebag. Laruk apareg, yig ituk wilil, “Hat hibamen nintul nantul ninaharom og nisa waharuk isalug, hat ninim healeg welahe ari sohorep isalug, ninim dambuksoho welamuk-o,” ulug yig epag.

Kisah Para Rasul 27:3

Waharuk atukukseg, kwalema so fam noholug, o Sidon etno waharukuk. Waharuk atukukseg weregma, at Yulius etnowen Paulus obam ahien haruk wilil, hat so famen homini inambeg wilip atlug, iren yi angge di angge og hemagsoho lamihin-o ulug yig ituk atisimu, inambeg laruk atisireg, nit at etno ninim fobik so fam kurukuk.

Yudas 1:11

It ap epmano at Kain onggalem etno-at laruk-o. Eke alem uang etno fam at Bileam sebag etno hag suruk-o. It ap epmano at Korah uwa ebagma wapag etno hag war inabuhu-o.

Wahyu 11:3

Eke it ap biren An nawene yig isaru­kon epmano lahap isahuk-o. Lahap isaruk aruhukmu it ap epmano sum ahe hahon supnig wilil, Allahen hurumbik fobik suhuon etno ininggik seri­bu dua ratus enam puluh fam wilil yig isaruk amuhup-o,” ulug yig nitisi-o.

Wahyu 6:12

Yig isaruk atusama, eke fobik At Wam Domba Udag etno holal baleg hele homahowon etno misig yumbuk surukmu harikik-o. Haruk atikikmu, fobik o yugul suon misig sirisi-o. Ariroho suruk atisimu, eke mo ilanggen mondog sinon aheg, eke bikalem ilanggen mep sahal aheg sirisi-o.