Matius 11:11 - Allah Wene Hurumbik Keron

¹¹ at Yohanes it aphe kweanmen endohowon etno obog inowe neken wereg oke, it aphe At Allah weregmen sukon wene inesanggo holtukon etno inapma neken wereg-o. Ariroho weregma, hinindi ebetuk amiek-o.

Matius 11:11 ပူးပေါင်းရင်းမြစ်များ

Matius 11:10

Eke at ha larikibon ari, amuk At Allahen ahu­rum­bik uruk wilil, ‘Hat lawon holohotma kwalem yatuk amag ulug, bilin Anden An Namloho misig lahapfuhuk-o,’ ulug At Allahen bilin Yohanes ahurumbik ebag etno fam,

Matius 11:12

Eke at Yohanesen bilin wene yig isaruk atisireg fam, it ap inasineyen At Allah weregmen sukon etno dahap ise­heg, apmarepfeheg suru­sa-o.

Matius 3:1

At Yohanes aphe ikma belap inaptukon etno o Yudea limu aphe eleg ambeg epmano laruk apareg, Allah wene yig isaruk apag.

Matius 3:11

Eke anden hinindi wereg amag ulug ikma belap hinaptuk ahion oke, eke At an nombolim waruhuon etno, At suon an doron ulug iog eset Aren angge walug lao ari an nakol-o. At etno­wen Roh Kudus og hisaruk wilil, hondok ambulpul neken hinobam belabik waruhu-o.

Matius 5:19

Eke wene duroho suruk amuk eke duroho suruk am fug ulug ebahon etno alem misig sohorep isalug aphe ariroho-at yanggul isarukon halug, boholma Allah weregmen At inuk dorontepfuhu-o. Eke wene duroho suruk amuk eke duroho suruk am fug ebahon etno ilitoho seheg, aphe fanoro­ho yanggul iseheg suruk halug, boholma Allah weregmen At inuk suontepfu­hu-o.

Lukas 1:15

Eke at ebe Allah il fam ap suon-at welaruhu-o. Ariroho wilil, e anggen ambusu nenek surukon etno nenggeg eleg-at welaruhu-o. Ari at endohoma, At Roh Kudus at indimu-at welaruhu-o.

Lukas 7:28

at Yohanes it aphe obog inowe neken wereg oke, it aphe At Allah weregmen sukon wene inesanggo holtukon epmano inapma neken wereg-o. Ariroho weregma, An demat yig hisaruk ahi-o,” ulug At Yesusen yig isebag.

Lukas 9:48

yig isaruk wilil, “It udag nin ariroho-at An ninuk baloko og inaptuk amuhupseg, heahi war inaptuk hisalug, An nebe-at og nabuhup-o. Eke An nebe og nabuhup halug ari, At lahap nabik waharision etno At wahup-o. Eke ap misig hinanggelegmen seberepataruk halug, fobik suon welaruhu-o,” ulug yig isebag.

Yohanes 1:15

Ariroho weregma, eke fobik at Yohanesen hurumbik etno une suontoho yig isaruk wilil, “An nebe endag atuk elegma, At suon welapahon etno fobik nombolim waruhu-o, ulug yig hisarikikon epmano, At ebe du farim yig hisaruk atikik-o,” ulug yig isebag.

Yohanes 1:27

Ari halug, At ebe fobik an nombolim waruhuon oke, At iog ahul hele homahowon etno an ap doronen hibiluk ari nakol-o,” ulug yig isebag.

Yohanes 10:41

Epmano weregma, it yi aphe di aphe obog At ambeg wonggalik waharuk apareg uruk wilil, “At Yohanesen bilin sukfuganggeroho suruk atisi fuhon oke, ap du ahurumbik yig nisaruk atision etno demat hehe-o,” ulug uruk apareg,

Yohanes 3:30

Eke At inuk hag suontepfuruk wilil, an ninuk seberepfuk ari fano-o,” ulug yig isebag.

Yohanes 5:35

Eke at Yohanes etnowen eral fisaho etno hag fisatukmu, seleg atisi-o. Eke aren o seleg etno yanggul hisarukmu, hit bikalem biren henahan neken-at hinahien harikip-o.

Yohanes 7:39

Eke At Yesus etno ebe suon welamag ulug awan minduhupfuruk elegma, Roh Kudus etno og isebag fuhon oke, it At obam ebetuk apahon etno dulum-at og hisahuk ulug abug yig isebag-o.

1 Korintus 15:9

An nebe etno wene yig isil nuruk amag ulug mondep nahabahon-at oke, nebe doron-at welahi-o, eke anden it Allah udaki mug isaruk seyahon epmano wereg heheg, an nebe mondep nahebahon ulug yig num ari nenggali haruk ahion oke,

1 Korintus 6:4

Eke dumen alem surukon misig wereg atuk halug, it ap Allah udaki hinanggelegma wilil, kimbu neken buruk ahebon epmano dindiloko yig isaruk ahep ano?

Efesus 2:3

Eke bilin Allah wene ninapeleg wilil, ninim ilitoho-at welatukuk-o. Ariroho wilil, ninakelehen yuhun-at seheg, eke ninebe kweanmon-at wilil ariroho suk ulug ninahla buruk atukukon epmano-at seheg suruk atukuk-o.

Efesus 3:8

Eke an nebe it Allah udaki epmano inahla mondog doron-at seberoho welahion oke, it Allah wene inapeleg welatuson epmano wene fano wene yig isil lawag ulug minduhup naharisi-o. Eke anden yig isaruk wilil,

2 Timotius 1:10

eke kidia At Yesus Kristus ninili warukon etnowen At Allahen hinabua hisaruk-o, ulug dindiloko yig nisarisi-o. Ariroho wene fano wene etno yig nisaruk wilil, hiniluk welamon wene etno yig hisaruk ahi-o, ulug yig nisarisireg fam, waratukon alem etno elegsoho imbirisi-o.

Ibrani 11:40

Eke At Allahen at misig ahurumbik yig isebahon etno nit kidia welahe du fam lawag ulug ahla bebag-o. Ariroho ahla bebareg fam, it aphe bilin hurumbik yig isebahon epmano atog neken nit-at welahe-o.

1 Petrus 1:10

Eke hinindi fanoroho hinombisahukon etno amuk it nabi aben inindimu ebetuk apareg, At Allahen og hisahu ulug hurumbik ebag.