Matius 10:2 - Allah Wene Hurumbik Keron

² it ap wol isebahon epmano ini­nuk Simon, inuk misig Petrus soalfahon etno inim, at ot Andreas etno inim, at Zebedeus udaki Yakobus, ot Yohanes etano inim,

Matius 10:2 ပူးပေါင်းရင်းမြစ်များ

Matius 17:1

Eke fobik ininggik enggalimen angge welapareg, At Yesu­sen it Pe­trus, Yakobus, ot Yohanes etano og inaplug o bunumu aphe eleg ambeg epmano inakeleg-at lahabag.

Matius 20:20

Eke fobik at Zebedeus udaki inisina etno udaki og inaplug At Yesus ambeg waharuk apareg, olohot fil ut kunuk ulug kino yig epag.

Matius 26:37

Laruk apareg, At etno indi dag atuk wilil, akol anggolo hebag.

Matius 4:18

Eke fobik At Yesus ik Galilea ayegma laruk wilil, at Simon inuk misig Petrus etno, ot Andreas inimen werul etno ikma belaptukmu ilanggen yet isebag. It etano ikan watukon welapag.

Matius 4:21

Inim laruk apag, eke it Yakobus, ot Yohanes inim, inikni Zebedeus etno inim ikma so fam horieg weregma, it inawerul etno seleben surukmu ilanggen yet iseba­reg, wol isebag.

Markus 1:29

Eke fobik it Yahudi ap wene uruk ambeg epmanowen wilip atuk apareg, epmanowen bikit at Petrus owe etno it Simon, Andreas inibam etno uk wareg weregma, it Yohanes, Yakobus etano inim kebag.

Markus 13:3

Yig isaruk apareg, At etno o Allah ibam o ele motoho epmanowen Zaitun bunumu etno laharuk apareg, horie uruk apagma, it Petrus, Yakobus, Yohanes, Andreas etano inakeleg-at ambeg hinog wak wapag.

Markus 6:30

Eke fobik At Yesusen omini mondep isebahon epmano iniog suhuluk ambeg waharuk apareg, yig ituk wilil, “Nit ariroho yanggul iseheg, eke ariroho fano inabeheg sil nuruk atukuk-o,” ulug olmadiloko yig irik wapag.

Lukas 11:49

Eke At Allah yi angge di angge obog ilukon etnowen amuk yig isaruk wilil,

Lukas 22:14

Eke fobik Paskah esetuk wilil, wam domba etno nuog ulug suruk apareg, At Yesus omini inim e daleg ambeg etano horie ebag.

Lukas 22:8

Fanggog uruk apagma, At Yesusen it Petrus, Yohanes etano lahap isiog ulug yig isaruk wilil, “Nit esoho Paskah etno nulen esag ninabik aliek-o,” ulug yig isaruk apagma,

Lukas 5:10

Fog suruk apagma, At Yesusen Simon etno yig ituk wilil, “Hat hakol ha fug-o. Hiren ikan anggolo warehen epmano hag aphe sen inabil lahup-o,” ulug yig epag,

Lukas 9:10

Eke fobik At Yesusen omini mondep isebahon epmano iniog suhuluk waharuk apareg, iren sil nuruk apahon epmano obog dindiloko At Yesus etno yig epag. Yig ituk apagma, At Yesusen og inaplug, inakeleg-at o misig inuk Betsaida etno lebag.

Yohanes 12:22

Yig ituk apagma, at Filipus etnowen Andreas etno yig irik waharuk apareg, inim atlug At Yesus etno yig irik lebag.

Yohanes 13:23

Ariroho suruk apagma, At omin misig Yesusen indi hunduhuk welapahon etno At inggik bikit fil horieg welapag.

Yohanes 20:2

Ilanggen haruk apareg, dulum-at dahagsoho iog suhuluk waharuk wilil, at Simon Petrus etno inim, eke At Yesus omin indi hunduhuk welapahon etno inim inambeg waharuk apareg, yig isaruk wilil, “At Ninowe etno o wikelmen walug wilip ahesa ari, epma imbik lahesa ulug nit ninapeleg-o,” ulug yig isebag.

Yohanes 21:2

Waharuk apag At Simon Petrus etno inim, eke at Tomas inuk misig Hulip udag etno inim, eke at Natanael ibam o Galilea Kanaon etno inim, eke it Zebedeus udaki etno inim, eke At Yesus omini biren inim obog-at baluroho welapag.

Yohanes 21:20

Yig ituk apagma, at Petrus etno olohore dahagsoho yet haruk apag, At Yesus omin indi hunduhukon etno bilin orom naruk wilil, At Yesus ambeg hikip hikip lebareg yig ituk wilil, “Nowe-o, at sen Hat hebe sen habukag ulug yonggo likon-o?” ulug yig epahon etno weregma ilanggen hebag.

Yohanes 21:24

Ariroho yig ebag ari, At omin etno farim-at ebag-o. Eke Aren yiroho diroho sebahon epmano At omin misig etnowen yig isil laruk apareg, buku du fam wene embebag-o. Eke Aren wene embebahon etno demat ebag ulug nit niniluk-o.

