Markus 3:9 - Allah Wene Hurumbik Keron

⁹ At ambeg wonggalik laruk apagma, At Yesus etnowen omini epmano yig isaruk wilil, “Kidia aphe keleg atuk du, An fonggogsoho wilip nahuk nowen, so ambian motoho walug maniek-o,” ulug yig isebag.

Markus 3:9 ပူးပေါင်းရင်းမြစ်များ

Yohanes 6:15

Ariroho uruk apagma, At Yesusen ahla buruk wilil, “An nebe it Inowe suon neken welamag ulug ininggik oag weregsoho sen naplug minduhup nahuog ulug suruk-o,” ulug ahla buruk apareg, At etno akeleg-at bunu anggolo wereg ambeg epmano lebag.

Markus 5:30

At Yesus etno ahla buruk wilil, “An noag weregsoho aphe fano inaptuk ahion etno wilip aha hihi-o,” ulug ahla buruk wilil, it aphe obog At ambolma fanggog ik wapahon epmano ilanggen dahagsoho yet isebag. Yet isaruk wilil, “An nasum sen senerehen-o,” ulug yig isebag.

Matius 15:39

Naruk apagma, it aphe epmano lahap isalug, At Yesus etno so fam ikma kuruk apareg, o Magadan etno lebag.

Markus 4:1

Eke fobik o ik Galilea ayegma epmanowen wene yig isaruk apag. Yig isaruk weregma, it yi aphe di aphe obog At ambeg wonggalik wapag. Wonggalik waharuk apagma, keleg atuken so fam ikma epmano horie ik kebag.

Markus 4:36

Yig isaruk apareg, it aphe inim welapahon epmano sohorep isalug, At Yesus so fam ikma epmano horieg weregma, it omini epmano ambeg kuruk apareg, At Yesus inim lebag. Larukmu, it aphe nin so werlekon fam inim-at lebag.

Markus 5:2

Laruk apareg, so famen wilip atuk apagma, ap misig setan indimu kebahon etno ap warehon imbisaruk ambeg epmanowen At Yesus ambeg wapag.

Markus 6:32

Yig isaruk apagma, it epmano inim so fam ikma epmano kuruk apareg, aphe eleg ambeg epmano-at lebag.

Lukas 5:1

Eke fobik, At Yesus etno ik Galilea ayegma minduhuk weregma, it aphe obog epmanowen Allah wene yig nisarukmu ninesanggo holtulen ulug, inebe At Yesus olohotma horog horog kuruk wilil, at misig fonggogsoho wilipfeheg kuruk apag.

Lukas 5:3

Yet isaruk apareg, At Yesus etno so misig at Simonen angge etno fam kuruk apareg, it aphe epmano yig isaruk wilil, “So ari dot fonggogsoho ikma imbik kiek-o,” ulug yig isaruk apareg, At ebe so fam horieg wilil, it aphe epmano wene yanggul isebag.