Matius 1:1 - Allah Wene Hurumbik Keron

¹ At Yesus Kristus, Abraham Daud etamu etno, At etamuki umbiasi welapahon ininuk du at-o.

Matius 1:1 ပူးပေါင်းရင်းမြစ်များ

Matius 1:18

At Yesus Kristus endag apag etno ariroho endag apag. At isina Maria Yusuf wene watukon etno inim dambuksoho awan heheg, Roh Kudus etno fam ahumla apag.

Matius 1:2

At Abraham etnowen amloho Ishak endepag. At Ishak etnowen amloho Yakub endepag. At Yakuben udaki Yehuda osi inim endag inapag.

Matius 15:22

Laruk apagma, at hwe misig o Kanaan epma i werehon etno ambeg waharuk apareg, yig ituk wilil, “Nowe-o, Hat Daud etamu duen hahmu niyimin-o. An nahaloho setan indimu kuruk atisireg, obam oloken yahan watuk wereg-o,” ulug yig epag.

Matius 3:16

Belaptuk apagma, ikmen lahik wapag. Lahik waharuk apagma, bohol heal haruk neken, Roh Kudus etno sue yalme ilitoho At unggu­luagma belabik waharukmu ilanggen hebag.

Matius 9:27

O etnowen wilip atuk apareg larukmu, it ap biren inilanggen buhon etano mutlug laruk apareg, inune suon-at yig ituk wilil, “Hat Daud etamu duen nit hahmu nisimin-o,” ulug yig epag.

Lukas 1:33

inowe suon welamag ulug At Allahen minduhupfuruk aruhumu, at Yakub udaki epmano inowe suon mondog welaruhu-o. Ariroho wilil, fobik eleg aruhu fug-o,” ulug yig epag.

Yohanes 7:42

At Kristus ari ebe Daud etamu halug, o Betlehem at Daud welapag ambeg epmanowen-at endag aruhu ulug Alkitab etno fam yig nisebag-o,” ulug uruk apag.

Kisah Para Rasul 2:30

Eke at Daud bilin nabi ap weregma, At Allahen hurumbik yig epahon etno iluk wilil ahla buruk apag. Ahla burukmu, At Allahen Daud etno hurumbik yig ituk wilil, ‘Kidia hat Daud suon welahen etno hag, fobik At hetamu misig suon minduhupfuhuk-o,’ ulug yig ituk apagma,

Roma 1:3

Ari, wene fano wene etno At Allah Amloho Ninowe Yesus Kristus etno at Daud etamu neken endag apahon oke,

Roma 4:13

Eke At Allahen hat Abraham hetamuki hinim o kweanma duma unde welamuhuben ulug og hisahuk-o, ulug abug yig epag etno, at Abrahamen wene duroho suruk amuk eke duroho suruk am fug ulug ebahon etno ilitoho surukmu yig epag fug-o. Eke at Abraham Allah obam ebetuk halug, inim dambulfag etno fam yig epag-o.

Roma 9:5

Eke it inetamuki bilin it Abraham, Ishak, Yakub welapahon etno hag, eke fobik At Kristus etno ebe ap ilitoho it inungguluahon-at endag apag-o. Eke At Allah yi aphe di aphe Inikni etno inuk nintul nantul suontepfuruk amuk-o, ulug an demat yig hisaruk ahi-o.

Galatia 3:16

Eke amuk At Allahen Abraham etno yig ituk wilil, “Hat hetamu hinim ariroho hinombisahaku-o” ulug hurumbik yig epag etno, etamuki anggolo farim yig epag fug-o. We hetamu ebag ari, at misig Kristus etno farim ebag-o.

1 Timotius 2:5

Eke At Allah etno misig-at wereg-o. Eke At Allah nit aphe ninim dambuk ninaptukon etno ap misig inuk Yesus Kristus etno-at wereg-o.

2 Timotius 2:8

Ebetuk wilil, eke At Yesus Kristus etno inim obam ebetuk amin-o. Eke At Yesus etno Daud etamu neken weregma, aphe waratuk ambehen iluksoho minduhupfebag ulug, wene fano wene etno aphe yig isil nuruk ahi-o.

Wahyu 22:16

An Yesusen yi angge di angge aphe jemaat Allah wene urukon epmano yig isiug ulug nomalaikat etno belabik waharikik-o. Eke An nebe etno at Daud etamu wilil, soholoal wap etno ilitoho-at welahi-o,” ulug irisi-o.