Yohanes 6:67

Suhuluk laruk apagma, At Yesusen it omini dua belas epmano yig isaruk wilil, “Hit hag An sohorep nahalug, ariroho-at hiniog suhuluk hinibam lalihip ano?” ulug yig isebag.

Yohanes 6:70

Yig ituk apagma, At Yesus etnowen yig isaruk wilil, “Anden hit hinebe dua belas epmano fuloko minduhup hisaharikikon oke, hat misig etno iblis amloho-at welahen-o,”

Yohanes 6:71

ulug ariroho yig isebag ari, at Yudas, Simon Iskariot amloho etno farim-at yig isebag. Eke at Yudas etno Yesus omini dua belas-at oke, At ebe wabukag ulug inayonggo lebag etno fam, ariroho inayonggo lahu ulug iluk wilil yig isebag.

Yohanes 6:8

Ariroho yig ituk apagma, eke omin misig at Simon Petrus ot inuk Andreas etnowen yig ituk wilil,

Kisah Para Rasul 1:13

Amburuk apareg, it wereg ambeg inibam umbo epmano lahabag. Lahabareg weregma, it Petrus, Yakobus inim, eke it Yohanes, Andreas inim, eke it Filipus, Tomas inim, eke it Bartolomeus, Matius inim, eke it Alfeus amloho Yakobus, Simon inuk misig Zelotes etano inim, eke at Yakobus ot Yudas etno inim obog dambuksoho welapag.

Kisah Para Rasul 1:26

Sembahyang uruk apareg, at Matias inuk holal waruk wilil, At Yesus omini sebelas epmano inim welamon ulug minduhupfebag.

Kisah Para Rasul 12:2

Laruk apareg, at Yakobus Yohanes owe etno karog fam waroko embebag.

Kisah Para Rasul 3:1

Eke fobik ap misig isina ahla iog oag elehon etno ibam weregma, it ninen walug it aphe o Allah ibam kurukon epmanowen uang og emag ulug nintul nantul o Allah ibam sok inuk Fanowon elma imbik laruk apag.

1 Korintus 15:7

Eke fobik at Yakobus etnowen ilanggen hebag. llanggen hebareg fam, eke fobik it mondep isebahon epmano dambuksohoen inilanggen hebag.

Efesus 4:11

Eke wene yi angge di angge epmano og isarisi ulug wereg ari, At Kristusen it nin At Allah wene yig isil lawag ulug mondep isarukon etno inim, eke it nin Allah wene hurumbik yig isarukon epmano inim, eke it nin wene fano wene yig isil larukon epmano inim, eke it nin Allah udaki inaso wilil yanggul isarukon epmano inim og isaruk wilil minduhup isarisi-o.

Ibrani 3:1

Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.

1 Petrus 1:1

An Yesus Kristus omini mondep isebahon misig Petrus etnowen wene holal du bal hisihi-o. Hit Allah udaki o Pontus, Galatia, Kapadokia, Asia-Kecil, Bitinia inim huso neken welahebon epmano wene holal du bal hisihi-o.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

2 Yohanes 1:1

Nahaloho-o, an ap Allah wene yig isarukon etnowen holal du baltuk ahi-o. An it Allah wene urukon epmano ninim wilil, hat inim, hat hudaki inim, hit obog nit ninindi hunduhuk welahe-o.

3 Yohanes 1:1

Nare Gayus wai. An ap Allah wene yig isarukon etnowen holal du baloko hombahaki.

Wahyu 1:1

Wahyu wene du fam At Yesus Kristus etnowen bukaloko yig epahon etno wereg-o. Ariroho embebag ari, fobik suhuon wene etno it Allah anggimbu obog iniluk amag ulug, At Allahen Yesus Kristus yig ituk apagma, At Kristus etnowen anggimbu Yohanes etno yig emag ulug omalaikat misig ambeg belabik wapag-o.

Wahyu 1:9

At Yohanes etnowen wene holal umburuk wilil, “An hinomin Yohanes etno alem Allah wene inim, eke At Yesus Kristus inuk etno inim yig isil larikikseg fam, ik anggenma inuk Patmos etno lahap naharusama welatikik-o. Eke hit dahon hinobam umburuk etno hag, an dahon nobam umburusa-o. Ari halug, At Allah weregma welamu­hukon inim eke At Yesus Kristus inuk fam wene demat urukon etno inim hit ninim dambuksoho waruk ahe-o.

Wahyu 18:20

Ariroho uruk atuson oke, eke hat bohol inim, hit At Allah udaki inim, eke hit mondep hisahabahon etno inim, eke hit nabi ap Allah wene yig isaruk ahebon etno inim, hit obog hinahien haruk amiek-o. Eke o Babel etno mialtuk wi­lil, “aren dahon hinobam hinombisaharision etno onggo At Allahen oag deloko dahon etno obam embehek-o. Ari halug, hit hinahien haruk amiek-o,” ulug uruk atusa-o.

Wahyu 22:8

Ariroho uruk atisimu, eke an Yohanes etno yi angge di angge suhuon obog nilanggen haruk wilil, niluk atisi-o. Arat niluk atisireg, at malaikat yanggul nitision etno obam sembahyang iug ulug nut kunuk irikik-o.