Markus 7:9 - Allah Wene Hurumbik Keron

⁹ Yig isaruk apareg, eke fobik yig isaruk wilil, “Hit hinetamukien wene uruk apahon epmano hag uruk wilil, At Allahen wene ebahon etno sohorep isaruk ahep du, hit fano-at suruk ahep hihi-o, ulug inenggali war inapag.

Markus 7:9 ပူးပေါင်းရင်းမြစ်များ

Markus 7:13

Eke hit hinetamukien wene duroho suruk amuk eke duroho suruk am fug ulug yig hisebahon etno waruk wilil, yanggul isaruk ahep ari, Allah wene etno seberoho umbuog ulug-at suruk ahep hisihi-o. Eke hit ariroho suruk ahep etno ilitoho nin anggolo-at suruk ahep hisihi-o,” ulug yig isebag.

Markus 7:3

Eke it Farisi ap epmano inim, eke it Yahudi ap obog epmano inim inetamukien wene duroho suruk amuk eke duroho suruk am fug ulug yig isebahon etno iniluk wilil, ininggik fikfag-at horoho orom naruk apag.

Markus 7:5

Ariroho sebag etno fam, it Farisi ap epmano inim, it wene baleg unde epmano inimen inilanggen isaruk apareg, At Yesus etno yig ituk wilil, “It ninetamukien wene duroho suruk amuk eke duroho suruk am fug ulug yig nisebahon etno wereg heheg, it Hat homini du weheg eleg wilil, ininggik horeg eleg yuhun-at orom naruk du keroho ulug suruk-o?” ulug yig epag.

Roma 3:31

Eke ari halug, niren At Yesus obam ebetuk ahe etno fam wene duroho suruk amuk eke duroho suruk am fug ulug ebahon etno imbisaruk ahe buruk ahep ano? Ari eleg-o. Niren At Yesus obam ebetuk ahe etno fam, wene duroho suruk amuk eke duroho suruk am fug ulug ebahon etno ilitoho-at suruk ahe-o.

2 Korintus 11:4

Eke at ap misig hinambeg watlug niren yig hisarukuk etno ilitoho yig hisaruk eleg heheg, Yesus awene ninon neken-at yig hisaruk heheg, hiren nomin wa ulug fanoroho-at heahi watuk ahep-o. Eke niren yig hisarukmu, Roh Kudus etno inim, wene fano wene etno inim fanoroho warikibon oke, kidia wene ninon inim, eke ap werlekon ahurangge inim waruk ahep-o.

Galatia 1:14

Eke it nomini Yahudion nin it Yahudi ap inawene etno yuhun-at waruson oke, eke an hag nindi fam fikfag eberoko neken waruk wilil, it ninetamukien ariroho siuk ulug ebahon epmano ilitoho-at suruk atikik-o.

Galatia 2:21

Eke ap misig it Yahudi aben wene duroho suruk amuk eke duroho suruk am fug ulug ebahon etno ilitoho suruk halug, etno fam At Allahen alem dahon obam werehon epmano elehepfelepmen, At Kristus etno werlek-at waratlep ari haruk ahep?

2 Tesalonika 2:4

Eke at ap dahon waruhuon etnowen it aphe Allah obam ebetukon epmano seberoho imbiseheg, eke du At Allah ulug urukon etno sohorep iseheg suruk wilil, an-at suon welahi-o ulug uruk aruhureg, eke At Allah ibamen minatuk wilil Allah nebe an-at welahi-o, ulug yig hisahu-o.