Markus 7:7 - Allah Wene Hurumbik Keron

⁷ Ariroho ebetuk wilil, it inetamukien wene duroho suruk amuk eke duroho suruk am fug ulug ebahon etno farim du Allah wene at-o, ulug uruk wilil, we inambilik fam inenggal-at suontepfuruk ahe ulug uruk-o,’ ulug At Allahen yig isebahon etno at Yesayaen wene embebag ari, hit farim-at embebag-o,” ulug yig isebag.

Markus 7:7 ပူးပေါင်းရင်းမြစ်များ

Matius 15:9

Ariroho inindimu ebetuk wilil, it inetamukien wene duroho suruk amuk eke duroho suruk am fug ulug ebahon etno farim du Allah wene at-o, ulug uruk wilil, we inambilik fam inenggal-at suontepfuruk ahe ulug uruk-o,’ ulug At Allahen yig isebahon etno at Yesayaen holal embebag ari, hit farim-at embebag-o,” ulug At Yesusen yig isebag.

Yakobus 1:26

Eke ap misihen, an Allah wene fano-at waruk ahion welahi-o, uruk halug, at ap etnowen dahon nobam denggelepatihi ha nowen ulug, ambilik fam urukon etno fikfag yaharoho welamag-o.

Kolose 2:22

Yi angge di angge kweanmon epmano filik atukon halug, it apheyen-at na fug-o ulug usa yig hisaruk-o.

Matius 6:7

Nin eke sembahyang uruk wilil, it ap Allah wene inapelehon epmanowen uruk hag uk fug-o. Eke sembahyang ebe eleg neken, hinune yaron uk fug-o. Eke it Allah wene inape­lehon epmanowen nune yaron uruk apminmu esanggo holikon-o, ulug inahla buruk-o.

Titus 3:9

Eke yi angge di angge farim urunanggeroho winimug aptukon etno inim, eke ninetamuki ininuk du-o ulug wene yaron urukon etno inim, eke wene duroho suruk amuk eke duroho suruk am fug ulug ebahon etno farim yuhun-at winimug aptukon etno inim, ariroho urukon etno ebe mondog eleg halug sohorep isin-o.

Wahyu 22:18

An Yohanesen wene misig yig hisik-o. Hit hurumbik wene holal baleg du hinesanggo holtuk ahebon etno, wene misig obam seberoho yig isahup halug, At Allahen holal baleg du fam inusu­kon wene etno yig hisarision oke, obam seberoho hinusu­hu-o.

Yakobus 2:20

Eke hat hebe Allah wene uruk ahenon oke, ilitoho suruk ahen fug ari, urunangge neken suruk ahen-o. Allah wene waruk wilil oke, ilitoho suruk eleg isalug ari, Allah wene waruk elehon neken wereg etno hat hapeleg ano?

1 Korintus 15:14

Eke At Allahen At Kristus minduhupfelep fugmen, hit obog wene yangguloko yig hisarukukon epmano wene ebe eleg neken wilil, hit hinindi ebetukon epmano ebe eleg neken welatlep-o.

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.