Matius 10:28 - Allah Wene Hurumbik Keron

²⁸ It apheyen inebe war inaptuk oke, inahut war inaptuk elehon etno hinakol isa fug-o. Eke At Allahen inebe inim inahut inim o dagma imbisahuon etno hag hinakol haruk amiek-o.

Matius 10:28 ပူးပေါင်းရင်းမြစ်များ

Matius 10:26

Eke At Yesusen yig isaruk wilil, “Hit aphe hinakol isa fug-o. Yi angge di angge herahoma werehon epmano fobik selegma aruhu-o. Eke yi angge di angge inindimu herako werehon epmano it aphe obog iniluk amagsoho yig isahup-o.

Matius 25:46

Ariroho yig isaruk aruhukmu, it epmano o hondok olokma initog mondog welam ambeg epmano-at lahup-o. Eke it inobabut fanowon epmano hag, o fanoma iniluk mondog welamuhup ambeg epmano-at lahup-o,” ulug yig isebag.

Matius 5:22

Hini­luk welatikipseg oke, eke Anden yig hisa­ruk wilil, ‘At ap misi­hen alem eleg heheg omin misig indi olok atuk halug, oag del­tuk aruhu-o.’ Eke at misihen, ‘Nomin du nambit-o,’ ulug yig ituk halug, aphe dohaleg inahlen oag deluhup-o. Eke at misihen, ‘Nomin du waramag-o,’ ulug yig ituk halug, hondok olokma umbu­hu-o.

Yohanes 5:29

Minatuk amuhupmu, it fano suruk atuson halug, iniluk welamon etno-at holawag ulug minduhup isahuk-o. Eke it dag suruk atuson halug, o dagma welamon etno-at holawag ulug minduhup isahuk-o,” ulug yig isebag.

Kisah Para Rasul 21:13

Yig ituk atukukmu, eke aren yig nisaruk wilil, “Hit nongge farim an nobok yatuk wilil, nindi dahap suruk ahep? An Yesus inuk fam weregma, it o Yerusalemen hele war nabuk fano at-o. Eke nebe nowabuk halug fano at-o,” ulug yig nisaruk atisireg,

Ibrani 10:31

Ariroho ebareg fam, At Allah iluk werehon etno inggiken war hinabuk ari hinakol haruk amuk-o.

Ibrani 11:35

Eke it hweap nin epmano inindi demat ulug ebetuk iseheg, inudaki iniknisi inisasi war apahon epmano iniluksoho minduhup isaruk apareg, fobik og isebag. Eke it aphe nin epmano hag, ninebe fanoroho minduhup nisahaku ulug inahla buruk iseheg, it ninen hele war inaptuk wilil, “Hinili og hinabuk ano?” ulug yig isaruk apagma, it epmanowen, “Eleg-o,” ulug uruk apareg, warapag.

Yakobus 4:12

Ariroho wilil, At Allahen-at o dagma imbiseheg, eke o fanoma imbiseheg suruk-o. Eke hit hat hinomini inobam denggeltuk ahep du, an suon ulug, hinahla buruk wilil suruk ahep ano?

1 Petrus 3:14

Eke fano suruk hisalug, it ninen dahon hinobam umburukmu, fanowon-at og hisahu-o. It aphe hinakol eleg wilil, hinindi seneni ebebuk fug-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.