Matius 10:5 - Allah Wene Hurumbik Keron

⁵ Minduhup isaruk apareg, eke fobik At Yesusen lahap isiog ulug inesanggo watuk wilil, “Hit o Samaria epma, it Allah wene waruk elehon wereg ambeg epmano la fug-o.

Matius 10:5 ပူးပေါင်းရင်းမြစ်များ

Matius 22:3

Ariroho suruk wilil, at omini epma­no ninim nulen wamag-o ulug at anggimbu epmano inayonggo aliek ulug lahap isebahon oke, it ap epmanowen esoho ninim nao ninam­bit-o, ulug bok apag-o.

Matius 4:15

Eke at Yesaya etnowen bilin yig isaruk wilil, “O Zebulon eke Nafta­li, laruk ambeg kwalem, eke ik Yor­dan ayeg oholuk fil epmano inim, it aphe o Gali­lea were­hon epma­no inim,

Markus 6:7

Eke fobik At Yesusen omini dua belas epmano yig isaruk wilil, “Hit An nambeg wonggalik maniek-o,” ulug yig isaruk apagma, wonggalik wapag. Wonggalik waharuk apagma, At etnowen inebe biren biren dombog heheg lahap isaruk wilil, setan aphe inindimu weregma, lisoko wilip inabukag ulug oag werehon etno og isebag.

Lukas 10:1

Eke fobik At Ninowe etnowen ap inebe tujuh puluh dua fuloko imbisaruk apareg, inebe biren biren dombog heheg, o At lao ambeg epmano it bilin laruk amag ulug lahap isiog ulug yig isaruk wilil,

Lukas 10:33

Laruk apagma, eke at ap Samaria ap misig kwalema waharuk wilil, ap etno ilanggen haruk apareg, indi famen ahmu haruk wilil, ambeg lebag-o.

Lukas 17:16

Suhuluk waharuk apareg, At Yesus ambeg wapag, waharuk apareg kunuksoho horie epag. Horie uruk apareg, wa ulug yig epag.

Lukas 9:1

Eke fobik At Yesusen omini dua belas epmano wonggalik wamag ulug wol isaruk apareg, yig isaruk wilil, “Hiren it aphe setan inindimu kurukon lisoko wilip iseheg, eke it uk warehon fano inabeheg sukag ulug hinoag weregsoho hinombisahaki-o,” ulug yig isebag.

Lukas 9:2

Yig isaruk apareg, iren At Allah weregmen sukon wene etno yig iseheg, eke it uk warehon epmano fano inabeheg sukag ulug lahap isebag.

Yohanes 17:18

Eke Haren An nebe o kweanma duma lahap nabik waharikin etno hag, Anden it inebe o kweanma duma lahap isa waharikik-o.

Yohanes 20:21

Inahien haruk apagma, At Yesusen fobik inim yig isaruk wilil, “Nomini wahinaniog. At An Niknien An nebe lahap nabik waharisi etno hag, Anden hit lahap hisa wahi-o,” ulug yig isaruk apareg,

Yohanes 4:20

Eke it ninetamuki Samaria ap epmano bilin dom du fam sembahyang uruk apahon oke, hit Yahudi aben yig nisaruk wilil, ‘O Yerusalemen-at sembahyang uruk amuk-o,’ ulug yig nisaruk ahep-o,” ulug yig epag.

Yohanes 4:5

Waharuk apareg, o sili misig inuk Sikhar etno wapag. O Sikhar etno wen amig misig amuk at Yakuben amloho Yusuf og epag ambeg etno horog-at welapag.

Yohanes 4:9

It epmano arat lebareg wereg iseheg, at Samaria hwe etnowen Yesus etno yig ituk wilil, “Hat it Yahudi ap-at oke, an Samaria hweap nambeg ik naminen honang nimin ulug yig nituk ahen ari keroho ulug uruk ahen-o?” ulug yig epag. Ariroho yig epag ari, it Yahudi ap inim, it Samaria ap inim ik oag misihon fam dambuksoho naruk apag fug etno fam ariroho yig epag.

Yohanes 7:35

Ariroho yig isaruk apagma, it Yahudi ap etnowen irit uruk wilil, “At ap duen hiren An heag nabuhup fug ulug yig nisaruk du, At ebe kema liog ulug uruk-o?

Yohanes 8:48

Ariroho yig isaruk apagma, eke it Yahudi ap etnowen yig ituk wilil, “Niren hat hebe Samaria ap wilil, setan hindimu welahen ulug yig hitukuk etno demat yig hitukuk hehe-o,” ulug yig epag.

Kisah Para Rasul 1:8

Hinapelegsoho weregma, Roh Kudus oag werehon etno hinobam belabik waruhumu, hit An nawene-at yig isil nuruk amuhup-o. O Yerusalem, Yudea, Samaria inim, o kweanma obog yig isil nuruk amuhup-o,” ulug yig isebag.

Kisah Para Rasul 10:45

Belabik waharuk apagma, at Petrus inim, eke it Yahudi ap o Yopeyen inim wapahon epmano inimen, “Wi, it aphe duma Yahudi wene etno inapelehon oke, At Allahen Roh Kudus og isaruk-o,” ulug fog suruk apag.

Kisah Para Rasul 8:1

Waratuk apagma, eke at Saulus etnowen fano warehesa-o ulug ahla bebag. Eke at Stefanus etno waratuk apagma,

1 Tesalonika 2:16

Ariroho wereg ari, it ap Allah wene inapelehon epmano wene inili wawon etno niren yig isa nowen ulug nit bok amag ulug surusa-o. Ariroho surusa ari, iren nintul nantul dag suruson epmano atog ilitoho neken suruk atusama, kidia At Allah asine inobam mondog wereg-o.