Matius 1:21 - Allah Wene Hurumbik Keron

²¹ Eke udag ebe endetuk halug, inuk Yesus-at soaluhun-o. Eke it apheyen dag surukon elegsoho apma imbisalug inili wahu halug, inuk ari-at soaluhun-o.

Matius 1:21 ပူးပေါင်းရင်းမြစ်များ

Matius 1:25

Holebareg oke, udag etno awan endetuk eleg heheg, inim dambuksoho nohoruk apag fug. Eke fobik udag manggia etno arat endetuk apagma, inuk Yesus-at soalfag.

Lukas 1:13

Akol haruk apagma, eke At Allah malaikat etnowen yig ituk wilil, “Zakharia wai. Hiren sembahyang uruk atikibon epmano At Allah esanggo holtisireg fam, hat huhwe Elisabet etno hit hinahudag ap angge at enderuhu-o. Endetuk aruhumu, hiren inuk Yohanes-at soaluhup-o.

Lukas 1:31

Hobam imbirisireg fam, fobik udag hahumla atuk aruhunteg, hamloho ap angge-at enderuhun-o. Endetuk aruhunteg, inuk Yesus-at soaluhun-o.

Lukas 2:11

Ari kidia dia At hinili wahuon etno o Daud welapag ambeg epmano endag aha-o. At Ninowe inuk Kristus at-o.

Lukas 2:21

Udag etno endepareg weregma, ininggik sirehen angge welapareg, iyunggul ambilik balukon fanggog ebag. Fanggog uruk apagma, inuk Yesus-at soalfag. Inuk ari isina ahumlareg eleg heheg, bilin at malaikaren yig epahon etno-at soalfag.

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Yohanes 4:42

at hwe etno yig ituk wilil, “Nit bilin haren yig nisehenon etno fam At obam ebereheon etno sohorep isalug, kidia ninonggarehen At une ninesanggo holtuk ahereg, Ap du nit kweanmon ninili warukon demat-o ulug ninahla buruk ahereg, ninindi ebetuk ahe-o,” ulug yig epag.

Kisah Para Rasul 13:23

Uruk apareg, fobik at Daud etamu Yesus etno it Israel aphe inili wahu-o ulug hurumbik yig isebag.

Kisah Para Rasul 3:26

At Amloho iluksoho minduhupfirisimu, bilin hit obog yi dag di dag suruk atikibon epmano sohorep isalug fano hinabukag ulug belap hisa waharisi-o,” ulug at Petrusen yig isaruk apag.

Kisah Para Rasul 4:12

At Yesus-at ninili warukon haruk ahe-o. Eke At Allahen ap kweanmon misig inuk suontepfirisi fug. At Yesus akeleg-at inuk fam hinili wahuk ulug minduhupfirisi-o,” ulug at Petrusen hurumbik etno yig isaruk apagma,

Kisah Para Rasul 5:31

Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

1 Yohanes 1:7

At Allah weregsoho o selegma laruk nisalug, ninomini obog ninim dambuksoho welahe-o. Ariroho weregma, eke ninindi dahon At Yesus Allah Amloho amep fam ho ninaptuk-o.

1 Yohanes 3:5

Eke At Kristus mondog dag sebag fuhon oke, nit dag suruk aheon epmano ninapelegsoho apma ninombisahukag ulug kweanma ambik wapag-o.

Wahyu 7:14

eke anden yig ituk wilil, “Nowe, an napeleg-o, Hat-at hiluk-o,” ulug yig iti­kik-o. Yig ituk atikikmu, eke Aren yig nituk wilil, “It aphe du dahon inobam umburuson oke, inili holaruk atusareg waharusa-o. Eke it epmano inasum sabele horoho Wam Domba Udag amep etno fam hulu amag ulug are surusa-o.