Matius 10:1 - Allah Wene Hurumbik Keron

¹ Eke fobik At Yesusen omini dua belas epmano wol isaruk apareg, yig isaruk wilil, “Hiren it setan inindimu werehon epmano lisoko wilip iseheg, eke it uk warehon epmano fano inabeheg sukag ulug minduhup hisahaki-o,” ulug yig isaruk apareg,

Matius 10:1 ပူးပေါင်းရင်းမြစ်များ

Matius 19:28

Yig ituk apagma, At Yesusen yig isaruk wilil, “Fobik yi angge di angge obog inebe keron neken imbisaruk halug, An Allahen minduhup naharision suon wilil, it aphe oag del inabiog ulug horie uruk aruhukmu, hit nomini dua belas mug naplug waharikibon etnowen it Israel ap inunggul oag dua belas etno oag del inabuog ulug ninim ilitoho-at wilil, horie uhuk-o, ulug yig hisihi ari, An demat yig hisihi-o.

Matius 26:20

Esoko imbik kuruk apareg wereg heheg, o hup atuk apagma, At Yesus omini dua belas etno inim nuog ulug horie ebag.

Matius 26:47

Awan yig isarukmu, at Yudas bilin omini dua belas neken inim sil nuruk apahon etno wapag. Waharuk apareg, it Allah unde suon etno inim, eke it Yahudi ap inowesi suon epmano inimen ap karog inim, yikangge inim unde werehon etno inim lahap isa waharuk apagma, at etno inim wapag.

Matius 4:23

Inim laruk apagma, At Yesus etno o Galilea etno obog-at dahag dahag sil nuruk wilil, iren wene uruk ambeg o falegma epmanowen yanggul iseheg, eke At Allahen sukon wene fano wene etno yig iseheg, eke it aphe obog uk warehon inim, ukmurohon inim fano inabeheg sil nuruk apag.

Matius 6:13

Eke ninindi kahalik waharukim, iblis lisoko wilipfin-o. Eke Hat suon hoag werehon-at welahen-o. Hat fanowon halon werehon-at wela­hen-o. Hat hebe walhan-at halug, hitog mondog welahen-o. Amin,’ ulug ariroho sembahyang uruk amuk-o.

Matius 9:35

Eke fobik At Yesus etno o ahik ya da o sumu dotma epmano ya keheg lebag. Laruk wilil, it o Allah wene uruk ambeg epmanowen yanggul iseheg, eke At Allah weregmen sukon wene fano wene etno yig iseheg, eke it uk warehon epmano obog-at fano inabeheg sil nuruk apag.

Matius 9:38

At orom yabuk unde wereg etnowen ap orom yabuk surukon obam seberoho og hisawag ulug kino yig imuk-o,” ulug At Yesusen omini epmano yig isebag.

Lukas 10:19

Hit walo hukalo obam hiniog umbukon etno inim, eke setan oag werehon wilipfukon etno inim Anden oag werehon etno og hisarikikseg fam, war hinabuhup fug-o.

Lukas 21:15

Eke Anden hinindi enggatep hisahalug, yig hisarukmu, it hinim healeg welamuhubon epmanowen wene onggo yig hisao hai atuken, hinenggal uruk ahep ulug yig hisahup fug-o.

Lukas 24:49

Eke An Niknien og hisawon abug yig hisarision etno fobik belap hisa waruhuk-o. Eke hit hag, boholmen oag werehon etno ninobam belabik waruhu ulug aso wilil, o duma welamuhup-o,” ulug yig isebag.

Lukas 6:13

O witaruk apagma, Aren omini epmano wol isaruk apareg, inebe dua belas epmano fuloko imbisebag. Fuloko imbisaruk apareg, it inebe ap mondep isebahon ulug minduhup isebag.

Yohanes 17:2

Eke An nebe etno it yi aphe di aphe obog-at Inowe suon welamag ulug minduhup naharikinteg fam, Anden it aphe Haren og nitikinon epmano Anden iniluk welamon etno og isiog ulug suruk ahi-o.

Yohanes 3:27

Yig ituk apagma, at Yohanes etnowen yig isaruk wilil, “At Allahen yi angge di angge og nisaruk eleg halug, it apheyen holao ari hai-o.

Yohanes 3:35

Eke At Ikni etno Amloho indi hunduhuk wilil, yi angge di angge obog unde welamag ulug inggikmu imbirisi-o.

Yohanes 6:70

Yig ituk apagma, At Yesus etnowen yig isaruk wilil, “Anden hit hinebe dua belas epmano fuloko minduhup hisaharikikon oke, hat misig etno iblis amloho-at welahen-o,”

Kisah Para Rasul 1:8

Hinapelegsoho weregma, Roh Kudus oag werehon etno hinobam belabik waruhumu, hit An nawene-at yig isil nuruk amuhup-o. O Yerusalem, Yudea, Samaria inim, o kweanma obog yig isil nuruk amuhup-o,” ulug yig isebag.

Kisah Para Rasul 19:15

Yig isaruk atusama, at setan etnowen yig isaruk wilil, “At Yesus ari an niluk-o, eke Paulus an niluk-at-o. Eke hit hag an napelegma, hit sandehen yig nituk ahep-o?” ulug yig isaruk atisireg,

Wahyu 12:1

Eke fobik boholmen sukfugangge surukmu nil harikik-o. Nil harikikseg weregma, at hwe misig, asum mo neken wanteheg eke iog bikalem fam embeheg, eke soholoal dua belasen angge unggu­lasum neken wanteheg surukmu nilanggen harikik-o.