Markus 3:2 - Allah Wene Hurumbik Keron

² Kuruk apagma, it aphe epmano inahla buruk wilil, o hari Sabat sembahyang uog ulug bok wereg niseheg oke, ap du fano sikon ano, eleg ano? Fano suruk halug, At o hari Sabat fam yabuk sehek ulug niren ninune obam denggeltulen-o, ulug inilanggen fikfag wenaharuk apag.

Markus 3:2 ပူးပေါင်းရင်းမြစ်များ

Lukas 14:1

Eke fobik At Yesus etno o hari Sabat fam it Farisi ap inowe misig ibamen inim orom nuog ulug waharuk apareg weregma, it apheyen At Yesus etno fikfag wenaharuk apag.

Lukas 6:7

Yanggul isaruk apareg weregma, eke it ap wene holal baleg unde epmano nin inim, eke it Farisi ap nin inimen At Yesus inune dahon etno obam denggeluog ulug wilil, “Aren keroho dag sikon-o, o hari Sabat fam aphe fano inabikon ano?” ulug inilanggen fikfag wenaharuk apag.

Lukas 20:20

It epmano bok atuk apareg, o ke sul hele wabuhuk ulug aso wilil, it ap nin nit fano-at welahe-o ulug urukon epmano uang anggen dorat og isebag. Og isaruk apareg, yig isaruk wilil, “At Yesus enggali wabuhuken hiren hinog wak lalihip-o,” ulug yig isaruk apareg, uruk wilil, “Fobik dahan fahan uruk halug, at Gubernur etnowen aren balukag ulug senoko og imuhup-o,” ulug inahla bebag.

Yohanes 9:16

Yig isaruk apagma, it Farisi ap nin etnowen uruk wilil, “At ap fano sehekon du o hari Sabat fam yabuk suk fug uruk iseheg, fano sehek ari At ebe Allah une etno esanggo holtuk eleg hehe-o,” ulug uruk apagma, eke it ninen uruk wilil, “Ap dag surukon hahen sukfugangge ariroho selep fug hehe-o,” ulug ariroho uruk apareg, it inebe healeg welapag.

Matius 12:10

Kuruk apagma, it aphe epmanowen At Yesusen dag suruk halug, ninune obam denggeltulen-o ulug inahla buruk apareg, hinog yig ituk wilil, “Nit wene duroho suruk amuk eke duroho suruk am fug ulug yig nisebahon etno wereg heheg, o hari Sabat fam aphe uk warehon fano inabuk ari fano ano dag ano?” ulug yig ituk apagma,

Markus 3:3

Inilanggen wenaharuk weregma, At Yesusen ap inggik hunduhukon etno yig ituk wilil, “Hat hebe minatuk apmihinteg bulmu dia ma-o,”

Yohanes 8:6

Ariroho yig epag ari, At obam denggeluhuken ulug inahla buruk wilil, indi kahaluog ulug yig epag. Ariroho yig ituk apagma, At Yesus etno olohore wanduk uruk apareg, inggik dum fam kweanma holal balfag.