Matius 10:22 - Allah Wene Hurumbik Keron

²² Eke An ninuk waruk hisalug, it obohen inambit hisahup-o. Inambit hisahubon oke, eke hiren hinindi bugsoho welamuhup halug, fobik hinili og hinabu­hu-o.

Matius 10:22 ပူးပေါင်းရင်းမြစ်များ

Matius 10:39

Eke ap misig onggarehen ili huliog ulug suhuon oke, hai aruhu-o. Eke ap misihen An nawene etno yig isil laruk wilil, onggarehen ili huliog ulug suruk eleg halug, fobik ilioko umbuhu-o,” ulug At Yesusen yig isebag.

Matius 24:13

Eke it fikfag seneg welamuhubon epmano o fobik atog arat atuk halug, inili wahu-o.

Matius 24:9

Yi angge di angge epmano suruk heheg, it ninen hit hinebe sen hinaplug yikangge war hinabukag ulug og iseheg, eke waroko hinombisahakeg suruk amuhup-o. Ariroho suruk wilil, hit hag An nawene eberoko wahup etno fam, it aphe kweanmon obohen inambit hisahup-o.

Matius 5:11

Eke hiren An ninuk yig isarukmu iren mug hinaplug laruk wilil, hinenggali war hinabeheg, eke hinobam denggeleheg, eke hinabug baleheg suruk isalug, wa.

Markus 13:13

Eke hit hag An nawene eberoko wahup etno fam, it obohen inambit hisahup-o. Inambit hisahubon oke, hit hinahla bugsoho wilil, hit wene etno o atog huli fam arat atuk heheg seneg welamuhup halug, hinili og hinabuhuk-o,” ulug yig isebag.

Lukas 21:17

Eke hit hag An nawene eberoko wahup etno fam, it obohen inambit hisahup-o.

Lukas 21:19

Ariroho suhu hiniluk wilil, hinindi oag weregsoho welamuhup etno fam hinebe hinili holahup-o,” ulug At Yesusen yig isebag.

Lukas 6:22

Eke it apheyen inambit hisaruk wilil, horiep hisahakeg, inune dahon hinobam embeheg suhup ari An ninuk wahup etno fam ariroho suruk isalug, Anden wa yig hisaruk ahi-o.

Lukas 8:15

Eke i angge kwean sinon fam kililtil lebag etno hag, ari it aphe wene etno inesanggo holtug inindi fanoroho ebereheg, eke anggen yihukag ulug amug wareheg suruk-o,” ulug At Yesusen yig isebag.

Yohanes 17:14

Eke Anden Hat hawene etno yig isaruk nealug, it ap kweanmon Hat hawene waruk elehon epmanowen inambit hun inaptusa-o. Eke An nebe ap o kweanma dumon neken welahi fug etno hag, it inebe o kweanma dumon neken wereg eleg isalug, it aphe kweanmon nin epmanowen inambit hun inaptusa-o.

Yohanes 7:7

Eke it yi aphe di aphe kweanmon etnowen hit inambit hisao eleg oke, Anden hit ariroho suruk ahep ari dag-at suruk ahep-o, ulug yig isaruk ahi etno fam, inambit nearuk-o.

Kisah Para Rasul 9:16

Eke at etno An ninuk yig isarukmu it apheyen dahon epmano hobam umburuk amuhup ulug, Anden yig ituk aruhuk-o,” ulug yig epag.

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

2 Korintus 4:11

Eke nit ninebe niniluk wilil, At Yesus awene walug laruk aheon etno war ninabuog ulug surukmu, nit ninebe waramon oke niniluk atuk ahe etno fam At Yesus etno iluk wereg-o ulug selegma atuk-o.

Galatia 6:9

Eke ari halug, fanoroho sukon etno orog-at suruk am fug-o. Eke nintul nantul fanoroho suruk nisalug, fobik o ari sambit anggen fanowon etno-at bal sahuk-o.

Ibrani 3:14

Eke nit bilin ninindi oag weregsoho wilil Allah wene warukuk etno hag, nintul nantul-at senebuhuk halug ari, At Kristus omini-at welamuhuk-o.

Ibrani 6:11

Eke hit hinarug fanoroho suruk ahebon etno mondog-at suruk amag ulug ninindi hisaruk wilil yig hisehe-o. Eke hit hinarug fanoroho suruk hisalug, hiren fanowon og nisahu ulug hinahla buruk ahebon etno og hisahu at-o.

Yakobus 1:12

Eke ap misig yi angge di angge dahon obam umburuk isalug, ahien hawag-o. Eke yi angge di angge dahon obam umburukon oke, indi oag weregsoho wereg halug, At Allahen niniluk welamon At udaki og isahuk ulug abug yig nisebahon etno og iruhu-o.

1 Yohanes 3:13

Eke ari halug nomini, it kweanmonen inambit hun hinaptuk ari keroho ulug buk fug-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.

Wahyu 2:17

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, orom manna herahoma werehon epmano og isahuk-o. Og isaruk aruhukseg, obam seberoho helep huluon etno fam ininuk keron etno inakeleg sik iniluk amag ulug wene holal baloko og isahuk-o,” ulug yig nitisi-o.

Wahyu 2:26

Eke it inoag weregsoho anduhunmu neken welamuhubon epmanowen Anden yig isaruk seyahon etno mondog ilitoho suruk isalug, An Niknien suon noag weregsoho welamon og nepag etno hag og isahuk-o.

Wahyu 2:3

Eke hit hinebe hinindi oag weregsoho wilil, An nawene warikip etno fam dahon hinobam umburuson oke, wene wawon etno sohorep isarikip fug-o.

Wahyu 2:7

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, At Allah eyabukmu e iniluk welamon etno anggen nawag ulug minduhup isahuk-o,” ulug yig nitisi-o.

Wahyu 3:21

Eke it inoag weregsoho anduhunmu welamuhubon epmano An kidia Nikni ombandu bikit fil su­on-at welahi etno hag, it epmano og inaplug An nombandu fil welamag ulug suontoho imbi­sahuk-o.