Matius 10:4 - Allah Wene Hurumbik Keron

⁴ eke Simon, ap Kanaon etno inim, eke Yudas Iskariot, fobik Yesus senebukag ulug yonggo lebahon etno inim, it epmano obog-at minduhup isebag.

Matius 10:4 ပူးပေါင်းရင်းမြစ်များ

Matius 26:14

Yig isaruk apagma, At Yesus omini inebe dua belas at misig inuk Yudas Iskariot etnowen it Allah unde suon epmano inambeg laruk apareg,

Matius 26:15

yig isaruk wilil, “Anden At Yesus ebe senebukag ulug og hisaruk nealug, hiren an onggo nongge og nitlihip-o?” ulug yig isaruk apagma, eke it etnowen uang anggen perak etno ebe tiga puluh waneroho og epag.

Matius 26:2

“Nininggik biren welamuhukseg, esoho inuk Paskah esebuhuk etno hiniluk-o. O ari fam An Allahen minduhup naharision etno e fam lenggaloko nombahalug warep nahukag ulug og isahup-o,” ulug yig isebag.

Matius 26:47

Awan yig isarukmu, at Yudas bilin omini dua belas neken inim sil nuruk apahon etno wapag. Waharuk apareg, it Allah unde suon etno inim, eke it Yahudi ap inowesi suon epmano inimen ap karog inim, yikangge inim unde werehon etno inim lahap isa waharuk apagma, at etno inim wapag.

Matius 27:3

Eke fobik at Yudas Yesus senebukag ulug yonggo lebahon etnowen At Yesus oag deloko wabuog ulug surukmu isaruk apareg, at etno indi dag atuk wilil, uang anggen tiga puluh etno it ap Allah unde suon inim, eke it Yahudi ap inowesi epmano inim oag og isiug ulug suhuluk lebag.

Markus 14:10

Yig isaruk apagma, At Yesus omini inebe dua belas at misig inuk Yudas Iskariot etnowen it Allah unde suon epmano inambeg senebukag ulug yonggo lebag.

Markus 14:43

Awan yig isarukmu, at Yudas bilin omini dua belas neken inim sil nuruk apahon etno wapag. Waharuk apareg, it Allah unde suon epmano inim, it wene baleg unde epmano inim it inowesi epmano inimen ap karog inim, yikangge inim unde werehon etno inim lahap isa waharuk apagma, at etno inim wapag. Inebe awan wamuog ulug suruk wilil, bilin at Yudas etnowen ininggik ariroho seneriuk-o ulug yig isebag.

Lukas 22:3

Eke fobik At omini dua belas epmano misig inuk Yudas Iskariot soalfahon etno at setan indimu kuruk apagma,

Lukas 22:47

Awan yig isarukmu, it ap dohaleg epmano wapag. Waharuk wilil, at Yudas bilin omini dua belas neken inim sil nuruk apahon etno kwalem yanggul isil bilin waharuk apareg, aren Yesus mitig hiog ulug suruk apagma,

Yohanes 13:2

Ariroho wilil, eke fobik At Yesus omini epmano inim inaharom hupmu angge nuog ulug horie ebag. Horie uruk apagma, at iblis etnowen at Yudas, Simon Iskariot amloho etno indi kahaltuk wilil, haren At Yesus senebukag ulug yonggo lamihin-o, ulug indi kahalfag.

Yohanes 6:64

Ariroho yig hisihion oke, hit ninen eberoko waruk ahep fug-o,” ulug ariroho yig isebag ari, At Yesusen bilin ahla buruk wilil, it ap duen wene yanggul isaruk ahion epmano eberoko wahup fug-o. Ariroho wao sohorep isalug, at misig duen An nowabukag ulug inayonggo lahu-o, ulug ahla buruk wilil, iluk mondog welapag.

Yohanes 6:71

ulug ariroho yig isebag ari, at Yudas, Simon Iskariot amloho etno farim-at yig isebag. Eke at Yudas etno Yesus omini dua belas-at oke, At ebe wabukag ulug inayonggo lebag etno fam, ariroho inayonggo lahu ulug iluk wilil yig isebag.

Kisah Para Rasul 1:13

Amburuk apareg, it wereg ambeg inibam umbo epmano lahabag. Lahabareg weregma, it Petrus, Yakobus inim, eke it Yohanes, Andreas inim, eke it Filipus, Tomas inim, eke it Bartolomeus, Matius inim, eke it Alfeus amloho Yakobus, Simon inuk misig Zelotes etano inim, eke at Yakobus ot Yudas etno inim obog dambuksoho welapag.

Kisah Para Rasul 1:25

Ariroho yig nisaruk apmihinmu, at Yudas akeleg sirisireg waratision etno ubulukmu ninim yig isil nuruk amuhuken minduhupfulen-o,” ulug sembahyang ebag.