Markus 4:7 - Allah Wene Hurumbik Keron

⁷ Eke i misig isinggama belapfebahon etno unggum lahabareg oke, hohol yar atuk wilil, anggen awan yihik eleg heheg, waroko herahabag-o.

Markus 4:7 ပူးပေါင်းရင်းမြစ်များ

Lukas 8:14

Eke i angge isinggama kililtil lebag etno hag ari it apheyen wene etno inesanggo holtukon oke, fobik inindi yi angge di angge holawon ebetukon etno inim, eke an kweanma dumen keroho fano welaruhuk ulug inindi seneni ebetukon inim, eke inindien yi angge di angge surukon epmano inim, ariroho anggolo ebetil nurukon ari, iren angge anggen yihikon etno wirik atuk eleg-o.

Lukas 21:34

At Yesusen yig isaruk wilil, “Hit hinindi aso welamiek-o. Ariroho wilil, esoho anggolo nenggeg, ambusu nenek surukon etno hinahumsoho nenggeg, eke yi angge di angge kweanmen surukon epmano hinindi seneni ebereheg suruk am fug-o.

Lukas 12:15

Yig ituk apareg, eke fobik it obog yig isaruk wilil, “Yi angge di angge nindi nindi uruk wilil huluog ulug surukon epmano hit ariroho sehe ha nowen ulug yaharoho welamiek-o. Eke ap misig aharek yi angge di angge anggolo wereg halug, epmano fam fanoroho welaruhu fug-o,” ulug yig isebag.

Lukas 8:7

Eke i misig isinggama kililepfebahon etno, unggum lahabareg oke, hohol yat atuk wilil, unggum fanowon etno kweanma ambebag-o.

Matius 13:22

Eke i angge isinggama kililtil lebag etno hag ari, it nin wene inesanggo holtuk atlug oke, inindi seneni ebetukon etno inim, eke yi angge di angge holawon ebetukon etno inim, it inindi ariroho yi angge di angge kweanmon ebetukon ari obog-at inindimu anggen yihikup fug-o.

Matius 13:7

Eke i misig isinggama belap­febahon etno unggum lahabareg oke, hohol yar atuk wilil waroko herahabag-o.

Matius 13:8

Eke i misig kwean sinon fam belapfebahon etno anggen arat yihebag-o, anggen yihebahon etno misig anggen sera­tus yihebag eke misig anggen enam puluh yihebag, eke misig anggen tiga puluh yihebag-o,” ulug yig isaruk apareg,

Markus 4:6

helep famen omanggen dalfareg, mo oloken bug apag-o.

Markus 4:8

Eke i misig kwean sinon fam belapfebahon etno unggum suon laharuk apareg, anggen arat yihebag-o. Anggen yihibahon etno misig anggen tiga puluh yihebag-o. Eke misig anggen enam puluh yihebag-o. Eke misig anggen seratus yihebag-o,”