Matius 10:23 - Allah Wene Hurumbik Keron

²³ Eke hit hinebe o misihen hinusuog ulug suruk isalug, sohorep isalug o misig hite alu-o. Eke At Allah Amloho awan waharuk eleg heheg, yabuk o Israel epma suhup-o, ulug An demat yig hisaruk ahi-o.

Matius 10:23 ပူးပေါင်းရင်းမြစ်များ

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Matius 16:28

Eke misig du hinindi ebetuk amiek-o. Hit aphe nin duma welahebon epmano waraheg eleg hiniluk wilil, An Allah Amloho suon waharukmu hinilanggen neahup-o,” ulug yig isebag.

Matius 2:13

Inibam lebareg weregma, at Yusuf nohoruk wilil i og hebag. I og haruk wilil, at Allah malaikat etnowen yig itukmu i og hebag. At Allah malaikat etnowen yig ituk wilil, “Hat hebe minatlug, Udag ari isina inim og inaplug o Mesir herako alu-o. Epma weregma, eke anden yig hituk nealug suhuluk hinibam waru­hun-o. At Herodes etnowen Udag ari ebe wariog ulug heahil waru­hu-o,” ulug yig itukmu i og hebag.

Matius 23:34

Ari halug, Anden yig hisamin-o. Anden it nabi ap inim, it ap inindi enggaron inim, eke it yanggul isarukon epmano inim hinambeg lahap isahukmu, hiren nin warep iseheg, it nin e fam lenggalep isalug paku waroko imbiseheg, eke it nin hit wene uruk ahep ambeg epmanowen hele lambisog war inabeheg, eke it nin o misihen muko wilip iseheg, o misihen wilip iseheg suruk amuhup-o.

Matius 23:36

Eke hit kidia welahebon epmano it inonggo war hinabuhu ari, An demat yig hisihi-o,” ulug yig isebag.

Matius 24:27

Eke o sehenyabog boholmen dulum-at yibatuk etno hag, An Allahen minduhup naharision etno hetnogsoho waruhuk-o.

Matius 24:30

Ariroho suruk heheg, An Allahen minduhup naharision etno waharuk ulug inahla bukag ulug boholmen sukfugangge misig etno suhu-o. Suruk aruhumu, it yi aphe di aphe kweanmon inungguluag obog-at ioba yatuk wilil, An Allahen minduhup naharision etno boholmen ambik waharukmu inilanggen neahup-o. Ariroho inilanggen neahup ari, An nebe suon nalon werehon-at hena famen ambik waharukmu inilanggen neahup-o.

Matius 24:34

Eke misig du hinindi eberiek-o, hit aphe duma welahebon du it nin awan waratuk eleg iseheg, hurumbik yig hisaruk ahion etno arat suhu-o, ulug yig hisihi ari An demat yig hisaruk ahi-o.

Matius 24:48

Eke at anggimbu misig obabut dahon etnowen, ahla buruk wilil, ‘An nikni etno kidia dulum waruhu fug-o,’ ulug ahla buruk atlug,

Matius 25:13

ulug At Yesusen yig isaruk apareg, eke fobik yig isaruk wilil, “Eke hit o ari fam waruhu, eke mo eta fam waruhu ulug hinapeleg halug, fikfag aso welamuk-o,” ulug yig isebag.

Matius 26:64

eke At Yesus etnowen yig ituk wilil, “Hat ehen ari, demat ehen-o. Eke misig du yig hisamin-o. O yoho du famen An Allahen minduhup naharision etno fobik At oag mondog werehon etno inggik bikit fil horieg welaruhukseg, hena famen ambik waharukmu hinilanggen yet neahup-o,” ulug yig isebag.

Matius 4:12

Eke fobik it ninen at Yohanes hele watusa-o, ulug urukmu At Yesus esanggo holtuk apareg, o Galilea wapag.

Markus 13:26

Ariroho suruk heheg, An Allahen minduhup naharision etno hena famen ambik waharuk wilil, suon nalon werehon-at ambik waharukmu hinilanggen neahup-o.

Lukas 18:8

Dulum-at yalmako imbisaruk aruhureg, inili wahu-o. Inili wahuon oke, fobik An Allahen minduhup naharision etno o kweanma duma ambik waruhukseg, it aphe An nobam ebetukon epmano inebe nilanggen isahuk ano, eleg ano?” ulug At Yesusen yig isebag.

Lukas 21:27

Ariroho suruk amuhupmu, An Allahen minduhup naharision etno hena famen ambik waharuk wilil, suon nalon werehon-at ambik waharukmu inilanggen neahup-o.

Yohanes 7:1

Eke fobik At Yesus etno o Galilea epmano ya keheg sil wapag. Ariroho sil wapag ari, it Yahudi aben ebe wabuog ulug suruk isalug, o Yudea etno lao amberaken o Galilea wapag.

Kisah Para Rasul 17:10

Eke o hup atuk atisimu, it inomini epmanowen Paulus Silas inim o Berea lahap isarusa. Lahap isaruk atusama, laruk atusareg, it Yahudi ap o Allah wene uruk ambeg etno kurusa.

Kisah Para Rasul 17:14

Waharuk atusama, at Paulus omini epmanowen ebe dulum-at ik laut ayegma lahapfuruk atusareg, it Silas Timotius inim o Berea etno welatusa.

Kisah Para Rasul 20:1

Wilip isaruk atisimu, inibam larusa. Laruk atusama, at Paulusen it Allah wene warukon epmano wonggal inaptuk atisireg, hinindi oag weregsoho welamuk-o, ulug heahi warep isalug, o Makedonia waharisi.

Kisah Para Rasul 8:1

Waratuk apagma, eke at Saulus etnowen fano warehesa-o ulug ahla bebag. Eke at Stefanus etno waratuk apagma,