Markus 2:1 - Allah Wene Hurumbik Keron

¹ Epmano welapareg, eke fobik o Kapernaum etno iog suhuluk wapag. Waharuk apagma, it ninen ibam waha-o, ulug uruk apareg,

Markus 2:1 ပူးပေါင်းရင်းမြစ်များ

Yohanes 4:47

At Yesus etno o Yudeaen o Galilea waha-o, ulug esanggo holtuk apareg, at ap etnowen Yesus ambeg yig irik waharuk wilil, “An namloho uk wareg wilil, war ariog ulug suruk oke, Hat o Kapernaum epmen fano sik lamihin ano?” ulug yig epag.

Markus 7:24

Eke fobik o epmano sohorep isalug, o Tirus etno wapag. Waharuk apareg, o misig kebareg epmano wilil, “An enggag nea nowen aphe yig isa fug-o,” ulug yig isebahon oke, selegma-at weregma inilanggen enggag hebag.

Lukas 5:18

Og ituk weregma, eke it ap ninen ap inggik iog oag elehon etno e belaroho walug wapag. Walug waharuk apareg, at ambeg kulteg, At Yesus ambeg imbik lulen-o, ulug kuog ulug sebahon oke,

Markus 1:45

Lahapfuruk apagma, ambeg epmanowen wilip atuk apareg, yig isaruk wilil, “An etno arat fano nabehek-o,” ulug it aphe epmano yuhun-at weregma, yig isil lebag etno fam, At Yesus etno aphe wereg ambeg inibam o silimu epmano kebag fug. Akeleg-at o isinggama epmano weregma it aphe o ahik ya da epmanowen ambeg wonggalik wapag.

Matius 9:1

Eke fobik At Yesus etno so fam kuruk apareg, ik etno baloko du femag wapag. Waharuk apareg, it inibam etno wapag.

Kisah Para Rasul 2:6

Wonggalik laruk apareg weregma, it Yesus omini epmano obohen inune yig isarukmu, inesanggo holtuk apareg, wi ulug fog sebag.

Matius 4:13

Waharuk apareg, o Nazaret etnowen wilip atlug, o Zebulon Naftali ho­rog-at o Kapernaum epmano welapag.

Markus 2:2

it aphe obog wonggalfahon epmano olma kelegsoho weregma, At etnowen wene yig isaruk apag.

Markus 3:20

Kuruk apareg, ibam epmano wereg heheg, fobik aphe obog kelegsoho wonggalik kuruk apagma, it epmanowen orom nawim keroho suk-o, ulug uruk apag.

Markus 7:17

Yig isaruk apareg, it aphe epmano sohorep isalug, uma kuruk apagma, it At omini epmanowen yig ituk wilil, “Hat wene bilin ilitoho neken yig nisehenon etno ebe ariroho ulug yig nisimin-o,” ulug yig epag.

Markus 9:28

Minatuk apagma, At omini epmano inim uma undama kuruk apareg, inakeleg-at wene uruk wilil, “Setan wilip amag ulug seheon oke, niren ehema wilip aheg eleg-at bok welaha ari, keroho ulug sehek-o?”

Lukas 4:23

Aren yig isaruk wilil, “Hiren An yig nitlihibon epmano An niluk-o. Eke ‘Hat hebe ap uson-at halug, honggarehen-at fano simin,’ yig nitlihip-o. Eke misig ‘O Kapernaumen surukmu nit ninesanggo holtukukon epmano ilitoho, o Hat hebe endag atikin ambeg dumen simihin,’ ulug yig nitlihip-o, ulug An kidia yig hisaruk ahi.