Markus 4:2 - Allah Wene Hurumbik Keron

² Horieg wilil, it aphe anggolo ik ayegma wonggaleg werehon epmano yi wene di wene obog-at ilitoho neken yig isaruk apag. Yig isaruk wilil, “Hit wene yig hisaminon etno hinesanggo fanoroho holiuk-o.

Markus 4:2 ပူးပေါင်းရင်းမြစ်များ

Markus 4:11

Yig ituk apagma, At etnowen yig isaruk wilil, “Wene herahowon At Allah weregmen sukon etno-at yig hisihi-o. Ariroho yig hisihi ari, hit hag wene etno selegmaroho-at yig hisaruk ahion oke, eke it werlekon epmano hag wene ilitoho neken-at yig isaruk ahi-o.

Markus 3:23

Yig ituk apagma, At Yesus etnowen it aphe obog At ambeg wonggalik wamag ulug wol isaruk apareg, wene ilitoho neken yig isaruk wilil, “At iblis misihen iblis misig inindimu kurukon etno lisoko wilipfuk ari hai-o,” ulug uruk apareg, eke fobik yig isaruk wilil,

Matius 13:10

Yig isaruk apagma, At Yesus omini epmano ambeg waharuk apareg, hinog waruk wilil, “Hat wene yig isaruk wilil, keroho ulug ilitoho neken yig isaruk ahen-o,” ulug yig ituk apagma,

Matius 13:3

Yig isaruk wilil, “At ap misig etno i angge kililiog ulug arat lebag-o.

Markus 12:38

Inahien suruk apareg weregma, At Yesusen yanggul isaruk wilil, “It ap Allah wene baleg unde epmanowen hinindi kahaluk nowen hinonggarehen hinindi aso welamuk-o. Eke it epmano inasum yaron wantepfulug kwalem ke yuhun-at sil nuruk wilil, o onggo hundutuk ambeg epmano it apheyen heahi war ninabukag ulug sil nuruk-o.

Matius 7:28

Ariroho-at yig isaruk apagma, At Yesusen yanggul isaruk apahon etno it aphe obog wonggaleg welapahon epmanowen wi ulug fog suruk apag.

Yohanes 18:19

Eke fobik at Allah unde inowe suon etnowen At Yesus etno unema waruk wilil, “Hat homini sandeg-o? Eke hawene nongge uruk ahen-o?” ulug yig ituk apagma,

Markus 4:3

At ap misig etno i angge kililiog ulug arat lebag-o.

Markus 10:1

Eke fobik o epmano sohorep isalug, o Yudea epmanowen ik Yordan femag lebag. Laruk apagma, it aphe anggolo At ambeg wonggalik wapag. Waharuk apareg weregma, it nin wene yanggul isil nuruk apag etno ilitoho-at yanggul isebag.

Markus 12:1

Yig isaruk apareg, eke fobik wene ilitoho neken yig isaruk wilil, “Ap misihen e anggur i yatil lebag-o. I yatil laruk apareg, lehet falepfeheg, ambusu bisaloko umburukon kwean hulileheg suruk, eke horieg welam ambeg ulug kayo bela seheg suruk apareg, at eyabuk suruk heheg, o yatma epmano lebag-o.