Matius 10:33 - Allah Wene Hurumbik Keron

³³ Eke it obohen an Yesus napeleg-o, ulug selegmaroho uruk elehon halug, Anden At Nikni boholma werehon etno il fam it ap du An napeleg-o, ulug ariroho uhuk-o,” ulug At Yesusen yig isebag.

Matius 10:33 ပူးပေါင်းရင်းမြစ်များ

Markus 14:30

eke At Yesus etnowen yig ituk wilil, “Ariroho ehenon oke, o sono ilikia sue ayam une birenam awan uruk eleg heheg, henahanam An ebe napeleg uhun-o, ulug yig hirihi ari An demat yig hirihi-o,” ulug yig ituk apagma,

Markus 14:72

sue ayam une birenam uruk apagma, at Petrus etno Yesusen bilin yig epahon etno indi ebetuk wilil, “Sue ayam une birenam iog ulug suruk heheg, hinggik henahanam An ebe napeleg-o ulug uhun-o,” ulug yig epahon etno indi ebetuk apareg, epmanowen wilip apag. Wilip atuk apareg, ioba yatuk apag.

Markus 8:38

Eke fobik it aphe duma narlog harlog seheg, yi dag di dag seheg suruk iseheg, hit hinim-at wilil An nawene etno yig isao hinenggalien sohorep isaruk amuhup halug, fobik An Allahen minduhup naharision etno it boholma malaikat epmano ninim At An Nikni etnowen ninalontoho lahap nisa waharuk aruhumu, Anden hinili wao sohorep hisahakuk-o,” ulug yig isebag.

Lukas 12:9

Eke it obohen an Yesus napeleg-o, ulug selegmaroho urukon halug, An Allahen minduhup naharision etno it Allah malaikat inil fam ap du napeleg-o, ulug ariroho uhuk-o.

Lukas 22:57

at Petrus etnowen yig ituk wilil, “Hwe du, At ebe an napeleg-o,” ulug yig epag.

Lukas 9:26

Eke hit An ninuk inim, An nawene etno inim yig isao hinenggalien sohorep isaruk amuhup halug, fobik An Allahen minduhup naharision etno An Nikni inim, it boholma malaikat epmano inim ininuk suon wereg etno hag ninuk suontep naharuk amuhupmu, Anden hinili wao sohorep hisahakuk-o,” ulug yig isaruk apareg, eke fobik yig isaruk wilil,

2 Timotius 2:12

Eke it ninen dahon etno ninobam umburukmu, ninahla bugsoho welamuhuk halug, At ninim-at suon welamuhuk-o. Eke At ebe ninapeleg uruk nisalug, Aren hit hinebe an napeleg ulug yig nisahu-o.

2 Petrus 2:1

Nomini-o, amuk nabi ap inenggal ebahon it aphe inenggal neken yig isebag etno hag, it inenggal urukon epmano hinambeg watlug yig hisa wamuhup-o. Yig hisa wamuhupseg, wene inenggal uruk wilil, At Ninowe seberepfuruk amuhupseg, inonggareg inebe-at suontepatahup-o.

1 Yohanes 2:23

Eke ap misihen, At Allah Amloho ebe eleg hihi-o, urukon halug, Ikni Allah ariroho-at ebe eleg ulug uruk-o. Eke ap misihen Allah Amloho indimu ebetukon halug, Ikni Allah ariroho-at ebetuk-o.